رد: صالون سيرياستوكس للعطلات ليومي الخميس1والجمعة 2-3-2012
يسعد صباح الجميع
الشعب عندنا حويط ، يعني بنسمع الانفجار اللي بيطبل البلد ، بس مرباين عالغالي ، بتسأل شو صاير بيقولولك ليش ؟ خير شو في ؟ ياحبيبي انفجار ! بيقول كنا معليين التلفزيون ما سمعنا ، وهكذا .
طبعا المبالغة بالحرص ، بتخلي الواحد يثير حوله الشبهات أكتر . وبتسبب سوء فهم .
حدثت أمامي قصة حقيقية :
اتصلت إحداهن ببنت صديقتها وقالتلها تقبريني منشان العطلة الانتصافية إذا عندك شوية كتب مناسبة لعمر الشباب جيبيلي كم واحد .
بعد صمت طويل نسبيا ، جاءها الرد مافهمت شوقصدك !
شو ؟ بالعربي عم حاكيكي مو بالصيني .
والله مافهمت هيك عم تصعبيها بس جاية لعندك فورا .
يلا باي هلأ ، انتبهي على حالك .