رد: جلسة صالون سيريا ستوكس ليومي الخميس 13 والجمعة 14 -10-2011
اقتباس:
المشاركة الأصلية كتبت بواسطة salam
هاد يا سيدي ما انت...
بإحدى الدول الاوروبية اللي زرتها.... راقبت لفترة بعض المشاهدات... في محاولة لفهم نفسيات الناس..
بتكون ماشي مثلا بشي مول.. بتسمع من بعيد ام عم تعيط على ابنها... او عم تلحقه وواضح انو بدها ياه يكن شوي او يبطل بكي.... وقت بتقرب عليها.... بتكتشف انو الام عربية!!!!
تخيلوا ولا مرة.... ولا مرة.... شفت ام اجنبية عم تصرخ على ابنها... واو تشده من ايدها وتشحطه على الارض وراها.... والله العظيم ولادهن رايقين الرواق العجيب.... وحتى المشاغب منهن بتلاقيه عم ينقط ويقمز وامه وابوه حواليه وعم يضحكوله ويلاعبوه... لا خايفين من العيب ولا حدا يخانقهن...
لك بطلع بهالولد... والله بحسه خالي من العقد النفسية!!! يمكن عم بالغ شوي بهي النقطة بس هاد اول احساس كان يجيني.....
بطلع على ولادنا.... بلاقي انو الولد عم ياكل بهادل من الام على الطالعة والنازلة... والام بتاكل بهادل من الاب... والاب بياكل بهادل من مديره بالبيت ومن الشرطي ومن ومن...الخ....وهكذا دواليك...
هنيك.... يمكن لانو معظم الشعب مرتاح.... الرجل مابيطلع عقده بالمرأة... والمرأة محققة ذاتها واذا ما ارتاحت معه للزلمة بتدير ضهرها وبتمشي مالها مكلبشة بكلبشات ابو كلبشا... يعني مافي 2 بيعيشوا مع بعض غصب.. لا هو ولا هي.... ومابيجيبوا هالولد الا لأنو بدهن ياه..... ووقت يصيروا جاهزين يربوه... وهيك بيجي هالولد على الدنية... والام والاب وحتى الدولة فرحانة فيه لانو هنن بدهن ولاد ليزيدوا نسبة الشباب من السماء.....
وهيك بيربى احلى ترباية...كل مقومات حياته مؤمنة حتى لافقر واحد بالبلد... وهلق رح يجي حدا يقلي الاخلاق والعادات والتقاليد... ووممكن يقلي في اجرام ومخدرات الخ...
بقله... اي نحنا عنا كل هالاشياء هي كمان..... وصدقوني انا بعرف عائلات ساكنة هنيك وولادها ممكن يطلعوا بأحلى ترباية وارقى تعليم....
هاد الكلام هو وجهة نظر... لاتحتمل التعميم اكيد.. هي مجرد واحدة من المشاهدات....
|
كلام صحيح .... ولو شلنا المبالغة
- العقد النفسية في روايتك عن اللعب مع الاطفال وعلى عموم الناس وبدون اي عقد .....
فعلا العقد الاجتماعية هي اكبر سلبية في حياتنا مع حفظ الادب والاخلاق طبعاً
لكن عندما تجد العقد تجعلك غير مرتاحة في حياتك
العقد تقتل الابداع بسبب تحجر الدماغ .... تولد المشاكل في حال الخروج عنها .... تقتل الرغبة في التغيير .... ولم تأتي العفوية في حياة الدول الغربية إلا من الحريات منذ نشأتهم ..
فما تولدت العقد إلا من "القيد" والقيود تربط الجسم فنرى "رتم" واحد لكل شي ...... من
دراسة ----- مسار حياة ----- آراء ---- مفردات ------ حتى الالوان ----- الخ الخ
ربما نشاهد السياح الاجانب في شوارعنا كيف يرتدون ثياب عادية جداً ... ولا يهمهم فيها إلا أن تكون مريحة وفضفاضة ..... ويرتدون الزي الرسمي في مكانه ..... اما العقد تجعلنا نقضي يومنا خلف المرآة قبل الخروج من المنزل .....
ستيف جوبز " الله يرحمه" رغم مكانه المرموق لا يخرج على الجمهور إلا مرتدي بنطال الجينز والكنزة السوداء . وبوط رياضة ..... واليوم تتكلم الكرة الارضية خبر وفاته وابداعه
لا أقصد ان نقلدهم .. كل ما اريد تسليط الضوء عليه اللي حكيتي عليه من مداعبة الاطفال امام الناس بدون قيود .... ونبقى على قيمنا الاخلاقية اللي وصلنا بها لشرق اسيا وغرب اوروبا وشمال افريقيا ... فكانت اخلاق لانسان حر بدون قيود ....
حرية الانسان = ابداع ونهضة
كبت الانسان = جهل وتخلف