عضوية مميزة
تاريخ التسجيل: Apr 2011
الدولة: أحلى بلد سورية
المشاركات: 11,484
شكراً: 30,202
تم شكره 17,321 مرة في 8,500 مشاركة
رد: متابعة النقاش في صالون سيريا ستوكس لجلسة الخميس 18-8-2011
صباح الخير جميعاً
أنا بالنسبة إلي مافي بهالبلد شي مو إيجابي... أكيد في كتير شغلات بتمناها تتطور أكتر بس أنا بحب الشام بهواها وماءها وشوارعها وطرقاتها.
أنا زرت أكتر من دوله متل (الأردن - مصر - ليبيا) بس ما لقيت دولة فيني اطلع فيها أحلى مشوار عندي بدون ما ادفع مصاري غير بلدنا.
يعني بكل الدول إذا بدك تطلع مشوار وين بدك تروح غير على شي مول أو على شي مطعم، والله لما اطلع على عمان بتطق روحي لأني بقضيها سينما وتسوق ومطاعم. بكفي هون إذا داق خلقي أو عصبت بنزل بدون ما إدفع ولا ليرة بتمشى بباب شرقي وباب توما وكل المدينة القديمة القنوات وباب السريجة وغيرها. بزور المسجد الأموي وبصلي ركعتين شكر لله على هالبلد وبزور كنيسة الزيتون (لما كانو يضلوا فاتحينا) وبدعي فيها من قلبي.
كل ما ينزلوا قرايبيني من الأردن لازم طلعون هالمشوار مرتين تلاتة وطعميون شاورما وآخدون على بيت جبري ونفطر هنيك الصبحيات فلافل وفتة وبيض بنخاعات ونلعبلنا كم دق طاولة وآخر شي ندفعلنا شي 2000 ليرة عن 5 أو 6 أشخاص
هاد كلو طبعاً غير قصة إنو نحنا عنجد الدولة الوحيدة يلي عنجد عربية لأنها فتحت حدودها وأجارت كل من استجار بها إن كان إخواننا الفلسطينين بدون ما يضطروا يبيعو هويتون، أو حتى إخواننا اللبنانية وحتى إخواننا العراقيين على الرغم من المساوئ الإقتصادية لها الأمور. بس أنا عندي موت من الجوع ولا اخذل شخص استجار فيني
التعديل الأخير تم بواسطة economic opinion ; 18-08-2011 الساعة 01:02 PM