رد: سعر صرف الدولار مقابل الليرة 18-2-2012 (السوقي)
اقتباس:
المشاركة الأصلية كتبت بواسطة shereen
مساء الخير لجميع المشتركين سالت عند الصراف ب و ش بالحريقة عطاني سعر دولار شراء 71,25 وبيع 71,75 حابة اعرف شو رايكم بالاستقرار الغريب بسعر الدولار انا حللت انو في ركود هائل - وفي ناس اخدت دولار ببداية الازمة وعم تبيع هللق مضطرة متل الاخت زينة الرز وكتير من العالم كرمال تعيش وتمشي حالها -والكل يترقب حتى كان الصعود يتاثر بالاحداث وهللق صار تفجيرات حلب والامم المتحدة والاضطربات بالشام ولسة متل ماهوة 72 بيطلع شوي وينزل شوي مع انو كان اقل مشكلة سياسية فورا ينط انا شخصيا مترقبة الثلاثا وبظن يبلش موجة صعود جديدة وياريت اذا حدا عندو تحليل تاني يحطو بالمنتدى ونشارك فيه طبعا مع تمنياتي انو ينزل الدولار وتهدا الاسعار لانو ماعاد عنا قدرة شرائية منوب
|
صحيح التجار اشتروا دولار من زمان واستوردوا بضائع وعبوا مستوعاتهم واللي ما استورد ضب غراضوا وسافر ... غير ان الحركة بالسوق ضعيفة وخاصة على المواد المستوردة لانو سعرها صار خيالي وفوق طاقة التحمل ... واللي اشترا شوية دولار بداية الازمة ... اليوم على الاغلب مدخوله ما عم يغطي المشتريات للبيت فالواحد مضطر يصرف شوي ليسند حالو .... الوضع مخربط كتير ... وخاصة انو اليوم اتوقعت بعد الازمة بالمزة بدمشق اتوقعت يرتفع ولو شي بسيط !!!!
بس الحمد لله ضل سعر الصرف على حالو !!!!!
بس خوفي من الوقت ... لانو مع الوقت رح تكون الناس باعت ما عندها من دولار وتجف مصادر الدولار ...والمستودعات رح تفضى والتجار بدها ترجع تستورد .... وبتمنى كون غلطان بس بوقتها رح نشوف ارتفاع جديد للدولار والله اعلم وخاصة ان سورية اصبح بلد مستورد بفائض كبير عن كميات التصدير وهاد الشي رح يشكل عجز بالعملة الصعبة بالبلد ..؟؟؟
