iass

الغريب أنو أسعار الاتصالات انخفضت بما يعادل 20% من خلال الحزم والباقات، مع انخفاض الاستهلاك بشكل كبير عند كتير من الشرائح، ومقاطعة كبيرة لاستخدام الموبايل بكتير من المناسبات، وأكبر مثال انخفاض كبير برسائل المعايدة، نحنا فاتورة الموبايل بالبيت عنا انخفضت حوالي 60%، ومعظم يلي بعرفهن خففو كتير من استخدام الموبايل. وفي عودة كبيرة لاستخدام الهاتف الأرضي.
طالما أنو قلة استخدام الموبايل عند شرائح كبيرة من العالم، وتخفيف الأسعار وتخفيضها من خلال الحزم أدى لزيادة بالأرباح، فليش ما لجأت الشركة لهاد الأسلوب من الأول؟ ولا كانت سياسة الشركة وأهدافها الضغط على المواطن اقتصاديا ونفسيا مثلا؟. شو كانت فلسفة الشركة بالمرحلة السابقة يلي كانت عم تنهب المواطن نهب. وهلق تغيرت لتخفيض الأسعار مما أدى لزيادة الأسعار؟. مين كان السبب في إدارة سيرياتيل بتفويت الكمية الكبيرة من الأرباح على مدى سنوات من خلال سياسة تسويقية أساءت لاسم الشركة ولقطاع الاتصالات الخليوية بالكامل.
أنا سنة 2006 بالنمسا، اشتريت خط مسبق الدفع من شركة تي موبايل، كانت الدقيقة ب10 سنت بين الشركات،( ست ليرات وقتها) و3 سنت بالشركة نفسها، بعد أسبوع، صارت سنت واحد لكل الشركات. في حين كان موبايلي بالشام بيمرك سبع ليرات ونص مكالمة عالأرضي، وستة على الموبايل. مع الفرق أنو الحد الأدنى للأجور بالنمسا 900 يورو، في حين الحد الأدنى للأجور بسوريا سنة 2006 كان 60 يورو