|
أفكار لمشاريع صغيرة \ اقتراحات عامة \
الإخوة الأعضاء في سيريا ستوكس
نتيجة الأوضاع و الأحداث السائدة في بلدنا الحبيب فرج الله عنه و بنتيجة فقدان البعض لأعمالهم فقد وجدنا من الخير افتتاح هذه المناقشة و التي يضع من يرغب فكرة عمل او مشروع او جدوى اقتصادية صغيرة لمشروع تمكن الشخص من افتتاح عمل خاص به يدر عليه بعض المال و من الممكن تطويره و نرجو من مشرف الصالة تثبيت الموضوع ليتمكن الجميع من المشاركة فيه و الاضافة و المناقشة فما رأيكم |
رد: أفكار لمشاريع صغيرة \ اقتراحات عامة \
اقترح الأخ ابو معاذ قبل مدة فكرة مركز لبيع المواد الغذائية بالجملة و لا سيما ان هذه المراكز لاقت ترحيب من الناس كون الأسعار ارخص و بها تنوع و اقرب من السوق الرئيسي كالبزورية و سوق الهال
و لكن يجب دراسة وضع المنطقة مسبقا قبل افتتاح مركز بحيث لا يوجد مركز قريب و كذلك يوجد تجمع سكاني جيد بالمنطقة و هي تحتاج لرأسمال من 250 الى 500 الف و الباقي يمكن ان ينزل برسم الأمانة بالمحل و التسديد عند البيع |
رد: أفكار لمشاريع صغيرة \ اقتراحات عامة \
احسن شئ هالايام هو البيات الشتوي مثل السلحفاة .لانه اية حركة هذه الايام تسبب خسائر!!!!!
|
رد: أفكار لمشاريع صغيرة \ اقتراحات عامة \
اقتباس:
حلوة أبو طارق ملاحظة رائعة وأود أن أضيف ملاحظة مهمة لا تبات ومعك عملة ورقية بات ومعك معادن (ذهب ، فضة) |
رد: أفكار لمشاريع صغيرة \ اقتراحات عامة \
اقتباس:
زميلنا نسيت تحسب حق المحل أو على الأقل أجار لمدة سنتين ;) |
رد: أفكار لمشاريع صغيرة \ اقتراحات عامة \
الموضوع مالو بهي السهولة.... اي والله نحنا معنا كم ليرة ومو عرفانين شو نعمل...نخليهن اسهم اونقلبهن كاش.. الدهب مجنون مابيتقرب منه.... الوضع بالبلد مالو كتير امان وممكن اي بيت ينسرق... شي بيوجع الراس
|
رد: أفكار لمشاريع صغيرة \ اقتراحات عامة \
الحق معك...
انا عن نفسي عندي مشروع صغير اذا كتير ساء الاوضاع... بس للاسف ابقدرش اعطي سره لحدا.... وحتى لو عطيته فالقصة فيها شغل بالايد ولذلك ماحدا رح يعرف يساويه غيري.... وفي عندي مشروع استيراد شغلة (كمان سر) من اوروبا.... بس هاد صار شكلو كتير بعيد... واساسا مابعرف شي عن الموضوع ولا كيف بيتم الاستيراد.... وهلق الناس مامعها مصاري وماحدا عم يشتري شي.. بس هالشغلة الها زمان ببالي وكان كتير ممكن تمشي هون.... |
رد: أفكار لمشاريع صغيرة \ اقتراحات عامة \
هلق ذكرتني بمسلسل قديم لدريد لحام.... لما كان رح يفلس وبلش يدور على مصدر رزق...
