رد: جلسة صالون سيريا ستوكس ليومي الخميس 12 و الجمعة 13-01-2012
اقتباس:
المشاركة الأصلية كتبت بواسطة mouayad
قصة أغنية \ وحدن بيبقوا \
خاص رامي حتى ما تقول كل الأغاني علاك و فيروز معطلة سيارتها
طبعا يروى انو قصة هالغنية انو كان طلال حيدر متعود يقعد ع بلكونة بيتو يشرب قهوتو الصبحيات والمسويات وكانت بلكونة بيتو بتطل ع غابة وكان دايما يشوف 3 شباب يفوتوا عالغابة الصبحيات ويطلعوا المسويات كل يوم ومع مرور الايام صار يسلم عليهن .. هيك لحتى مرة فاتوا وما عاد طلعوا فانشغل بالو عليهن ... تاني يوم شاف صورهن بالجرايد وطلعوا 3 شباب فلسطينيين عملوا عملية فدائية بفلسطين ... فكتب هالقصيدة الي لحنتها أصابع الرائع زياد ورنمتها الحنجرة الملائكية فيروز
وحدن بيبقوا .. متل زهر البيلسان
وحدهن ... بيقطفوا وراق الزمان
بيسكروا الغابة .. وبيضلهن .. متل الشتي .. يدقوا على بوابي ... على بوابي ..
يا زمان .. يا عشب داشر فوق هالحيطان ..
ضويت ورد الليل ع كتابي .. برج الحمام مسوّر وعالي ..
هج الحمام ... بقيت .. لحالي .. لحالي ...
يا ناطرين التلج .. ما عاد بدكن ترجعوا ...
صرخ عليهن .. بالشتي يا ديب .. بلكي بيسمعوا ..
وحدن بيبقوا ... متل هالغيم العتيق ..
وحدهن .. وجوهن وعتم الطريق ..
عميقطعوا الغابة .. وبإيدهن .. متل الشتي .. يدقوا .. البكي وهن على بوابي ..
يا زمان ... من عمر فيي العشب عالحيطان ..
من قبل .. ما صار الشجر عالي ..
ضوي قناديل .. وانطر صحابي ...
مرقوا .. وفلوا .. بقيت .. عبابي ..... لحالي ..
يا رايحين والتلج .. ما عاد بدكن ترجعوا ..
صرخ عليهن بالشتي يا ديب .... بلكي بيسمعوا ..
أه .. يا رايحين والتلج .. ما عاد بدكن ترجعوا ..
صرخ عليهن .. بالشتي يا ديب .. بلكي بيسمعوا ..
|
لا تواخذني ابو عمر ...
بس ما اقتنعت فيها
ما بخفيك في لمسة خاصة بفيروز والملحنين الرحابنة اكيد .... بس شو جاب القصة تبع الشباب الابطال لهاد النوع من الغناء ... قصدي : وقت حدا يسمع الغنية شو رح يفهم او يشعر من القصة ؟؟
برايي هي القصة بدها اثارة للمشاعر والاحاسيس ، ورفع لنسبة الادرينالين في الدماء
اما تقول ( يا رايحين والتلج .. ما عاد بدكن ترجعوا ..
صرخ عليهن بالشتي يا ديب .... بلكي بيسمعوا .) مو زابطة 
ما بعرف يمكن انا عم احسبها من نوع الاناشيد يلي بتحرك الدم ... متل اغاني جوليا بطرس "غابت شمس الحق" و مارسيل خليفة ( منتصب القامة امشي مرفوع الهامة امشي في كفي قطفة زيتون وعلى كتفي نعشي وانا امشي وانا امشي ) ....... وسميح شقير وفرقة المقاومة اللبنانية وأغانيها عن الابطال .....
واكيد رأيي بفيروز ليس النقد بحب اسمعها وقت نكون رايحين رحلة الصبح بالبولمان ... وبكل الاحوال غير مهم لاني ما بسمع لا لفيروز ولا ام كلثوم ولا نانسي عجرم ولا فايزة ومحاسن وفوزية .... 
واكيد انا حبيتا بعد ما قريت كم موقف حلوين منها كتبتن مدام رندة عنها ، عرفت من القصص انها مميزة وناجحة مو متل تبع هالايام ....