الأسهم السورية ( المضارب السوري)

الأسهم السورية ( المضارب السوري) (https://syria-stocks.com/forum/index.php)
-   أسعار صرف الدولار مقابل الليرة السورية وسعر الذهب بالليرة (https://syria-stocks.com/forum/forumdisplay.php?f=56)
-   -   رؤية عالبلاطة لحركة الدولار (https://syria-stocks.com/forum/showthread.php?t=16017)

عابر مجيب 29-10-2013 07:25 AM
رد: صالة أسعار الدولار والذهب مقابل الليرة السورية ليوم الثلاثاء 29-10-2013
 
صباح الخير
لا اللي قاعد بحالو مرتاح ولا اللي عم يتشاطر ويحاول استشفاف الأخبار استفاد .
اللي مفكر انه عارف شو اللي عم يصير ، جمع أخبار من حقائق واشاعات كان القصد منها التضليل وطلع بتوليفة متناقضة . ومع كتر التفصيلات وتضاربها بتزداد الحيرة وبتكتر الأغلاط .
الطمع بيعمي العيون أحيانا ، وكتار من اللي ضاربوا واتحولوا بين ليرة ودولار وعقار وسيارات طلعوا بالنتيجة خسرانين ، وما حدا ربح غير الصرافين والسماسرة اللي همهم تطبيق البيعة لياخدوا عمولتهم وكان جهدهم منصب على التخويف والتهويل ، وما عندهم مشكلة مين ربح ومين خسر ، هنن أخدوا عمولتهم من راس الكوم .
المركزي لعبها صح ، المركزي لعبها غلط ، اليوم المركزي ترك السعر يرتفع ليبيع ويأمن رواتب ، بظن كل هاد مجرد تخمين ، إيمتى المركزي خفض السعر واشترى ، وايمتى رفع السعر وباع ، وإيمتى ضخ أوراق مطبوعة ، وإيمتى جمعوا الهوامير مدخولاتهم بالليرة السورية وحبوا يحولوها بإتفاق مع أصحاب القرار من شركاءهم أو أصدقاءهم ، كل هاد الناس عم نخمنو تخمين ، واللي ظبطت معو مرة ، فشلت مرات .
في السوق الغامض ما فينا نقول الحركة بركة ، الأفضل نقول الثبات نبات .
اللي متحوط بالعملة الصعبة أو الذهب ، ليش ليخاف ؟ اسوأ الأحوال بيرجع لرأسماله .
أما ارتفاع الأسعار فاللي متحوط كان ممكن ما يتضرر كتير ، هلأ صار متلو متل البقية ، ما بدها كل هالهلع .
اللي عم يخاف ويبيع احتياطاتو عم يضر حالو وعم يخرب على كل الصابرين .
في شي طريقة نركب عقل لواحد خاف وفقد المنطق والعقل ؟!

$ABOUD 29-10-2013 07:58 AM
رد: صالة أسعار الدولار والذهب مقابل الليرة السورية ليوم الثلاثاء 29-10-2013
 
عابــــــــــــــــــــــر مجيب .... نطقت الجوهرة التي كنت انتظرها واتمنى ان يقولها احدنا في المنتدى وفي كامل سوريا لما يحصل من اشاعات وتخويف ...
(في السوق الغامض ما فينا نقول الحركة بركة ، الأفضل نقول الثبات نبات ).

shereen 29-10-2013 08:44 AM
رد: صالة أسعار الدولار والذهب مقابل الليرة السورية ليوم الثلاثاء 29-10-2013
 
