المشاركة الأصلية كتبت بواسطة a_khateeb82

أخي طباعة عمله بتغيير شكلها او بدون تغيير شكلها معروفة عالميا انو بتقلل قيمة العملة ولا ترفعها الا في حال تم سحب العملة القديمة ممكن تحافظ على قيمة العملة بس هي صعبة كتير لانو انا من يومين قبضت مبلغ فيه اوراق نقدية من عام 1979 ومازلنا لليوم نتعامل بها ولم تسحب من السوق
ومافهمت شو دخل الذهب بعملتنا الذهب الو سعر عالمي وبنزل سعره عنا في حال ارتفاع قيمة العملة السورية
وبالنسبة للدولار المزور مشكور للتنبيه بس بدي اذكر ان اوراق العملة السورية مزورة بكمية كبيرة وكل كم يوم اتلف ورقة من فئة الالف او الخمسمائة وادفع ثمنهم مني ولم اتعرض لليوم لاي دولار مزور طبعا في مزور بس ما بهالكمية اللي متصورها
وموضوع المضاربة على العملة السورية بالخارج يا أخي انت كررت هالموضوع عدة مرات وكتير من الشباب حاولوا شرح الفكرة انو مو ظابطة بالمرة ... موضوع هبوط عملتنا موضوع اقتصادي وسياسي وامني ..... حصار اقتصادي خانق وموضوع الدولة والمعارضة وموضوع المشاكل في بعض المحافظات تسبب ازمة تضغط على الليرة ونحن اصبحنا دولة مستهلكةة اكثر ما نكون دولة منتجة ( الموضوع بأكمله يحتاج للمنطق وليس مجرد كلام نذكره عن مضاربة او غيره من اسباب غير منطقية )
ومجرد ما نشوف هدوء الاوضاع على الاراضي السورية رح تشوف بعينك كيف انو العملة رح تستعيد عافيتها ان شاء الله ولكن ليس الى 45 ليرة كما ذكر البعض الموضوع يحتاج الى وقت لنستعيد رؤوس الاموال التي تحولت الى الخارج ونستعيد الاستثمارات الاجنبية ونستعيد الامان الى بلدنا الجميل ....