الأسهم السورية ( المضارب السوري)
صفحة 1 من 2 1 2
عرض 40 مشاركات من هذا الموضوع لكل صفحة

الأسهم السورية ( المضارب السوري) (https://syria-stocks.com/forum/index.php)
-   استراحة المضاربين (https://syria-stocks.com/forum/forumdisplay.php?f=19)
-   -   الريجيم السوري الأول في العالم لإنقاص الوزن 30 كغ في الشهر (https://syria-stocks.com/forum/showthread.php?t=12642)

f.fatina 04-08-2012 08:22 AM
الريجيم السوري الأول في العالم لإنقاص الوزن 30 كغ في الشهر
 
السلام عليكم ورحمة الله وبركاته
حابة اكتبلكن اليوم ريجيم جربتو قام نحفني 2 كغ بيومين بعد مايأست أن وزني ينزل بالرياضة والأكل الصحي، هاد الريجيم سوري بكل امتياز (مع شهادة جودة من روسيا والصين) وهو ريجيم فعال جدا جدا جدا



خطوات الريجيم:
  1. لازم تكون ساكن بوحدة من المناطق الساخنة (أنا مثلا ساكنة بالتضامن).
  2. الأستقياظ الساعة السابعة صباحا على صوت قنبلة مدفعية مروحة أحد البيوت عندكن بالحارة.
  3. سماع أصوات الإشتباك تخت برندة بيتك على الريق.
  4. سماع صوت الجيش الحر ينادي الله أكبر الله أكبر حي على الجهاد
  5. بعد شوي القناص ببلش يشتغل ويقنص الناس
  6. إذا مطنش القناص وواقف ع برندة بيتك بتشوف الناس بالعشرات من حارتك الصغيرة ضبت غراضا ونزلت عالشارع تنزح وهي مطنشة القناص متلك.
  7. بتسمع أحد افراد الجيش الحر يصيح الله أكبر رفيقنا استشهد صار شقف نتف
  8. وبعد شوي واحد مدني بالغلط بموت بحاولو الجيران يسعفوه بس مافي أمل بتقوم بتقرالو الفاتحة وبتقعد .
  9. وانت مع كل ضربة مدفعية قلبك بصير يخفق خفق بتقوم بتتوضى وبتقعد تدعي وتتشاهد ع روحك ويمكن تقرا الفاتحة و المعوذات وتستخفر ربك عن كل ذنوبك وووووو (يعني بتجيك حالة الإيمان).
  10. يمكن كمان من شدة المعركة توصي بورتتك من الليرة والدولار والدهب.
  11. كل شوي بتقول هديت وبتصبر حالك وإذ القنبلة بتصير أقرب أقرب من بيتك.
  12. هيك بتم المدفعيات والرشاشات والأربيجي والبيكيسي والدوشكا والمدري شو شغالة شي 9 ساعات.
  13. هيك لتهدي شي ساعة وماعد تسمع شي
  14. هون بقول خلصت المعركة ونبتطلع عالبرندة.
  15. وإذ أصوات رشاشات ثقيلة وشغلات مو سامعها بحياتك هون بثانية يتصير بالغرفة الجوانية الجوانية لي مافيها منفس ولي دايما بتتكبر عليها بالعادة (بس بهيك أزمات بتصير رحمة هي والبيت القبو)
  16. هون بفوت الجبش النظامي وهو عم يمشط الحارة طبعا لبين مايمشط خارتك الصغيرة بكون بدو شي نص ساعة اطلاق نار متواصل وانت قاعد برعب كييير عم تفكر بمصير سيارتك يلي صاففها تحت بيتك.
  17. بس يخلص الجيش النظامي من حارتك بتحمد الله انك لسا عايش لأن خلص ماعد يزتو قنابل مدفعية لهون .
  18. بتسمع أصوات القذائف والرشاشات صارت أبعد بشوي بتقول ألف الحمدلله يارب ألف الحمدلله وبنفس الوقت عم تقول الله يصبر الناس لي هنيك
  19. وهيك بيخلص نهارك بشوية طأطاة عالخفيف
  20. بتفيق تاني يوم الأسطوانة نفسها عم تنعاد بس كأن الأصوات أبعد (الوتر هو هو نفسو).
  21. مسموح الأكل بكل أنواعه (طبعاً إذا إلك نفس) ومافي داعي تلعب رياضة بالمرة.
الأثار الجانبية للريجيم:
  1. أولشي انت مابتعرف إذا ح تعيش لحتى تشوف حالك ستايل وجسمك حلو.
  2. ممكن تصير (العفو منكن يعني) تعملها تحتك من الرعبة.
  3. ممكن بيتك وسيارتك بأي لحظة يروحو بقذيفة طايشة (يعني شفط الدهون بعملية بيصفى أوفر)
  4. ألم راس فظيع من كثر الضغط والهلع.
  5. انحلال مفاصل
  6. يرقان أو ابو صفار
بالأخير ورغم فعالية هالريجيم السوري بتمنى ماحدا منكن يجربو أبداً لأني بحبكن كتييييييييييير
ودعولنا

f.fatina 04-08-2012 08:27 AM
رد: الريجيم السوري الأول في العالم لإنقاص الوزن 30 كغ في الشهر
 