اقتباس:
المشاركة الأصلية كتبت بواسطة عابر مجيب (المشاركة 308772)
صباح الخير
لا اللي قاعد بحالو مرتاح ولا اللي عم يتشاطر ويحاول استشفاف الأخبار استفاد .
اللي مفكر انه عارف شو اللي عم يصير ، جمع أخبار من حقائق واشاعات كان القصد منها التضليل وطلع بتوليفة متناقضة . ومع كتر التفصيلات وتضاربها بتزداد الحيرة وبتكتر الأغلاط .
الطمع بيعمي العيون أحيانا ، وكتار من اللي ضاربوا واتحولوا بين ليرة ودولار وعقار وسيارات طلعوا بالنتيجة خسرانين ، وما حدا ربح غير الصرافين والسماسرة اللي همهم تطبيق البيعة لياخدوا عمولتهم وكان جهدهم منصب على التخويف والتهويل ، وما عندهم مشكلة مين ربح ومين خسر ، هنن أخدوا عمولتهم من راس الكوم .
المركزي لعبها صح ، المركزي لعبها غلط ، اليوم المركزي ترك السعر يرتفع ليبيع ويأمن رواتب ، بظن كل هاد مجرد تخمين ، إيمتى المركزي خفض السعر واشترى ، وايمتى رفع السعر وباع ، وإيمتى ضخ أوراق مطبوعة ، وإيمتى جمعوا الهوامير مدخولاتهم بالليرة السورية وحبوا يحولوها بإتفاق مع أصحاب القرار من شركاءهم أو أصدقاءهم ، كل هاد الناس عم نخمنو تخمين ، واللي ظبطت معو مرة ، فشلت مرات .
في السوق الغامض ما فينا نقول الحركة بركة ، الأفضل نقول الثبات نبات .
اللي متحوط بالعملة الصعبة أو الذهب ، ليش ليخاف ؟ اسوأ الأحوال بيرجع لرأسماله .
أما ارتفاع الأسعار فاللي متحوط كان ممكن ما يتضرر كتير ، هلأ صار متلو متل البقية ، ما بدها كل هالهلع .
اللي عم يخاف ويبيع احتياطاتو عم يضر حالو وعم يخرب على كل الصابرين .
في شي طريقة نركب عقل لواحد خاف وفقد المنطق والعقل ؟!
كلام ممتاز اخي عابر بس الناس ضاجت وماعاد تهدا يعني اللي شاري على 250 شو يعمل بحالو عم نضل نحكي انو طولو بالكم بيجي واحد بيقول اي المركزي بطل نزلها من 330 لل 160 يعني النص تقريبا فهوة قادر ينزل لل 100 عاول السنة هداك اليوم عنا زميلنا بالمكتب لح تجيه الجلطة شاري ب 240 شي 30 الف دولار لك ماكان يهدا بعدين قلتلو ركاب سيارتك وروح قريب من صالاات حرستا تبع السيارات فبعد مارجع وشاف الدمار بعينو قللي هادا لازم يكون ب 500 واكتروالبيوت لازم تكون اسعارها بالارضي فقللي احسن شي بيع بيتي ومالح بيع دولاراتي بالرخيص هي لعبة ولح بتنكشف قريبا فشو رايكم

expert 29-10-2013 08:45 AM
رد: صالة أسعار الدولار والذهب مقابل الليرة السورية ليوم الثلاثاء 29-10-2013
 
اتمنى صباح امان وسعادة
وتحية للاستاذ عابر مجيب
يللي جاب الموضوع على بلاطة
وحط النقط على الحروف بدون فلسفة وبدون تعقيدات
ابسط من هيك وافيد من هيك ما بتلاقي

حمصي مع سبق الاصرار 29-10-2013 10:37 AM
رد: صالة أسعار الدولار والذهب مقابل الليرة السورية ليوم الثلاثاء 29-10-2013
 
