|
راح علمك الفوريكس ببساطة...و بعدين انت و شطارتك ....
هاد الموضوع راح حاول اشرحلكون فيو تجارة الفوريكس ببساطة بطريئة حومصية ...و كوردية ... بس باللغة العربية ..... انتبه ...ما راح علمك لا تحليلات و لا توقعات و لا تقييمات ... راح حاول علمك متل سواقة السيارة يعني : شو هي السيارة و على شو بتمشي و كيف بتمشي ووين الغيار ووين البنزين ووين الفرامات .... و بعدين انت حر على اسيارة تبعيتك بتشتغل شوفير تكسي و لا شاحنة و لا قاطرة و مقطوررة بتسوء بسرعة ..و لا على مهلك .. كل يوم بتفوت بستين حيط و لا الستين حيط بيفوتوا فيك ولا بتمشي على دولابين و بتشفط و لا بتمشي باعتدال و بتعرف كيف تستخدم السيارة للوصول لأهادافك ...... و لا ما بدك كل وجعة هالراس و بتمشي مشي أحسنلك ------------------------------------- شروحات بسيطة من خلال أسئلة و اجوبة بسيطة و راح رحب بأي سؤال ..... بس اذا سؤال صعب كتير .و آصد الاحراج ...راح رسب السائل بالفخص ها ...... ................ انتظرونا.................. |
رد: راح علمك الفوريكس ببساطة...و بعدين انت و شطارتك ....
السؤال الأول.. من دون رفع اصبع..
كيف تفتح حساباً لدى شركة فوريكس؟؟؟ وكيف نميز الشركات المحترمة.. من الشركات النصابة؟؟؟ |
رد: راح علمك الفوريكس ببساطة...و بعدين انت و شطارتك ....
الدرس الأول :
لا تؤعد باستعداد و تشدلي ضهرك على أساس يا لطيف عمتاخد درس على درجة عالية من الأهمية ...ريحلي حالك أول الشي راح وضحلك شو معنى كلمة فوريكس ؟؟؟؟؟ هي من المصطلح الانكليزي :FOReign EXchange و الترجمة الحرفية لألو :سوق الصرف الأجنبي .... بعدين تم اختصارها الى المصطلح : فوريكس ............ و هللئ بشكل متعارف عليه صار : هو سوق لتجارة العملات و و ألحق فيو كمانة تجارة الذهب و المعادن و النفط و الغاز السكر و القهوة ....الخ و هللئ انصراف ...... خلصنا الدرس الأول ....... |
رد: راح علمك الفوريكس ببساطة...و بعدين انت و شطارتك ....
اقتباس من الأخ كامل :
السؤال الأول.. من دون رفع اصبع.. كيف تفتح حساباً لدى شركة فوريكس؟؟؟ وكيف نميز الشركات المحترمة.. من الشركات النصابة؟؟؟ ...........انتهى الاقتباس ................ أخ كامل انت بدك تشتري السيارة أبل ما نعلم الناس مما تتكون السيارة ... و شو هي السيارة و لسا عمنشرح شو معنى كلمة فوريكس عمتسألني كيف نفتح حساب و شو هي الشركات... مو لتعرف الناس شو معنى الحساب كمانة .... بجاوبك عن الشق الأول من السؤال وئت بيصير وئتو |
رد: راح علمك الفوريكس ببساطة...و بعدين انت و شطارتك ....
طيب أستاذ لقمان .. أكمل مم تتكون السيارة؟؟؟ وبعدين منشوف الأسئلة ..
بس على فكرة أنا صرلي 20 سنة بسوق سيارة متل شوماخر (الله يشفيه).. ولهلأ ما بعرف مم تتكون السيارة.. Big Grin |
رد: راح علمك الفوريكس ببساطة...و بعدين انت و شطارتك ....
طيب .. وين الدرس التاني ؟؟؟ :rolleyes2:
أنا كمان ما بعرف شي عن الفوركس .. :StickOutTongue .. أستاذ ..Big Grin |
رد: راح علمك الفوريكس ببساطة...و بعدين انت و شطارتك ....
السلام عليكم
نصيحة على هامش الموضوع من عندي أفتح حساب تجريبي بنفس المبلغ الذي تتحمل خسارته اتبع توصيات المختصين انتظر النتيجة أفتح حساب فعلي وأعمل بنفس الوتيرة أبتعد عن الطمع ابتعد عن الأصول الخطرة لا تعتمد على خبرتك مبدئيا ولا تعول على الهامك ان ربحت تابع وان خسرت لا تغرق نفسك أكثر والعوض على الله |
رد: راح علمك الفوريكس ببساطة...و بعدين انت و شطارتك ....
سيد نجم كل هي النصايح راح نلفت نظرون لالها باذن الله ....على أقل تقدير بس اتفئنا مع الكل انو : ننتظر شوية مشان بس يئدروا يفهموا عن شو عمنحكي ..... ----------------------------------------------- |
رد: راح علمك الفوريكس ببساطة...و بعدين انت و شطارتك ....
أهلين أخي لقمان ماتواخذني بس ئلت لحالي بركي هالسيارة ماعم تمشي وبدا حدا يدفشها دفشه أسمي أعد بلاشغل ههههه
على كل حال بتئدر تنسق مع المشرف لحذف المداخلات وضمان بقاء تسلسل الافكار ونحن بانتظار جديدكم |
رد: راح علمك الفوريكس ببساطة...و بعدين انت و شطارتك ....
مساء الخير للجميع تم افتتاح دورة في الفوريكس بشكل منهجي علمي في أكاديمية التداول ......... لذلك سأقوم بايقاف موضوع تعلم معي الفوريكس ببساطة .... الذي بالكاد بدأت به فالمعذرة ....... ------------------------ للانتقال الى موضوع الاعلان عن الدورة في أكاديمية التداول يرجى الضغط على العنوان ادناه باللون الازرق سجل في دورة تعليم تدوال في البورصة والفوركس |
| الساعة الآن 07:27 AM. |
Powered by vBulletin® Copyright ©2000 - 2025, Jelsoft Enterprises Ltd.
TranZ By Almuhajir
جميع الحقوق محفوظة syria-stocks