|
قصيدة حلبية
قصيدة حلبية
شفتك أول مرة جنب بيتنا بالحديقة الزغنوطة و قلبي لما طسّيتك طرق احلى زلغوطة شقد كنتي نهارا متلبكة و شكلك معبوطة وانهزمتي مني !!! ايه بدي الحقك لو لفيت متل ابن بطوطة !!! ابوس شناق وش الحجي اذا بخطّبني ياكي و الله يستر يقومما يستحمل كتر كرّي و علاكي يأنو يا خيتو بزت حالي من فوق السجرة اذا بدي اعيش بلاكي بقا ان شاء الله يصير بيت ابوي هو بيت حماكي !! و يا يوم على ايشاربك البني لما طيرو الهوا و اناشفت وشك طبيت بأرضي و اكلت هوا و قلت لحالي علوا نبقا العمر انا وا نتيسوا و لا نمرض و نروح حكيم و لا يوصفلنا دوا و بكرا يا بتصيري حجة و انا الحجي و منخلّف عجيان و بطلعو كلونعاقلين الا واحد بيطلع سعدان و بيفرط معلاقنا و بيفضحنا بالحارة و يبتعربش عالحيطان و ببهدلنا قدام الخلق و كل يوم بضرب ولادالجيران !! و انا بضربو بالقشاط و انتي حصريه على البلاطة و بحرمو منالمصروف لا بياخد صحاح و لا فراطة و لي عليكي و على هالخلفة ... . .. بطلت اتجوز !! و لي عالجازة و على ساعتا |
أي أشو أشو هاد خيو أبو الريم يا هيك الأصايد يا بلا وبالحلبي العريض العريض
كتير كتير حلوة يسلموا ايديك |
مشكور عمّي رامي على هذه المعلـّقة الحلبية
شايفين يا جماعة كم اللّهجة الحلبية ظريفة ولطيفة ومهضومة .....:rolleyes2: |
شكرا أخي رامي.
القصيدة تلقي الضوء على اللكنة الحلبية وبعض مفرداتها ذات الطابع الخاص, وتحتاج لشرح بعض المفردات المغرقة في اللكنة الحلبية. الزغنوطة : الصغيرة, والكلمة تلفظ بالحلبية غالباً " زغنطوطة ". طسيتك : رأيتك, شاهدتك. شناق وش : هو المكان المرتفع في خد الإنسان, وتلفظ بالحلبية : " جنق " , والجنق يعني الصحن وهو الوعاء المعروف, ومعظم هذه الكلمات تركية امتزجت بالحلبية أيام الخلافة العثمانية. كري : الثرثرة والكلام الكثير. بلاكي : من دونك. بيفرّط معلاقنا : كناية عن شدة الألم والتأثر الحزن, وعادة عند شدة الحزن يشعر الانسان بانقباض في المعدة وقد يتسبب الأمر بقرحة معدية له. بيتعربش : يتسلق. القشاط : النطاق أو الحزام. حصريه : فعل أمر من الحصر, أي التضييق عليه في مكان لايستطيع المناورة أو الهروب منه. ولي عليكي : كناية عن الدعاء على الإنسان بحلول المصائب التي لشدتها يدعو حينها على نفسه بالويل والثبور. ودمتم بود. |
مشكور اخي بكري ... على شرح المفردات وقريبا قصيدة شامية من كعب الدست |
اقتباس:
|
اقتباس:
هاده واجبنا خاي.Big Grin |
يسلموا ايديك
رجعتني عشرين سنة لورا |
| الساعة الآن 05:30 PM. |
Powered by vBulletin® Copyright ©2000 - 2025, Jelsoft Enterprises Ltd.
TranZ By Almuhajir
جميع الحقوق محفوظة syria-stocks