|
كيف فينا نحمي حالنا من الدولار المزوّر؟
مرحبا يا جماعة الخير
عندي سؤال بسيط وبعتقد انو مهم كتير بهالفترة بالذات وهو متعلق بكيفية تجنب الحصول على دولارات مزورة لما منتعامل مع السوق السودا بعمليات الصرف. يعني يا ترى في علامات محددة لازم نتأكد منها؟ في مصادر معينة معروف انو بتكتر فيها هيك اوراق نقدية ؟ بتمنى من أصحاب الخبرة ينصحونا |
رد: كيف فينا نحمي حالنا من الدولار المزوّر؟
في عندك كتير علامات بتعرف فيها الدولار المزيف مثلا عندك
1- الشريط الامني 2- الصورة المعكوسة 3- في بروز على رقم ال100 على اليمين واليسار انا هاد يلي بعرفو |
رد: كيف فينا نحمي حالنا من الدولار المزوّر؟
في مثل شعبي لاتنام بالقبور بتشوف منامات وحشة
عند سؤالك لمن يتعامل بالمال وانا منهم لاني محاسب مالي ويمر علي اعداد كبيرة من الاموال فالعامل الاساسي وهو الورق المصنوع منه المال وباقي العلامات قابلة للتزوير مهما كانت ومهما اختلفت فان لم تكن خبير بملمس الورقة نصيحة من اخ ان لم تعرف مع من تتعامل لاتاخذ شيئا |
رد: كيف فينا نحمي حالنا من الدولار المزوّر؟
من باب الثقافة العامة وبالإضافة للشي يللي انذكر بالمشاركات السابقة حبيت ضيف معلومة -مابعرف إذا بتفيد- وهو أنو نسبة العملة الأمريكية المزيفة هو 3 على مية من 1% من العملة المطبوعة (يعني بالعربي المشربح 3 بالعشرة آلاف Big Grin, وبالتالي من كل 10000 ورقة مطبوعة فيه 3 فالصو :maad:). بس هالحكي لازم مايطمّن كتير لأنو النسبة العظمى من التزوير بيكون على فئة الـ 100 دولار :eek:, بسبب أنو عملية التزوير المتقنة مكلفة كتير وبشان هيك ياللي بيزوروا بيركزوا جهودهن عالورقة الأعلى قيمة Big Grin. |
رد: كيف فينا نحمي حالنا من الدولار المزوّر؟
عزيزي economist نصيحة من أخ لأخو اذاما كنت خبير بالعملة لا تشتري من أي مصدر لأن العملة المزورة حالياً هي في الوقت الأكثر رواجا لهاو خاصة الدولار و اليورو.
مع العلم ان التزوير درجات منها المتقن و منها الاقل اتقاناً و حتى ما ذكره أخونا Dr. Tamer من علامات (في عندك كتير علامات بتعرف فيها الدولار المزيف مثلا عندك 1- الشريط الامني 2- الصورة المعكوسة 3- في بروز على رقم ال100 على اليمين واليسار انا هاد يلي بعرفو) كل هذه العلامات قد تكون موجودة في العملة المزورة على اختلاف انواعها. و في كل محلات الصرافة يوجد شخص يسمى خبير عملات يتم اللجوء اليه في حال الشك في اي ورقة نقدية او لفظها من قبل آلة العد و الكشف الموجودة لديهم. و الشخص الخبير و الاشخاص الذين لديهم خبرة يستطيعون تمييز الاوراق النقدية المزورة على العمياني من خلال المامس فقط، و الخبرة هي الوحيدة التي تتيح لك هذه القدرة. لذا كن حذرا و قد سمعنا الكثير عن اناس حسروا مدخراتهم نتيجة وقوعهم فريسة مزوري العملة. |
| الساعة الآن 11:30 PM. |
Powered by vBulletin® Copyright ©2000 - 2025, Jelsoft Enterprises Ltd.
TranZ By Almuhajir
جميع الحقوق محفوظة syria-stocks