رد: جلسة صالون سيريا ستوكس ليومي الخميس 20 والجمعة 21-10-2011
اقتباس:
المشاركة الأصلية كتبت بواسطة ابو تيم
مسا الخير شباب
تذكرة السينما صايرة ب 500 ليرة 
ليش شو صاير بالدنيا |
هههه انا قلت الروحة بتكلف 500 مو التذكرة ب 500
ولو انو بالحقيقة هي بتكلف اكتر... يعني مو منطقي الواحد مايشتري بوشار بالكراميل .. يمييي....
التذكرة للافلام العادية ب 300 وال3 دي ب 400 وفي نظارة ب 100 بتشتريها مرة وحدة بس...
والبوشار القياس الصغير ب 150 والكبير ب 200 (عمليا الكبيرة قد الصغيرة ب 3 مرات ولذلك ماحدا بيتشري الصغيرة مشان يوفر بس 50 ليرة)...
وتخيل لوين وصلت معهن الجماعة هنيك... انا بالعادة بحط معي بالشنطة قنينة مي خصوصي بالصيف... فأخر مرة طلعولي بفنة جديدة وهي تفتيش الشناتي والاكياس عند الباب.. قال ممنوع تفوت اي شي من برا.... لانو في ناس بتفوت عصير واكلات طيبة ومدري شو... فأخدولي بهي الحجة قنينة المي قال ممنوع!! فعلا قلة ذوووق.....
__________________
اللهم إنه لا مانع لما أعطيت...ولا معطي لما منعت