رد: جلسة صالون سيريا ستوكس ليومي الخميس 1والجمعة 2 -12-2011
و بنكمل بعض وسائل التجار و هلئ عن تاجر زيت زيتون الكلام أكيد باذن الله
كان في واحد يبيع زيت على أساس أنو زيت زيتـون بلدي أصلي كان مدري شو يضيف على الزيت مادة يعطي طعمة أصلية 100 % المهم هالزلمة يفيئ الصبح يفتح الخزنة و يطلع على دهب مرتو و على المصاري و ئبل ما يطلع من البيت كان يحط على عيونو زيت بلدي نظامي مو من اللي ببيعو و يمسحون و كان لابس طوق ما بعرف شو هو المهم أنو بنهاية الطوق فيو قطعة بولاد ( معدن ) و يلبس تياب توحي أنو الشحار راكبو و يروح يبيع و ئت اللي يحكي مع الزبون يحلف أنو زيت بلدي شوفوا الشطارة كيف :
يحلف بعيوني زيت بلدي
يحط ايدو على صدرو و يئول بولادة زيت بلدي ( ئصدو قطعة المعدن اللي معلئها على صدرو تحت تيابو ) هون الزبون يفكر أنو عم يحلف بأولادو
و يئول للزبون الله لا يفرجيك اللي شفتو اليوم الصبح و كل يوم عم شوفو ببيتي
و في شغلة هي ما بعرف اذا صح و لا لاء أنو كان ياكل عسل الصبح مشان وئت اللي يحكي للزبون يئولو و لا يضوئك الي ضئتو
هون الزبون اذا محمد علي كلاي بدو يحن قلبو عليه و يشتري و هيك كون ثروة كبيرة لأنو من ورا هالشغلة صار تاجر سيارات و تاجر ألبسة و ادام بنايتهن بدون مبالغة هو و أخواتو بيكون الصبح في شي 15 سيارة
فتأمل يرعاك الله ( منقول من طرائف من العالم )