اقتباس:
المشاركة الأصلية كتبت بواسطة عابر مجيب (المشاركة 308772)
صباح الخير
لا اللي قاعد بحالو مرتاح ولا اللي عم يتشاطر ويحاول استشفاف الأخبار استفاد .
اللي مفكر انه عارف شو اللي عم يصير ، جمع أخبار من حقائق واشاعات كان القصد منها التضليل وطلع بتوليفة متناقضة . ومع كتر التفصيلات وتضاربها بتزداد الحيرة وبتكتر الأغلاط .
الطمع بيعمي العيون أحيانا ، وكتار من اللي ضاربوا واتحولوا بين ليرة ودولار وعقار وسيارات طلعوا بالنتيجة خسرانين ، وما حدا ربح غير الصرافين والسماسرة اللي همهم تطبيق البيعة لياخدوا عمولتهم وكان جهدهم منصب على التخويف والتهويل ، وما عندهم مشكلة مين ربح ومين خسر ، هنن أخدوا عمولتهم من راس الكوم .
المركزي لعبها صح ، المركزي لعبها غلط ، اليوم المركزي ترك السعر يرتفع ليبيع ويأمن رواتب ، بظن كل هاد مجرد تخمين ، إيمتى المركزي خفض السعر واشترى ، وايمتى رفع السعر وباع ، وإيمتى ضخ أوراق مطبوعة ، وإيمتى جمعوا الهوامير مدخولاتهم بالليرة السورية وحبوا يحولوها بإتفاق مع أصحاب القرار من شركاءهم أو أصدقاءهم ، كل هاد الناس عم نخمنو تخمين ، واللي ظبطت معو مرة ، فشلت مرات .
في السوق الغامض ما فينا نقول الحركة بركة ، الأفضل نقول الثبات نبات .
اللي متحوط بالعملة الصعبة أو الذهب ، ليش ليخاف ؟ اسوأ الأحوال بيرجع لرأسماله .
أما ارتفاع الأسعار فاللي متحوط كان ممكن ما يتضرر كتير ، هلأ صار متلو متل البقية ، ما بدها كل هالهلع .
اللي عم يخاف ويبيع احتياطاتو عم يضر حالو وعم يخرب على كل الصابرين .
في شي طريقة نركب عقل لواحد خاف وفقد المنطق والعقل ؟!
صباح الخير استاذ عابر
شكرا لانك دوما تجسد صوت العقل و الحكمة
لا اظن من سيزيد و لكن راي مخالف بانه لن يخرب الا على مقدراته و لن يطال الصابرين
يوما طيبا اتمناه لك

Ryad 29-10-2013 11:01 AM
رد: صالة أسعار الدولار والذهب مقابل الليرة السورية ليوم الثلاثاء 29-10-2013
 
اقتباس:
المشاركة الأصلية كتبت بواسطة عابر مجيب (المشاركة 308772)
صباح الخير
لا اللي قاعد بحالو مرتاح ولا اللي عم يتشاطر ويحاول استشفاف الأخبار استفاد .
اللي مفكر انه عارف شو اللي عم يصير ، جمع أخبار من حقائق واشاعات كان القصد منها التضليل وطلع بتوليفة متناقضة . ومع كتر التفصيلات وتضاربها بتزداد الحيرة وبتكتر الأغلاط .
الطمع بيعمي العيون أحيانا ، وكتار من اللي ضاربوا واتحولوا بين ليرة ودولار وعقار وسيارات طلعوا بالنتيجة خسرانين ، وما حدا ربح غير الصرافين والسماسرة اللي همهم تطبيق البيعة لياخدوا عمولتهم وكان جهدهم منصب على التخويف والتهويل ، وما عندهم مشكلة مين ربح ومين خسر ، هنن أخدوا عمولتهم من راس الكوم .
المركزي لعبها صح ، المركزي لعبها غلط ، اليوم المركزي ترك السعر يرتفع ليبيع ويأمن رواتب ، بظن كل هاد مجرد تخمين ، إيمتى المركزي خفض السعر واشترى ، وايمتى رفع السعر وباع ، وإيمتى ضخ أوراق مطبوعة ، وإيمتى جمعوا الهوامير مدخولاتهم بالليرة السورية وحبوا يحولوها بإتفاق مع أصحاب القرار من شركاءهم أو أصدقاءهم ، كل هاد الناس عم نخمنو تخمين ، واللي ظبطت معو مرة ، فشلت مرات .
في السوق الغامض ما فينا نقول الحركة بركة ، الأفضل نقول الثبات نبات .
اللي متحوط بالعملة الصعبة أو الذهب ، ليش ليخاف ؟ اسوأ الأحوال بيرجع لرأسماله .
أما ارتفاع الأسعار فاللي متحوط كان ممكن ما يتضرر كتير ، هلأ صار متلو متل البقية ، ما بدها كل هالهلع .
اللي عم يخاف ويبيع احتياطاتو عم يضر حالو وعم يخرب على كل الصابرين .
في شي طريقة نركب عقل لواحد خاف وفقد المنطق والعقل ؟!
ازا في شي بالمنتدى بيسموه تعليق اليوم المميز
فهو بلا شك هادا التعليق

