اقتباس:
المشاركة الأصلية كتبت بواسطة broker
حبيب نحنا شاطرين بالحكي بـــــس .....
يلي متلي ومتلك الله بعينون ..... بكرة منتعرف على ( حمرا - وبصل ومدري شو ..... لاحقين ) ....
|
يا حرام اللي بيسمعك عم تحكي بيزعل عليك ( وعلى مؤيد) وبتخلوه ينسى انك ماشاء الله شباب فايتين طالعين على كيفكن... صبح ضهر مسا بعد نص تلات رباع الليل ماحدا دخله... وسحور بالماسة مول وماحدا قدكن... (اعتقد انو ماسة مول لانو مافي مول اسمه همسة بالمهاجرين متل ماقال الاستاذ غالب هداك اليوم!)...
المهم مختصر الطبخات مشان مايبقوا حسرة بقلب حدا...
شوربة البصل:
يتم تقلاية بصل جوانج ثم توضع فوقها مرقة دجاج ويغلي حتى يستوي
البصل (يمكن بدو شي ربع ساعة)... في طنجرة منفصلة يتم تحميص شوية طحين بالزبدة ثم يضاف قليل من الحليب او مرقة الدجاج... بعدين يضاف المرق والبصل الى الطحين المحمص مع شوية قطع دجاج.... والتقديم يتم بوضع قطعة توست في الصحن وتضاف فوقه الشوربة السخنة وفوقها جبنة قشقوان مبشورة وهيك بتدوب فوق الشوربة فورا....
السبرينغ رولز... هي متل البرك بس الحشوة تبعها عبارة عن قطع جاج وملفوف وجزر وبصل (بيتقلوا كلهن سوا) وبعدين يتم اضافة صلصة الصويا... وشوية من مرق الجاج مشان البهارت...ومعهاهيل حب مفروط لاني بحبه لما يقرش .... وطبعا بتلفها برقائق (شمس اطيب شي) وبعدين قلي...
منزلة الاحمر طبخة شامية قديمة.... في ناس بيعملوها مع كوسا محشي بس نحنا بنعملها مع رز ... يعني بتصير متل ملوخية والرز والباميةوالرز وهيك....
هي عبارة عن بندورة مغلية شوي ومقشرة ...مفرومة ... وبعدين يضافة الها لحمة مفرومة لحتى تغلي وتصير سمييكة...وبعدين بتحط فوقها شوية كزبرة وثوم وغلوتين... وصحة وهنا
جوووعتونني...
__________________
اللهم إنه لا مانع لما أعطيت...ولا معطي لما منعت