|
ممكن استشارة يا محللين
assalam1 كيف الشباب اذا ممكن بدي اسأل عن موضوع اسهم بنك البركة اليوم اخي انعرض عليه شراء اسهم البركة بسعر 1250 السهم بصراحة انا حسيت انو كتير لأن لسا البنك مابدأ العمل وبتصور اول سنة رح يكون البنك خسران مشان مصاريف الانشاء بس اخي قال انو استثمار منيح لان متوقعين يرتفع سهم البركة ل 1800 او 2000 ليرة بئا شو رأيكن مو بكير لسا على هيك اسعار هو انا عندي اسهم ومن مصلحتي يرتفع اكتر بس السعر المعروض غالي شو رأي الشباب
|
السلام عليكم
بنك البركة مدفوع 250 ليرة فقط لسا ما صدر تخصيص للاسهم حتى الان ( السعر بعد صدور التخصيص بالكثير 300 ليرة فقط ) انا ببيعك بعد اسبوعين (بعد التخصيص) بسعر 500 كل عام وانتم بخير |
لا السعر مبالغ فيه لأبعد الحدود ما ألك مصلحة بنوب بنوب
|
المبغ مبالغ فيه ..... كتييييييييييييييييييييير ... وعرض الأخ عمر مقبول .... ويمكن التفكير به ... دفع ثمن السهم 250 من أصل 500 بعد التخصيص .... إذا الشراء بعد التخصيص 550/600 يمكن قبوله ... وإذا كان قبل يقسم السعر على 2 .. |
يعني انا ئلت انو القصة فيها خورفة بس الظاهر اللي عارض الاسهم عليه حابب يخورفو كتيييييير على كل حال انا قلتلو و مشكورين كتير
|
اقتباس:
سؤال تاني، ياترى اذا حدا باع هلق السهم بحدود ال 600 هل ممكن يصحله يشتري بعد كم شهر بسعر ارخص لانو القصة بتكون هديت شوي وممكن ناس تضطر انها تبيع؟؟ |
الان يطلب على سهم قطر الوطني 50 ليرة زيادة
و أعتقد بعد التخصيص سيكون نفس المبلغ 50 للبركة |
مجرد نصيحة
رأي الشريعة: يحرم بيع الأسهم قبل أن تبدأ الشركة عملها وإلا فالبيع هو ربا لأن بيع السهم حالياً يعبر فقط عن بيع ورقة يقيمة 250 ليرة وليس بيع حصة في الشركة لأنها لم تبدأ العمل وهي باعت السهم بـ 250 ولم يحصل أي عمل أو قيمة مضافة تسبب زيادة سعر السهم (وهذا فيه غرر للشاري) والشاري إذاً بهذه الحالة يشتري 250 ليرة بـ 300 ليرة وهو ما يندرج تحت بند الربا. المفتي: رمضان البوطي + راتب النابلسي + القرضاوي. (وهذه مجرد نصيحة ورأي من بعد إذنكم) احذروا الربا يا شباب فقد توعد الله من يأكل الربا بأن تتحول نار في جسده يوم الحساب كما توعد من يتعامل بالربا بحرب (وأذنوا بحرب من الله ورسوله) طبعاً كلما كثرت النسبة في المجتمع التي تتعامل بالربا زاد السخط على المجتمع ولا يحل الغضب إلا بانتشار الفساد .... فحاولوا تقليل ذلك في مجتمعنا رحمة بأبناءنا. |
اقتباس:
ممكن تكتب لنا لو سمحت مصدر الفتوى الأساسي |
اقتباس:
والبيع والشراء هو التنازل عن حصة بالشركة سواءاً هي بدأت العمل او لا (سهم = حصة) فعند الاكتتاب العام ( نحن نكتتب لشراء حصة ) وعند التخصيص يخصص لنا حصة ويليها الاجتماع التأسيسي للشركة ( عندها يتم التأسيس الرسمي ) وتكون حصتهنا رسمية وشرعية ونستطيع التصرف بها كيف ما نشاء. هذا الموضوع لا يحتاج لوجود فتوى او لا لمعرفة حقوقنا الشرعية وليس كل ما يفتى به يكون صحيح وتقبل خالص تحياتي |
| الساعة الآن 06:56 PM. |
Powered by vBulletin® Copyright ©2000 - 2025, Jelsoft Enterprises Ltd.
TranZ By Almuhajir
جميع الحقوق محفوظة syria-stocks