رد: المتابعة اللحظية لجلسة تداول الاثنين 26-09-2011
اقتباس:
المشاركة الأصلية كتبت بواسطة salam
هلق شفت موقع الدهب وشهقت!!
هبوط جديد... لوين رايح الدهب ياترى..
|
والله العلم عند المحللين ! لهلق بتذكر المحلل العسكري أيام سقوط بغداد شوي وبتظهر الدبابة الأميركية من الشباك اللي وراه ، وهو لسا عم يحكي عن خطة الإلتفاف والمناورة والانسحاب التكتيكي . هادا شي على الأرض قدام عيوننا وجيش معروف عدده وعتاده . وين هاد من الفوريكس ؟ اللي ما حدا بيعرف مين وبأي تحت درج قاعد شي معاق ما بتتخيليه بيسوا فرنك ممكن عشره متلو يغيرو السوق . فجأة انفجار بشي منطقة حيوية بيقلب السوق ، بنرجع لحقيقة أن الحقيقة واليقين لا يتحققان إلا بعد الحدث ،حينها نعلم أننا أكلنا الكم وشربنا المقلب . آخر طبعة للمثل القديم : حظ عطيني وبالفوركس ارميني .
يبقى أحلى شي لما الواحد بيرمي توقع وبتظبط معو وهاتي بقا يتحبك !!!.