|
شباب بدي منكن نصيحة انا مبتدأ
يا شباب انا مبتدأ واشتريت بجلسة 8-7-2010
252 سهم من المجموعة المتحدة ug بس من يلي عم شوفو انو ممكن تنزل سعروا كتير بالايام الجاية بدي منكن نصيحة بخلين ولا بيعن منتظر ردودك ومشكورين سلف |
نصيحة اخرج منه باسرع وقت وادخل بالدولي للتمويل او المهجر
|
ليش الدولي او المهجر
|
المجموعة المتحدة استفسار ارجو المساعدة من الشباب
انا اشتريت 252 سهم من المجموعة المتحدة يوم الخميس 8-7-2010
وهلئ عم شوف مشاركات بالمنتدى بموضوع زيادة راس المال وتوزيع اسهم مجانية هل انا مشمول بهذا التعديل والاسهم المجانية بتمنى من الشباب يساعدوني ويئلولي شو وضعي تماما وبحتفظ بالاسهم ولا ببيعن ومشكوين ياشباب سلف |
اقتباس:
تحية طيبة .... المفروض انك عارف شو عبتشتري وليش اشتريت ... اذا اشتريت منشان تربح فيهم وتبيع ... السعر حاليا غالي كثير كثير كثير وأذا كنت ما بتعرف في زيادة راس مال مجانية بنسبة 50 % اقرت في الهيئة العامة غير العادية للشركة ونحن حاليا بأنتظار قرار مجلس مفوضي هيئة الاوراق والاسواق المالية باقرار هذه الزيادة وبعدها بنحوا 15 يوم او 14 يوم وبيكون حامل السهم بنهاية اليوم ال 14 هو من يحق له الاسهم المجانية وطبعا سينخفض سعر السهم عندها ... فيجب ان تعرف ما انت فاعل فأذا كنت خلقك ضيق اربح 2-4% وبيعهم وأذا كان خلقك طويل اصبر ان الله مع الصابرين .اذا بقي السعر 618 ليرة يوم الزيادة فسوف ينزل السعر بعد اقرار الزيادة الى 618 +618=1236 تقسيم 3=412 ليرة وبعدها الله اعلم سينزل السعر ام يرتفع وعندها تتصرف او قبل الزيادة تتصرف والله اعلم ...؟؟؟؟ الخلاصة : اذا احتفظت بالاسهم حتى اليوم ال14 بعد قرار الهيئة تستحق الزيادة وهي 126 سهم ولكن كل اسهمك ستنزل قيمتها الى 412 ليرة للسهم الواحد اذا بقي السعر 618 ليرة ... اما تبيع الاسهم او تحتفظ بهم .. ان شراؤك للاسهم خاطئ من اساسه اذا لم تكن تعلم بزيادة راس المال فانت تأخذ القرار المناسب لك . |
تحياتي أخي غالب
وأود شكرك على هذا النشاط الذي تقوم به وعلى إجاباتك الصادقة التي تبغي من خلالها فائدة جميع المشاركين وصغار المستثمرين بالنسبة للمجموعة المتحدة فأؤيدك بما قلته ولكن أنا بعت كل أسهمي فيها لأني حققت ربحاً جيداً (أكثر من 100ليرة بالسهم بفترة شهر)ولم أنتظر الزيادة . |
اقتباس:
تحية طيبة .... بعت اسهمك الف مبروك المهم انك مقتنع بما فعلت .... اما النشاط فوالله استمد القوة والنشاط منكم ونتمنى الفائدة لجميع اعضاء المنتدى . |
اقتباس:
|
أخي الكريم إذا كنت متوقع تشتري السهم وثاني يوم يطلع سعرو وتربح فيه , بنصحك تبتعد عن هالمجال, الموضوع بدو صبر والخروج من الصفقة أهم بكتير من الدخول فيها , لازم تختار الوقت الصحيح الي تبيع في .
