عضو أساسي
تاريخ التسجيل: Sep 2009
الدولة: سورية، دمشق
المشاركات: 1,137
شكراً: 715
تم شكره 791 مرة في 269 مشاركة
رد: ماذا فعلت بـ الخمسين الف ليرة التي ادخترها؟
كتير الفكرة حلوة. أنا كان معي شوية مصاري متدينهن بانتظار أقبض من شغلي بعد فترة.( وما كانت تخلص هالفترة)، اشتريت انفرتر وبطارية سيارة. كلفوني 26 ألف ليرة. هلق الباقي راح مصروف للبيت :-)
بس فكرة الريالات السعودية كتير مهمة. يعني يلي بيشتري ريال كأنو بيشتري دولار. حتى لو راح على أوروبا بيقدر يصرفو بسهولة. كل الصرافين بيصرفو ريال سعودي.
شغلة تانية أخي فراس السكري. هلق أنا من بداية الأحداث مونت. والمشكلة وقت بتمون بتمون بعبوات كبيرة. يعني الرز. مونت كيسين خمسة كيلو. السمنة علبة خمسة كيلو. الزيت تنكة. هادا كلو. أول الشي في مشكلة تخزين لأنو يبدو أنو الأوضاع رح تضل مستمرة لفترة طولة نسبيا. لهيك مثلا. فتحت المونة. وبالتالي عم أرجع أشتري من السوق. لأنو المونة رح تخلص مدتها. في كمان شغلة نسيت قولها. إذا رح تستمر الأوضاع لسة كمان سنة. لازم نفكر نركب فلتر مي.
عندي مشكلة بالشاي. الشاي يلي بحبو انفقد بالسوق. بحب أحمد تي الأحمر.