رد: صالون سيريا ستوكس للعطلات ليومي السبت و الأحد 25&26 - 2- 2012
اقتباس:
المشاركة الأصلية كتبت بواسطة iass
عذبت حالك منشان تشرحلنا أنو لازم المسيحية بالبلد بالصرماية لازم يوافقو على مادة بتحرمهن من حقوق المساواة بينهم وبين باقي المواطنين. مع العلم يا سيد. أنو المسيحيين بسوريا هنن موجودين من آلاف السنين. على عكس الدساتير يلي ذكرتها أساسا بالدول يلي عم تحكي عنها. ويلي الأديان الأخرى والطوائف الأخرى هي طارئة على هي البلدان، وماصرلها أكتر من 50 سنة موجودة. وبالكتير 100 سنة. أما المسيحيين يلي بسوريا فهنن موجودين قبل الإسلام. وسيبقون إلى الأبد.
أما العنصرية والفوقية التي يمارسها البعض من منطلق ديني بحت. فهاذا غير مقبول على الإطلاق. لم يكن مقبول سابقا. ولن يكون مقبولا في المستقبل.
وبحب خبرك. رح يجي يوم ورح تشوف بسوريا رئيس مسيحي بيشرف البلد. وبيصوتلو مسلمين قبل المسيحيين. متل ما أوباما بأميركا. صوتولو البيض. قبل ما يصوتولو السود.
|
أخي العزيز إياس
أنا من أشد أنصار تغيير المادة الثالثة بالدستور وإعطاء أي مواطن سوري الحق بأن يكون رئيس جمهورية طالما تنطبق عليه الشروط، أنا أكيد ما بيهمني دينو الشي يلي بيهمني هو عقلو وطريقة تصرفو، بس أنا ما بعرف ليش حضرتك أخدت الموضوع بهالنظرة الطائفية المتشددة
السيد بسام biso ما ادعى أي فوقية أو عنصرية
هو بس نقل وجهة نظر وفكرة ما أهان فيها حدا بس ما بعرف ليش حضرتك أخدت الموضوع هيك وبالنهاية نحنا كلنا إخوة وحضرتك إلك مطلق الحق ترفض كل الدستور مشان هي المادة أو إنك تطلب تغييرها، صدقني ما حدا عم يحاول يقنعك تعمل شي إنت شايفو غلط أو يجبرك تقبل بشي ما بيناسبك، رأيك وصوتك هو حقك وحدك
اعذرني على التدخل بس أنا ما قدرت شوف إخواتي عم يسيؤوا فهم بعض
