المشاركة الأصلية كتبت بواسطة عابر مجيب

لأ عزيزتي هدول من طرف أبي ، أهل أمي شوام ومكترين لدرجة العتاتة . وكنت عير أمي بأنها شرشوحة من باب سريجة . قال شو هنن كبارية المنطقة ولحمتهون من عند الغندور و بالرطل . هاد مقياسون الأكل . وكانوا الشحادين يتجمعوا على جدها بس يطلع من الجامع ، كنت قلها أجدب بيضحكو عليه وبيستغلوه .
يلا عم نتسلى ، نحنا ربينا على أن كل رزة مكتوب عليها " قل هو الله أحد " وأكبر حرام رمي الأكل ، مرة شاف جد أمي رز بالزبالة جنب البيت حلف طلاق ما ينطبخ رز بالبيت شهر تلاتين نهار . كان ألو هيبه وكان متزوج تلاته الله يقويه طبعا هي ذكريات طفولة بتذكر يقولو بشيرة الحفار مرت جدي وأم عبدو الرحبي ... لا بقا تجرجروني بالحكي بنكشف وأكيد في ناس متحمضين لي وخصوصا باسلوبي الساخر بفقعون وهنن ولاد .