رد: سعر صرف الدولار مقابل الليرة30-1-2012 (السوقي)
اقتباس:
المشاركة الأصلية كتبت بواسطة alahlicenter
كل تاجر صار يستند على ارتفاع الدولار ويروج بضاعته القديمة بسعر الصرف الحالي يالهم من حرامية من يتبع هذا الاسلوب
|
ليش دائما بشوف كتير غضب على التجار ... من بعض الشباب
أولا انا ماني تاجر كبير مشان ما حدا يفتكر اني عم دافع عن التجار بس عندي فكرة وحابب اطرحها مشان ما نكون عم نلف على المشكلة الاصلية وعم نشلحها بضهر التاجر ..
مثلا ::: انا عندي عشر كيلو رز وسعر الكيلو ليرة ... وبعد فترة صار سعر الكيلو ليرتين .. وانا كنت حباب وبعت الكيلو بليرة .... اذا بدي ارجع اشتري بدي اشتري بليرتين معناه رح اشتري خمسة كيلو بس ...كل هالحالة بعد شهر بيبقا عندي بالمحل كيلو واحد حقو عشر ليرات
طيب هاد ما كلو خسارة ...ولا بس لأنو التاجر عم يحمي حالو نوعا ما بيعتبر حرامي ...
طبعا ما بنفي انو بعض التجار بيستغلوا قصدا ارتفاع الاسعار وبيرفعوا الاسعار بنسب خيالية هدول اكيد بيدخلوا ضمن خانة الحرامية !!!!
يعني الليرة هبطت عشرة بالمية مقابل الدولار بيرفع الاسعار عشرة بالمية ... بس عندي ملاحظة انو السلعة ماكلها دولار ...هون اللعبة ...