رد: سعر صرف الدولار مقابل الليرة 2-4-2012 بالسوق السوداء
ياشباب رح احكي وجهة نظري بالنسبة لمستقبل الدولار والتدخل ....
اذا بتلاحظو المركزي غالبا مابيتدخل بالسوق في منتصف الاتجاه الصعودي للدولار
وهالشي للأسباب التالية ..
السبب الاول : اليوم في اتجاه صعودي للدولار والمركزي اذا تدخل بهالوقت ممكن يرجع السعر
لل 70 او 71 منلاحظ انو اثر التدخل بسيط نسبيا ومارح يشجع شريحة كبيرة عالبيع
وبالتالي الدولار بعد يوم او تنين رح يرجع يطلع وهيك المركزي بكون ماحقق الهدف من التدخل
السبب التاني : اذا تدخل المركزي وخفض السعر بشكل بسيط يعني ليرة او3 رح يفقد قوتو الاعلامية
وبكل الاحوال مارح يكون التدخل ضربة موجعة لحدا بالعكس ممكن يشكل التدخل فرصة جيدة للشراء
ويرجع يطلع السعر بعد يومين متل ماحكيت من قبل...
السبب التالت : اذا بتلاحظو غالبا المركزي بيتدخل في اوقات بكون صرف الدولار
شكل طفرة بالسعر
مثلا اذا ارتفع السعر ب3 ايام 10 ليرات هون بيتدخل المركزي خاصة انو المضاربين بكونو
مجمعين الدولار وعبنطرو اللحظة الي رح يوصل فيا السعر لزروتو قبل تدخل المركزي ويبيعو ويحققو مكاسب
بهالحالة منلاحظ انو تدخل المركزي ادى بالفعل لخفض السعر ممكن شي 8 او 10 ليرات بسبب طرح الدولار
بالسوق والرغبة بالبيع اكتر من الشراء خصوصا من المضاربين وبالتالي بكون المركزي حافظ
عقوتو الاعلامية والتأثير القوي بالسوق
انا من ناحيتي مابتوقع المركزي يتدخل قبل مايتراوح السعر من الـ 78 للــ82
هاد رئيي مو دعوة شراء ولا دعوة بيع فقط رئي شخصي