انتظر على أسهمك وأنشالله بكون فيها فائدة, ( وجهة نظر ويمكن تكون خاطئة ) مع تمنياتي بالتوفيق شوقي |
أخي العزيز، بالإضافة إلى الرأي الصائب للأخ العزيز شوقي، أحب أن أنبهك إلى أن الأخ غالب سبق وأن رد على مشاركة مماثلة، والتي حدد لك فيها ما هو الوقت الأمثل للبيع والخروج من السهم، كان من الأفضل أن تسأل قبل أن تدخل في السهم، فكل الشباب الخبراء هنا سيفيدونك، وأخص بالذكر الأخر بروكر والأخ غالب والأخ جميل، طبعا والأخ سمير، لا أريد أن أنسى أحد، ولكنني خصصت لك مدراء الموقع لتسألهم النصيحة، وكلمات أخي شوقي جميلة جدا، عليك أن تعرف متى هو الخروج، على كل، الأسهم بحاجة لصبر، وطولة بال، لا يمكنك الشراء والربح خلال أسابيع، انت بحاجة لأشهر، لذلك، لا تلحق السهم السريع الارتفاع، لأنه سريع الانخفاض أيضا
إذا كان لديك فائض سيولة، اشتري الدولي للتجارة والتمويل وانتظر عليه 4 أو 5 أشهر، واستشر أصحاب الخبرة في هذا الموقع، وسبق وأشرت لك باسمائهم |
عزيزي سوف تجد ضالتك هنا
http://www.syria-stocks.com/forum/t2678.html المتحدة ليست مصنفة من قبلي لوجود مخاطر الخسارة بالسهم |
اقتباس:
انا ما بدي الربح السريع يعني على المدى الطويل ممكن 8 شهور يعني برايك بخلين وبنتظر الزيادة ولا ببيعن احسن |
اقتباس:
اخي العزيز ... تحية طيبة ... على المدى الطويل انا لا انصحك ابدا تضل بهذا السهم ابحث عن اخرى مثلا الاهلية للنقل سهم ممتاز وكذلك بنك التجارة والتمويل هذا السهم القيمة الاسمية 100 ليرة سعره 618 مخاطره كبيرة حتى بعد زيادة راس المال المجانية يصبح 412 ليرة كمان فرق كبير بين راس المال الاسمي وسعر السهم بالسوق انصحك بالنقل او الزيوت او التجارة والتمويل او سورية والمهجر او عودة او بيمو حسب التسلسل والله اعلم اقتنع انت بنفسك وتقدم واختار وتحمل مسؤولية قرارك . |
اقتباس:
|
جواب
اقتباس:
|
اقتباس:
وهي الشركة رح يصير فيها مثل بنك سوريا والمهجر بعد تعديل السعر رح تنخفض قيمة السهم وما رح تطلع للـ 600 ل.س هاد رأي الشخصي |
كلام جميع الأخوة سليم
يعني انت عم تشتري بسعر 600 ل.س مستقبل الشركة لعشرين سنة (على الأقل) إذا ضلت محافظة على نفس نسبة الأرباح وهاد امر خطير |
القوة صراحة في سهمي البنك الدولي للتجارة والتمويل وبنك قطر
وبالتوفيق للكل وأنا مع الأخ iass في رأيه ولكل واحد رأي وبالأخير كل ذلك توفيق من الله إلك رزقة بدك تاكلها ولا تخاف |
اقتباس:
هل تقصد قوة ارباح البنك ام قوة ارباح السهم لأن الاخيرة اصبحت مدنية جدا بالمقارنة مع السعر السوقي ام انك تقصد القيمة الدفترية التي تدهورت بعد زيادة رأس المال. منحاول اننا ننشر الوعي ولكن لا فائدة |
