|
بدي مساعدتكم !
بما أنو أنا أصغر عضو بالمنتدى و بكالوريا كمان أنا محتارة شو بدي ادخل فرع أنا عندي هوس بالمعلوماتية كتير و بحب انو كون مبرمجة برامج بس أبي بدو مصارف أو إدارة أعمال لانو البنوك بسوريا لسه عم تفتح أمي بدها صحافة لانو أنا بحب الكتابة شو رأيكم ؟؟؟ :confused: |
رد: بدي مساعدتكم !
بهذا الموضوع بالذات انا برأيي بيرجع القرار لصاحب العلاقة نفسه مع احترامنا لآراء الأهل بس لازم يكون عندك ميول للفرع حتى تقدري تنجحي فيه مشان هيك بنصحك بالمعلوماتية و بالتوفيق |
رد: بدي مساعدتكم !
أنا برأي المعلوماتية فرع حلو ومفيد وبإمكانك اتباع رغباتك وبتوقع اهلك ما رح يمانعوا تدخلي معلوماتية
|
رد: بدي مساعدتكم !
اختي بعلم إدارة الموارد البشرية بيقولوا لك النجاح في ما تعمل يعتمد على عاملين الحب والمهارة بمعنى أن تكوني محبة لعملك وتملكي المهارة فيه. وهنا ينصح الأهل باكتشاف مهارات أولادهم مبكراً واكتشاف ما يستهويهم لمحاولة دمج الشرطين واختيار أنجح الاختصاصات لهم وتوعيتهم عليها. اذا انت تعتقدي انك تملكي مهارات برمجية وبنفس الوقت تحبي هالشغلة فبدون تردد ادخليها واذا مجموعك ما سمح لك بالجامعة الحكومية بنصحك بالجامعة الافتراضية السورية. |
رد: بدي مساعدتكم !
مرحبا الموضوع سهل و بسيط الأفضل ان تدرسي ماتحبين والنجاح يتحقق في كل مجال المعلوماتية لغة العصر ( سوفت وير ) و يمكنك الدخول من خلالها الى عالم البنوك مع دراسة بعض الدبلومات في الادارة و المصارف الى جانب دراستك اما بخصوص الصحافة فممكن ممارستها من خلال الانترنيت و المواقع الاخبارية كمراسلة غير متفرغة او متخصصة بالتقارير الاخباري مع احترامي للجميع وتمنياتي لك بالتوفيق و النجاح على اي صعيد تختارينه |
رد: بدي مساعدتكم !
اقتباس:
شكراً أستاذ خالد |
رد: بدي مساعدتكم !
اقتباس:
شكراً أستاذ عزيز أهلي ما عندون مانع |
رد: بدي مساعدتكم !
اقتباس:
اقتباس:
شكراً أستاذ منار والله حلك بيرضي الكل !! |
رد: بدي مساعدتكم !
اقتباس:
شكراً إلك أنا مهوسة بالكمبيوتر لما كنت صف 6 |
رد: بدي مساعدتكم !
أول شي خبرينا إذا نجحتي ؟؟!!!!! حتى نباركلك بالأول انا اتصلت بوالدك بس موبايله مغلق - منرجع لموضوعنا: لا تردي لا على أبوكي ولا على أمك Big Grin طبعاً بشروط :
ملاحظة : أنا كنت رح كون بنفس الموقف لو اخترتي شو ما كان يعني لو كان اختيارك ( كلية الفنون الجميلة ) واهلك رافضين كنت رح وقف معك لأن الخالق أعلم من الأهل فقال ( لا يكلّف الله نفساً إلا ما آتاها ) فإذا آتاكي الفن كالرسم فهو مجالك الحقيقي وليس الوهمي كالكثير من الأطباء في سورية . آسف طولت ولعيت كتير .... بس بهي الأمور القريحة تفتح عندي وبصير بحكي كتير ..... مرة عم احكي مع ولاد خالتي بهي القصص ضلينا من الساعة 11 بالليل للـ 6 الصبح ... Big Grin غليظ مو بايدي .... بس كتير بزعل عالناس يلي راحت مواهبها الخيالية بسبب الفزلكة أو عدم الانتباه لها أو القمع. وعذرا أستاتذتنا أبو وأم دانا ... لو ما بعرفكن ما كنت استرجيت احكي هيك :) |
| الساعة الآن 06:29 AM. |
Powered by vBulletin® Copyright ©2000 - 2025, Jelsoft Enterprises Ltd.
TranZ By Almuhajir
جميع الحقوق محفوظة syria-stocks