عضوية مميزة
تاريخ التسجيل: Dec 2010
الدولة: سوريا /حمص
المشاركات: 5,510
شكراً: 18,885
تم شكره 22,038 مرة في 4,797 مشاركة
رد: يوميات لقمان في حمص
اخوتي الكرام عذرا للسرعة و عدم مراعاة الاسلوب الاعتيادي في الكتابة
لكنها محاولة للتكيف مع الكهرباء و النت و الوضع .......
فزت ببادونين مازوت مع اعلان فوزي بعضوية التميز في المنتدى
المهم حطينا بادونين المازوت و طرنا فيون على البيت بالسيارة مو بالطيارة
صفيت السيارة بالعبارة جنب مدخل البناء و نزلت البادونين
كل بادون 30لتر مازوت للطابق الرابع
اي ما وصلت لفوء و حدن بيعرف حدن ...
لاء و أنا على دروشتي عمأضحك و مبتسم كأنو جايبلا لمرتي بدل دهباتا يلي روحتلا ياهون ببنك الشام الله يصطفل فيون .....
المهم نزلتالبادونات الفاضية معي على الدرج و أنا ماني عرفان ايدي من رجلي من كتر التعب ...
المهم فتحت طبون السيارة و أنا عمحط البادونين و مركي عليون مشان آخد نفس
بحسلكون في صوت حواليي برفع هيك راسي شوي شوي من جوات الطبون و لساتني عمألهت من التعب
فاذا بي بخمسة مسلحين يحيطون بي و بواريدون جاهزة للاطلاق و اللاسلكيات معون ...شو بدكون فجأة اختفى التعب و تسارع نفسي
تفرجت عليون هيك لائيتون باللباس الميداني الكامل بس بدون بدلة عسكرية
عاد أنا هون الت لحالي رحت فيا يا لقمان
أكيد هدول دورية مكافحة تهريب المازوت الى البيوت.................
هللأ بلقطوني و بيعتبروني أنا يلي بعت فلسطين
لاء وبيخلوني وقع على اعترافاتي كمان
المهم للأمانة أنا ما عرفت مين هنن....
مولاة و لا معارضة .................
خفت الون مرحبا يا حبيب
يطلعوا من جماعة السلام عليكون
و خفت أؤول السلام عليكون يؤوموا يطلعوا من جماعة كيفاك يا حبيب و بتكون راحت علي يا حبيب.......
أمت هيك بألبي دعيت انو رب العالمين ينطقني الصح
رفعت ايدي و بالحرف التلون
يعطيكون العافية ..........
ردوا الله يعافيك........
التلون ممكن تخلوني اطلع أبل ما تبلشوا شغلكون
ردوا و آلو ..طلاع حدن ماسكاك ..
أمت ركبتلكون أناريه و رجعت بالسيارة شي 25 متر و لا أكدع شفير ..و لا شوماخر بالفورميلا ون
مع انو بالعادة وأت بدي ارجع أناريه بتم شي تلت ساعات لأرجع مترين
هيك الله خالقني سبحان الله ما بحب الرجعة لورا .....
المهم رجعت بسرعة قياسية و لفيت هيك متل أفلام هوليود و الله وكيلكون أنا ماني عرفان حالي شو عمساوي بس يا خيو الضرورة بتفجر مواهب الواحد...و لسا يادوب استلمت طريق الميماس عند فروج الفتح يلي كانت عندا الجثة مو تذكرتوا و بلش اطلاق النار
عاد هون السيارة معاد تمشي بالسرعة يلي بيقتضيها الموقف و صار فيي متل توم و جيري طلعت رجلي من السيارة و ايدي رفعوا للسيارة و اشتغل الركيض بسرعة قياسية ......
و رجعت على النت و هيك عمتأمل عضوية التاميز يلي فزت فيا ....
و أنا عمؤول ايه ...كان يوم مازوتي متميز بامتياز
مازوتي لألي لكان مازوتاكوم
__________________
أبو حكيم الدين