شي يشتغل بلف السكاكر... بالمونة والخضرة... تنظيف السجاد.... على فكرة اذا حدا بيعرف يساوي مونة واكل بيتي ظريف ممكن كتير يستفاد من هالموضوع... بزمناتي كنت بعرف مركز تدريبي...و جنب المركز في ست كبيرة عايشة... ومدري شلون اتفقت معهن تطبخ كل يوم وتبعتلهن اكل بيتي ظريف مقابل مبلغ معقول... يعني اي ست بالبيت ممكن تدور على مركز فيه تجمع موظفين قريب ...بنك شركة...وتعمل كرت مابيكلفها 500 ليرة... وتروح تعطيه للأذن... وتعطيه كمان 500 ليرة..... وهو بيعملها دعاية... ومو بالضرورة يكون الاكل طبخ.... ممكن اكلات خفيفة ... ممكن ابتكارات ظريفة خرج المكاتب... هي وشطارتها بقى.... بس احلى ادارة الشركة او البنك تنأرء ويخربولها الشغلة ههههه .. بس مو مشكلة بتلاقي شركة تانية كيفني معك سيد مؤيد؟؟؟ |
رد: أفكار لمشاريع صغيرة \ اقتراحات عامة \
اقتباس:
اذا هيك اغتنينا و قبرنا الفقر كمان :eek: المشروع الأول سر و التاني كمان سر و ما بعرف استورد ay1:mad::mad::mad::mad: |
رد: أفكار لمشاريع صغيرة \ اقتراحات عامة \
اقتباس:
يعني اذا مافي مصاري لاستورد فيها ليش عذب حالي واقعد بحبحش ورا القصة..... وبنفس الوقت مارح اعطيها لغيري ياخدها على البارد المستريح... بركي انقلبت احوالي وصرت غنية وقتها بكون ضيعت على حالي الفرصة هههههههههه وبعدين تعا لهون.. انت بدك مشاريع صغيرة!! مو مشاريع استيراد وتصدير وتصنيع ومدري شو |
رد: أفكار لمشاريع صغيرة \ اقتراحات عامة \
اقتباس:
شفتو سوق البسطات الجديد على رصيف كلية الحقوق فيه كل شيء ومسقوف كمان وكل بسطة عندا طابو اخضر والدولة مابدا تزعج حدا هلأ وتاركتون ياريت لحقنا نعمل بسطة فول وبليلة الها سوق بالعيد |
رد: أفكار لمشاريع صغيرة \ اقتراحات عامة \
اقتباس:
بالمناسبة بالدول اللي فيها ناس بتفهم ... بيجمعوا كل هدول البسطات وبيعملولهن سوق!! وهيك لا بتقطع رزقهن ولا بتشوه منظر البلد.... واللي بدو بضاعة رخيصة بيروح لهنيك.... واللي مابدو مارح ينزعج وهو عم يتمشى بالسوق والبلد |
رد: أفكار لمشاريع صغيرة \ اقتراحات عامة \
تم الثبيت حضرة المشرف
|
رد: أفكار لمشاريع صغيرة \ اقتراحات عامة \
اقتباس:
يعني الاتنين سر ؟؟؟ :confused2: |
رد: أفكار لمشاريع صغيرة \ اقتراحات عامة \
اقتباس:
رائــــــــــعة فكرة رائعة لكل ست بيت معيلة لابنائها ... - اللي يميز الفكرة أنها تطابق مبدأ بحب العمل عليه وقت بدي فكر بشغلة تجارية او مصدر ويلي هو أنا أربح وأنت تربح والكل رابحون .... فست البيت تربح بدخل جيد لبيتها واولادها وبكرامتها ...... والموظفين يربحون باكل طبخات طيبة وفيها منفعة احسن من اكل السوق الضار ..... والشركة تربح بتوفير كلفة الاكل الجاهز . |
رد: أفكار لمشاريع صغيرة \ اقتراحات عامة \
فكرة الموضوع ممتازة مؤيد باشا .... وفيها عصف ذهني ياريت الكل يكتب وما يستخف باي فكرة فممكن تكون مشروع كبير |
رد: أفكار لمشاريع صغيرة \ اقتراحات عامة \
شجعتوني احكي فكره صغيره خطرت ببالي
كمان بيخص ستات البيوت مشغل تطريز و اكسسوارات وخياطه و بنفس المشغل دوره يلي مابيعرف بهلأمور وحابب يتعلمها مثلا تكون مدتها ست شهور مقابل هالدور مبلغ معقول وبعدين بيبلشوا شغل طبعا هالمشروع بده مكان و ناس متخصصه وكتير ستات بيوت بتكون بحاجه لدعم مادي و مابيكون متوفر عندها مؤهلات كشهاده جامعية فهيك شي بيناسبها |
رد: أفكار لمشاريع صغيرة \ اقتراحات عامة \
افضل مشروع صغير بهالبلد ... هو السفر لدولة كبيرة :StickOutTongue :StickOutTongue
|
رد: أفكار لمشاريع صغيرة \ اقتراحات عامة \
اقتباس:
لاقولنا شي مشروع يتطبق....ههههههههههههه |
رد: أفكار لمشاريع صغيرة \ اقتراحات عامة \
وين اختفيتوا ........ شوية حركة marsa marsamarsa |
رد: أفكار لمشاريع صغيرة \ اقتراحات عامة \
والله يا beautiful life
مافي بوتيفول بنوب صاير معنا bad life ..... مشان هيك قالة حركتنا شوي .. ههههه |
رد: أفكار لمشاريع صغيرة \ اقتراحات عامة \
اقتباس:
بنرجــع بنحولــها لــــ beautiful بــس يــكون في نــيــة :) |
رد: أفكار لمشاريع صغيرة \ اقتراحات عامة \
في مشروع كتير حلو اشتروا اسهم اذا ربحت بتفرحوا و اذا خسرة بتدعوا على ادارة السوق و الهيئة متل هلق |
رد: أفكار لمشاريع صغيرة \ اقتراحات عامة \
اقتباس:
هو مشروع حلو حلو بـــــــــــــــــــــــــــــس بهالوضع .. أبداً ماجذاب ;) |
| الساعة الآن 06:40 PM. |
Powered by vBulletin® Copyright ©2000 - 2025, Jelsoft Enterprises Ltd.
TranZ By Almuhajir
جميع الحقوق محفوظة syria-stocks