عضوية مميزة
تاريخ التسجيل: Apr 2009
المشاركات: 4,860
شكراً: 67,497
تم شكره 35,134 مرة في 4,783 مشاركة
رد: جلسة صالون سيريا ستوكس ليومي الخميس 13 والجمعة 14 -10-2011
اقتباس:
المشاركة الأصلية كتبت بواسطة economic opinion
هلأ أنا أؤمن أن الحب كشعور ينتهي بسرعة بس أنا ضد فكرة إنو بيتحول لندم وملل في كل الأحوال، أنا أعتقد إنو إذا كانت أسس اختيار الشريك موضوعية ومناسبة للشخص وكانو الشخصين على سوية معينة من الأخلاق يتحول شعور الحب إلى احترام وتقدير للآخر، وإلا لو كان الموضوع فعلاً هيك ماكان في زواج استمر أكتر من 3 سنين وكانت الناس ابتعدت عن الزواج وأشبعت حاجاتها العاطفية بطرق أخرى متعددة.
وما بعتقد إني لما اقترن بشخص رح اقترن فيه بسبب ريحتو أو بسبب شكل وعوامل خارجية "لو القصة عالريحة أو عالشكل صدقوني كنت تزوجت من زمااااااان"
بس أكيد أنا حكيي نظري كوني غير متزوجة والمتزوجين عنا أكيد أعلم بالموضوع فياريت تفيدونا 
|
الموضوع يتعلق في ما إذا كان الحب حقيقي أو غير حقيقي ، مو هيك الناس بتقول ؟ لافي حب حقيقي ولا في حب وهمي .
الحب كلو على بعضو حالة هوس مرضي يؤدي إلى تعلق مرضي وتزداد وتنقص درجاته تبعا للحالة وقوة الأعصاب عند الشخص فمن كان خرعا جزعا كان حبه جنونيا وقد ينتحر من شدة الحب ( طبعا دون أن يتم انقاذه وإلا فهو كذاب مبتز )
للأهل دور كبير في توعية الأولاد بشأن الارتباط المبني على الحب بمعنى الاستلطاف والاعجاب ويتم شرح ما يناسب وما لا يناسب ، ولكن قبل وقوع الفاس بالراس ، لأنو ساعتها بيركب العناد وبيصير عدو للناصح ولو كانت أمو ، وبيشوف الكل أعداؤه ، وعداوتهم بسبب جهلهم فهم لم يفهموا عليه ولم يروا ما يراه هو في تحفته المكنونة .
هنا لا طريقة سوى المسايرة ووضع العصي بالدواليب بحجة المساعدة ، كأن يقال له مثلا يلا معي 440 ألف رح نعمل كتب كتاب وعرس بأربعين وبناخدلكم بيت صغير بأربع ميه ، بيلتقى بالمليحة .
طبعا بعد محاولات وبحث جدي وسؤال الأصدقاء سنجد أن أقل بيت بمليون ونص ، يلا مو مشكلة بابا في باص يومي وشغال بحران العواميد وهنالك بيوت لبن والله ممتازة دافية بالشتاء ورطبه بالصيف ولا يهمك كل الناس ببلشو وبعدين الله بيوفقون .
ممكن بعد زيارة المنطقة وصعوبة المواصلات يقرف حياتو ويهرب الحب من الشباك . البنت لازم يركبها الهم وتتعلم شغل البيت وخليها تلحق إذا بتلحق ولسا في طبخ .
المفروض الخطة تمشي بمنتهى الجدية . بحيث تأمن جانب المراهق المهستر متل التور الفلتان ذكرا كان أم أنثى . وشوي شوي بتنبني ثقة واحساس بالمشاركه ، وبيفرط القصة لحالو ، وبعد كم سنه بتتذكروا هالحكايت وبتضحكوا سوا .
يا إلهي شو بشرح !من فين بدك تجيب أهل بهالوعي ؟ بيكونوا لهلأ ما حالين مشاكلهم !
العلاقة الزوجية الناجحة : هي شركة كاملة بين شخصين يجد كلا منهما مصلحته بوجوده مع الآخر ، فإذا زاد على ذلك الحب فخير وبركة وتصبح الحياة أكثر امتاعا .
أما إذا خفت الحب فهنالك أسباب ومصالح أخرى متبادلة تحفظ العلاقة ، تمر بضع سنوات فاترات ويعود الحب من جديد . أما ما بني على الشعر الأشقر والعيون الزرق وتصادف معه انعدام أي مؤهلات أخرى فهو زواج قصير الأمد يقصر العمر وقد يحكم فيه الزوج بالمهر المرتفع فلا يجد فكاكا ويبقى على مضض ، وكل ما شتكى يأتيه أهلها وينك حبيبي طقيت على ما عطيناك ياها . سيبقى يجاهد حتى يطققها وتطلب الطلاق يا أما الله بيفرجها وبيرمي المهر بوش أهلها .
أرجو ممن يود المشاركة الابتعاد عن تسمية العلاقات وهي بالأصل لا علاقة لها بشيء فقط تهبط بمستوى الحوار بدعوى أن لا حياء في الدين .
الكلام صحيح ولكن الموقع عرضة للقراءة من مختلف الأعمار .
أوشكت على الاجابة اليوم عن تعليق فيه اختلاف شاسع في رقي وحضارة مجتمعنا والحمد لله وجدت أن هنالك من سبقني وألغاه .
أنا تطرقت مرة لشيء من هاذا القبيل ولكن والله كنت متحرجا وكان هنالك ضرورة لذلك التفصيل وتوخيت يومها كافة الحيطة في تجنب سوقية الطرح .
معذرة للإطالة على قولة أختنا المدام رنده .
التعديل الأخير تم بواسطة saeed ; 12-10-2011 الساعة 10:15 PM