عضوية مميزة
تاريخ التسجيل: Oct 2009
الدولة: سورية
المشاركات: 5,533
شكراً: 9,602
تم شكره 8,287 مرة في 3,384 مشاركة
رد: جلسة صالون سيريا ستوكس ليومي الخميس 13 والجمعة 14 -10-2011
هاد يا سيدي ما انت...
بإحدى الدول الاوروبية اللي زرتها.... راقبت لفترة بعض المشاهدات... في محاولة لفهم نفسيات الناس..
بتكون ماشي مثلا بشي مول.. بتسمع من بعيد ام عم تعيط على ابنها... او عم تلحقه وواضح انو بدها ياه يكن شوي او يبطل بكي.... وقت بتقرب عليها.... بتكتشف انو الام عربية!!!!
تخيلوا ولا مرة.... ولا مرة.... شفت ام اجنبية عم تصرخ على ابنها... واو تشده من ايدها وتشحطه على الارض وراها.... والله العظيم ولادهن رايقين الرواق العجيب.... وحتى المشاغب منهن بتلاقيه عم ينقط ويقمز وامه وابوه حواليه وعم يضحكوله ويلاعبوه... لا خايفين من العيب ولا حدا يخانقهن...
لك بطلع بهالولد... والله بحسه خالي من العقد النفسية!!! يمكن عم بالغ شوي بهي النقطة بس هاد اول احساس كان يجيني.....
بطلع على ولادنا.... بلاقي انو الولد عم ياكل بهادل من الام على الطالعة والنازلة... والام بتاكل بهادل من الاب... والاب بياكل بهادل من مديره بالبيت ومن الشرطي ومن ومن...الخ....وهكذا دواليك...
هنيك.... يمكن لانو معظم الشعب مرتاح.... الرجل مابيطلع عقده بالمرأة... والمرأة محققة ذاتها واذا ما ارتاحت معه للزلمة بتدير ضهرها وبتمشي مالها مكلبشة بكلبشات ابو كلبشا... يعني مافي 2 بيعيشوا مع بعض غصب.. لا هو ولا هي.... ومابيجيبوا هالولد الا لأنو بدهن ياه..... ووقت يصيروا جاهزين يربوه... وهيك بيجي هالولد على الدنية... والام والاب وحتى الدولة فرحانة فيه لانو هنن بدهن ولاد ليزيدوا نسبة الشباب من السماء.....
وهيك بيربى احلى ترباية...كل مقومات حياته مؤمنة حتى لافقر واحد بالبلد... وهلق رح يجي حدا يقلي الاخلاق والعادات والتقاليد... ووممكن يقلي في اجرام ومخدرات الخ...
بقله... اي نحنا عنا كل هالاشياء هي كمان..... وصدقوني انا بعرف عائلات ساكنة هنيك وولادها ممكن يطلعوا بأحلى ترباية وارقى تعليم....
هاد الكلام هو وجهة نظر... لاتحتمل التعميم اكيد.. هي مجرد واحدة من المشاهدات....
__________________
اللهم إنه لا مانع لما أعطيت...ولا معطي لما منعت