الأسهم السورية ( المضارب السوري) - سر النجاح هو التفاح (قصة قصيرة )

راح أحكيلكون قصة ملياردير عصامي عملت معوا احدى الصحفيات لقاء مشان تكتب عنوا مقالة و تعرف الناس مقدار ابداعوا و كفاحوا المرير في طريق جمع ثروته ...........
بدأت الصحفية بالكلام سائلة مسيو ......
فيك تخبرنا عن سر نجاحك الكبير و جمعك لهالثروة الطائلة :
فقال و هو يأكل تفاحة شهية
السر بالتفاح .........
فقالت له الصحفية:
التفاح !!
ممكن توضحلنا أكتر مسيو..
فقال كنت أعمل عتالا في سوق الهال فخطرت ببالي فكرة هي أن أقوم بشراء التفاح ثم مسحه و لف التفاح بالمحارم ووضعه في الصندوق و من ثم بيعه....
فقال أول يوم اشتريت خمسة كيلو تفاح و مسحتون و حطيتون بالصندوق و بعتون و ربحت فيون مية ليرة
تاني نهار اشتريت عشرة كيلوات و كمان عالجتون و بعتون و ربحت فيون 200ليرة
تالت نهار اشتريت 15 كيلو تفاح و مسحتون و بعتون و ربحت فيون 300 ليرة
رابع نهار ادينت عشرة آلاف ليرة و اشتريت فيون تفاح و مسحتون و أبل ما بيعون أجت البلدية و صادرتلي التفاح كلوا
آم اجتني أزمة قلبية و نقلوني على المستشفى و أنا بغيبوبة
المهم ضليت سنة لحتا أدرت رجع دينات التفاحات بعد ما رجعت اشتغل عتال بسوق الهال...........
و بعد ما وفيت الدينات
أول يوم رد اشتريت عشرة كيلو تفاح و مسحتون و بعتون و ربحت فيون مئة ليرة
تاني يوم من الصبح بكير دق على شخص الباب و ألي
انو في ابن خالة جدك توفا بالبرازيل و هو ملياردير كبير صاحب امبراطورية القمار و الكازينوهات المعروفة باسم مجموعة سرسرة
توفا بالبرازيل و ما عندوا لا ولد و لا تلد
و دورنا على أقرباؤا ما لائينا غير انت و بالهالحالة بتكون انت الوريث الوحيد لثروة ابن خالة جدك بالبرازيل ........
فخاطب الصحفية بكل فخر : شفتي شلون التفاح غيرلي حياتي .............
شو رأيك:
تاكليلك شي تفاحة ....
فمدت الصحفية يدها لتتناول التفاحة فقام بالتهام التفاحة و رمى لها باكيت من فئة المئة دولار و هو يضحك
و قال لها : يالله ورجينا همتك و احكي للناس قصة كفاحي حسب ما استنتجتيه من حديثي و لقائي .........
فقالت له و هي تخبأ الدولارات في جزدانها :
غالي و الطلب رخيص يا مسيو ..............
بالفعل انك انسان عصامي و مبدع و و نيال بلدك عليك!!
انتهى
جميع الحقوق محفوظة لمنتدى سيريا ستوكس
لقمان حدو