طبعاً كل الناس لي بالشام عم تسمع اصوات القصف بس مو عرفانين رفقاتك أن القصف جنب بيتك

الحمدلله ع كل حال

مجد 04-08-2012 08:49 AM
رد: الريجيم السوري الأول في العالم لإنقاص الوزن 30 كغ في الشهر
 
اقتباس:
المشاركة الأصلية كتبت بواسطة f.fatina (المشاركة 224063)
السلام عليكم ورحمة الله وبركاته
اقتباس:
المشاركة الأصلية كتبت بواسطة f.fatina (المشاركة 224063)

حابة اكتبلكن اليوم ريجيم جربتو قام نحفني 2 كغ بيومين بعد مايأست أن وزني ينزل بالرياضة والأكل الصحي، هاد الريجيم سوري بكل امتياز (مع شهادة جودة من روسيا والصين) وهو ريجيم فعال جدا جدا جدا



خطوات الريجيم:
  1. لازم تكون ساكن بوحدة من المناطق الساخنة (أنا مثلا ساكنة بالتضامن).
  2. الأستقياظ الساعة السابعة صباحا على صوت قنبلة مدفعية مروحة أحد البيوت عندكن بالحارة.
  3. سماع أصوات الإشتباك تخت برندة بيتك على الريق.
  4. سماع صوت الجيش الحر ينادي الله أكبر الله أكبر حي على الجهاد
  5. بعد شوي القناص ببلش يشتغل ويقنص الناس
  6. إذا مطنش القناص وواقف ع برندة بيتك بتشوف الناس بالعشرات من حارتك الصغيرة ضبت غراضا ونزلت عالشارع تنزح وهي مطنشة القناص متلك.
  7. بتسمع أحد افراد الجيش الحر يصيح الله أكبر رفيقنا استشهد صار شقف نتف
  8. وبعد شوي واحد مدني بالغلط بموت بحاولو الجيران يسعفوه بس مافي أمل بتقوم بتقرالو الفاتحة وبتقعد .
  9. وانت مع كل ضربة مدفعية قلبك بصير يخفق خفق بتقوم بتتوضى وبتقعد تدعي وتتشاهد ع روحك ويمكن تقرا الفاتحة و المعوذات وتستخفر ربك عن كل ذنوبك وووووو (يعني بتجيك حالة الإيمان).
  10. يمكن كمان من شدة المعركة توصي بورتتك من الليرة والدولار والدهب.
  11. كل شوي بتقول هديت وبتصبر حالك وإذ القنبلة بتصير أقرب أقرب من بيتك.
  12. هيك بتم المدفعيات والرشاشات والأربيجي والبيكيسي والدوشكا والمدري شو شغالة شي 9 ساعات.
  13. هيك لتهدي شي ساعة وماعد تسمع شي
  14. هون بقول خلصت المعركة ونبتطلع عالبرندة.
  15. وإذ أصوات رشاشات ثقيلة وشغلات مو سامعها بحياتك هون بثانية يتصير بالغرفة الجوانية الجوانية لي مافيها منفس ولي دايما بتتكبر عليها بالعادة (بس بهيك أزمات بتصير رحمة هي والبيت القبو)
  16. هون بفوت الجبش النظامي وهو عم يمشط الحارة طبعا لبين مايمشط خارتك الصغيرة بكون بدو شي نص ساعة اطلاق نار متواصل وانت قاعد برعب كييير عم تفكر بمصير سيارتك يلي صاففها تحت بيتك.
  17. بس يخلص الجيش النظامي من حارتك بتحمد الله انك لسا عايش لأن خلص ماعد يزتو قنابل مدفعية لهون .
  18. بتسمع أصوات القذائف والرشاشات صارت أبعد بشوي بتقول ألف الحمدلله يارب ألف الحمدلله وبنفس الوقت عم تقول الله يصبر الناس لي هنيك
  19. وهيك بيخلص نهارك بشوية طأطاة عالخفيف
  20. بتفيق تاني يوم الأسطوانة نفسها عم تنعاد بس كأن الأصوات أبعد (الوتر هو هو نفسو).
  21. مسموح الأكل بكل أنواعه (طبعاً إذا إلك نفس) ومافي داعي تلعب رياضة بالمرة.
الأثار الجانبية للريجيم:

  1. أولشي انت مابتعرف إذا ح تعيش لحتى تشوف حالك ستايل وجسمك حلو.
  2. ممكن تصير (العفو منكن يعني) تعملها تحتك من الرعبة.
  3. ممكن بيتك وسيارتك بأي لحظة يروحو بقذيفة طايشة (يعني شفط الدهون بعملية بيصفى أوفر)
  4. ألم راس فظيع من كثر الضغط والهلع.
بالأخير ورغم فعالية هالريجيم السوري بتمنى ماحدا منكن يجربو أبداً لأني بحبكن كتييييييييييير
ودعولنا

[RIGHT][/right


بس اختي فاتنة .مين عم يقصف المدنيين بالطائرات والمدافع ويقتل وينهب ويغتصب . .واكيد هذا كابوس اختي فاطمة اقرصي حالك لتتاكدي انك تحلمين ام انك صاحية كما يسووا بالمسلسلا ت! ما اللغة التي يتكلمون بها الذين تحلمين بهم هل هم سوريون

Abu Amr 04-08-2012 09:59 AM
رد: الريجيم السوري الأول في العالم لإنقاص الوزن 30 كغ في الشهر
 
الله يحميكن يارب ويحمي هالبلد

قلوبنا معكم والله يصبركم

ونحنا يعني عنا مو احسن بكتير صار يوم الخميس انفجارين ناحنا قبل الفطور هزو الاض هز والمشكلة خوفنا مو على حالنا خوفنا على هالاولاد الصغار
نحنا ممكن نصبر اما هنن مو فهمانين شي بس عايشين برعب
والله يفرج علينا وعلى كل هالبلد

فراس السكري 04-08-2012 02:38 PM
رد: الريجيم السوري الأول في العالم لإنقاص الوزن 30 كغ في الشهر
 
كلامك صحيح سنفورة
ولكن نسيت ان تقولي ان الجثث بالشارع لايستطيع احد نقلها وقامت الكلاب بنهش الجثث حتى اصبحت هذه الكلاب مؤذية للجميع فقط ذاقت اللحم البشري
الان يمكن ان يتخيلوا الوضع

BROKER 04-08-2012 05:53 PM
رد: الريجيم السوري الأول في العالم لإنقاص الوزن 30 كغ في الشهر
 
حسبنا الله ونعم الوكيل

الحمد لله على سلامتك انسة فاتنة وسلامة عائلتك

اكيد لازن تطلعو من المنطقة هالكم يوم ... والحمد لله انكم بخير

واكيد متسوى الرعب والخوف من جراء الصوت فقط هائل فكيف اذا كان ممكن ينزل على السامع

فهد 04-08-2012 06:43 PM
رد: الريجيم السوري الأول في العالم لإنقاص الوزن 30 كغ في الشهر
 
شكراً لك انسة فاتنة
مشاركة معبرة جداً

فهد 04-08-2012 06:47 PM
رد: الريجيم السوري الأول في العالم لإنقاص الوزن 30 كغ في الشهر
 
طريقة صارت قديمة
يوجد طريقة أحدث للريجيم في حلب
ما بين 5 - 7 كيلو

GDahrouj 05-08-2012 12:57 AM
رد: الريجيم السوري الأول في العالم لإنقاص الوزن 30 كغ في الشهر
 
الحمدلله ع السلامة سنفورة
والله لا يعيشك هالحاله نرة تانية

بس اكيد هاد الشي صحيح
ليكون حدا من جيرانكن حاطط ع المحطات المغرضة وهنن عم ينقلو من مجسم التضامت بقطر وكل صار معك هو عبارة عن فبركات اعلانية

Fahd_z1980 05-08-2012 02:08 PM
رد: الريجيم السوري الأول في العالم لإنقاص الوزن 30 كغ في الشهر
 
الله يستر جيلنا من الجلطات المبكرة ،ومن الإكتئاب،ومن الجيش فوبيا


الساعة الآن 11:15 PM.
صفحة 1 من 2 1 2
عرض 40 مشاركات من هذا الموضوع لكل صفحة

Powered by vBulletin® Copyright ©2000 - 2025, Jelsoft Enterprises Ltd. TranZ By Almuhajir
جميع الحقوق محفوظة syria-stocks

This Forum used Arshfny Mod by islam servant