أخي الكريم أهلا بك ... ادخل المتابعة اليومية للسوق وتابع ساحة التحليل الفني والاساسي لكي تأخذ القرار الصحيح بإذن الله في بيعك وشرائك اليك رابط جلسة بكرة : ناقش استشر وفكر ثم قرر http://www.syria-stocks.com/forum/t2763.html من جهة شرائك للسهم بسعر 615 ل.س . سعر الدخول مرتفع ولا يوجد مؤشرات تبرهن عن ان السعر سوف يصل لنقطة اعلى وكنا في المتابعات السابقة نقول لاصحاب السهم الا يأخذهم الطمع ويبيعوا في أقل ربح ممكن الربح ... فقط لحركة السهم الأخيرة اتجاه الاعلى .. والآن أقول لك حاول البيع باقل ربح ممكن وان شاء الله لن تخرج من السهم خاسرا فسعره المرجعي لجلسة الاحد 10-7 هو : 615.33 ل.س . اعرض على أعلى سعر للجلسة وفي حال كان الطلب قليل اعرض على سعر السوق ولن تكون خاسر ان شاء الله ... ولا تبيع بخسارة وفي متابعة الغد كن معنا لنراقب الحركة ... تحياتي |
يلي بيشتري سهم اليوجي متل يلي بيشتري سمك بالماء
صح انو عليه طلب بس الطلب كتير قليل واذا اخدت القيمه يمكن ما يغطو 100 سهم عوده وبعدين شو هالشركه يلي صار سهمها 6 اضعاف بسنه ويلي حرك السهم زياده راس المال و اكتر ويمكن بكره يكبو الاسهم ومايلاقو حا يشيلها |
مجرد رأي وشخصي بحت
انا مابحبو لهاد السهم |
بعدين لاحظ التذبذب السعري بنفس الجلسه ممكن من سالب نقطتين الى موجب نقطتين لانو في حدا عم يدفشو لفوق .بس هي الحركه لها نهايه اكيد
|
ايمت رح يطلع قرار الهيئة تبع زيادة راس المال
|
اقتباس:
ولا بييع يلي عندي وشو بشتري اذا بعت انا ما مستعجل عل الربح يعني ممكن اصبر لحد 7 شهور تئريبا |
أخي طول بالك، اتصل بالشركة ممكن أن يخبروك
|
اقتباس:
لك شو بدك بوجعة هالراس ... روح اشتري اسهم ببنك الشام الاسلامي بسعر التكلفة 1000 ليرة وبعد 6 اشهر بتبيعها بالبورصة بسعر 1500 (نهاية السنة السهم سوف يدرج بالبورصة) بالتوفيق |
اقتباس:
|
تحياتي للجميع
انا رايي للي عندو اسهم بالشركة المتحدة ما يبيع هلأ لان اول ما يطلع قرار زيادة راس المال رح ترتفع قيمة السهم من جديد و رح يضل عم يطلع 14 يوم بعد الخبر في مستثمرين بالسوق ما بيعرفو بالموضوع كلو و بفرض امتلاك 100 سهم بعد التوزيع رح تحصل على 50 سهم اضافي بفرض اشتريت السهم بـ 610 رح يصير 406 بعد الزيادة 406 ضرب 150 = 60900 يعني رجعت لنفس القيمة اللي اشتريت فيها تقريبا بس بفرق انو معك 50 سهم زيادة بعدها رح ينخفض السهم لفترة معينة و يرجع يرتفع و اذا وصل للـ 450 رح تكون محقق ربح بكل سهم 44 ليرة 44 ضرب 150 = 6600 ليرة يعني ما يعادل 11% ارباح و القيمة هي ما رح يتاخر السهم حتى يوصلها لان سيولة السهم قوية و دائما عليه عرض و طلب |
اقتباس:
http://www.syria-stocks.com/forum/t886-5.html http://www.syria-stocks.com/forum/t2770.html |
اقتباس:
|
أخي الكريم ..
لا تشتري إلا بسعر 1000 وهو متوفر ... |
أخي الكريم ...
السعر في السوق هو 1000 ... لا تستعجل فهذا السعر متوفر ولا تشتري بأعلى منه ..:patch_no: |
اقتباس:
|
| الساعة الآن 12:25 PM. |
Powered by vBulletin® Copyright ©2000 - 2025, Jelsoft Enterprises Ltd.
TranZ By Almuhajir
جميع الحقوق محفوظة syria-stocks