|
مطلوب طبخة سهلة من المضاربات
مطلوب حالاً تعليمي طبخة سهلة وظريفة وطيبة ما بعرف شو ممكن تكون بس بدي شي سخن وفيني حطلو فلفل .... عادة ما بحب الطبخ كتييييير لكن مل قلبي من الاكل الحاضر والبطاطا المقلية والبيض. -- بدي ياها سهلة وسريعة وما بدها كتييير غراض وشغل . --- الرجاء التذكر بان تجعلوا الخطاب ذكوري ..... لانو كل ما بدي اعمل شوربة فطر "ماجي" بقرأ طريقة التحضير ..... 1- أفرغي محتوى المغلف في اربع اكواب ماء. 2- حركي المزيج حتى تغلي الماء 3- اتركيه على نار هادئة .... الله لا يــــــذل حدا ......:confused2: |
رد: مطلوب طبخة سهلة من المضاربات
اخي مابدها شي جيب بندورتين او ثلاثة وافرمهم ناعم (واذا في خلاط ضعهم بالخلاط واخفقهم)واطبخهم شويه وضع معهم شوية زيت او سمنه وحط عليهم شوية ملح مع ثلاث بيضات واخفقهم حتى ينشقوا شوي وبعدها ضع عليهم فلفل قد مابدك !كل الاكلة تتحمل 10 دقائق . |
رد: مطلوب طبخة سهلة من المضاربات
لا انا ما بحبا هي الاكلة تبع البيض والبندورة جرب تعمل كواج جيب بصلة وقطعها نص جوانح وازا بدك تحط لحمة بدك لحمة ناعمة بتقلي اللحمة والبصل بعدين بتحط فوقن بندورة بس لا تقطعها صغيرة وحطلا ملح وفلفل اد مابدك خاصة الفلفل وصحتين وهنا وتقدم مع الفليفلة الخضراء
|
رد: مطلوب طبخة سهلة من المضاربات
عم يقول بدو شي سخن وفيني حطلو فلفل ....
ساوي شوربة عدس لكن بس ما بعرف علمك ياها لاسأل مرتي بردلك جوابBig Grin |
رد: مطلوب طبخة سهلة من المضاربات
راح نشوف شو راح يختار اخونا رامي من الاكلات .
|
رد: مطلوب طبخة سهلة من المضاربات
ممكن رز ببزاليا مع لحمة مفرومة... هي سهلة كتير
رز بفول.... وصدور دجاج بالفرن مع بطاطا ... شيش طاووق (بزيت يعني مو شوي)مع فطر... واذا بدك اكلة نباتية في طبخة بتعملها امي لاخي وهي جزر وفاصولية خضرا ونوع تالت نسيت شو هو(بيجوا جاهزين بكيس مقطعين خالصين ) وممكن تضيف ذرة صفراء ... طبعا وقت ينطبخوا بيصير الهن مرقة وجنبهن رز... اذا حبيت الفكرة قلي لنكتبلك التفاصيل... |
رد: مطلوب طبخة سهلة من المضاربات
واذا حبيت اكلة متطورة اكتر شوي فيك تعمل كوسا بلبن مع لحمة مفرومة على البارد... وجنبهن رز
|
رد: مطلوب طبخة سهلة من المضاربات
معكرونة بلبن...
ومرة عملتها باستخدام الاندومي! طلعت شغلة.... بدها شغلة خمس دقايق |
رد: مطلوب طبخة سهلة من المضاربات
مفركة بطاطا
المقادير: 1- أربع حبات بطاطا 2- شوية لحمة مفرومة 3- بصلة صغيرة 4- ملح 5- فلفل 6- شوية سمنة طريقة التحضيرmarsa قم بتقطيع البطاطا إلى مكعبات في هذه الأثناء قللي اللحمة بشوية سمنة مع الملح والفلفل إلى أن تستوي وثم أضف إليها البصلة الصغيرة بعد تقطيعها "ناعمة" وبعد أن تدبل البصلة مع اللحمة أضف إليها البطاطا المقطعة اترك الطبخة على نار هادئة مع إغلاق غطاء الطنجرة وتقلّيب محتوياتها كل 10 دقائق حتى تستوي البطاطا "أعتقد تقريباً من 45 دقيقة إلى ساعة" :rolleyes2: تقدم مع المخلل وصحتين وعافية :) ملاحظة: يفضل أن تكون الطنجرة المستخدمة في الطبخة تيفال tefal |
رد: مطلوب طبخة سهلة من المضاربات
بروكرنا بتعرف تعمل رز؟؟ :rolleyes2:
|
| الساعة الآن 03:32 PM. |
Powered by vBulletin® Copyright ©2000 - 2025, Jelsoft Enterprises Ltd.
TranZ By Almuhajir
جميع الحقوق محفوظة syria-stocks