عابر مجيب 29-10-2013 11:19 AM
رد: صالة أسعار الدولار والذهب مقابل الليرة السورية ليوم الثلاثاء 29-10-2013
 
كمان صباح الخير يلا تبحبحوا هههههههههه

المشكلة نحنا بنكتب على المكشوف وما عنا شي نخبيه ، المركزي على الهسي، بس فجأة بيزلق وبينكشف ، على كل حال مابيوقع إلا الشاطر .
شو كان بدو بها القرار الجديد، يعني غص بالكم واحد اللي ما عندهم حدا غير اخواتهم يشترولهم؟!
هيك كشف عجزو ، مو على اساس فاجر وقادر وعم يهدد ويتوعد ، وعندو ملاءة وبيقدر يغطي المطلوب !
احترنا يا قرعة من فين بدنا نبوسك . بس بيكفي كشفنا قرعتك ، تبوسك زلقطة انشاء الله .

Ryad 29-10-2013 11:27 AM
رد: صالة أسعار الدولار والذهب مقابل الليرة السورية ليوم الثلاثاء 29-10-2013
 
اقتباس:
المشاركة الأصلية كتبت بواسطة عابر مجيب (المشاركة 308788)
كمان صباح الخير يلا تبحبحوا هههههههههه

المشكلة نحنا بنكتب على المكشوف وما عنا شي نخبيه ، المركزي على الهسي، بس فجأة بيزلق وبينكشف ، على كل حال مابيوقع إلا الشاطر .
شو كان بدو بها القرار الجديد، يعني غص بالكم واحد اللي ما عندهم حدا غير اخواتهم يشترولهم؟!
هيك كشف عجزو ، مو على اساس فاجر وقادر وعم يهدد ويتوعد ، وعندو ملاءة وبيقدر يغطي المطلوب !
احترنا يا قرعة من فين بدنا نبوسك . بس بيكفي كشفنا قرعتك ، تبوسك زلقطة انشاء الله .
يا سيدي المركزي كل هدفو بالمرحلة السابقة أنو يضوّع العالم و ما يخليون يعرفو شو بدون يعملو
هاد سبب من اسباب هبوط اسعار الدولار
بس هي اللعبة بتفقد أهميتا وقت كل العالم تعرف شو الهدف منا
هاد المركزي هيك بيعمل
يعني واضح واضح واضح انو المركزي مزعوج من الأخوة يلي بيشترو لبعض دولار من شركات الصرافة
و واضح واضح واضح انون مانون قلال و مشان هيك سفقون قرار من جنابو

و بلمحة صغيرة انا بشوف انو المركزي ماااااااااا بدو ينزل الدولار
سعر الدولار بالموازنة 170
واضح انو القرار بيوضح انو هالعالم معا سوري و عم تقلب دولار و رح تضل عم تقلب دولار حتى لو من السوق السودا

يعني بمعادلة صغيرة ازا القرار رح يستهدف 5000 شخص و هدول كل واحد منون عم يشتروا 1000$ بالشهر غير يلي من السودا
معناتا رح يزيد الطلب 5.000.000$ شهرياً غير سياسة القطيع

ابن البلد البار 29-10-2013 12:13 PM
رد: صالة أسعار الدولار والذهب مقابل الليرة السورية ليوم الثلاثاء 29-10-2013
 
اقتباس:
المشاركة الأصلية كتبت بواسطة عابر مجيب (المشاركة 308788)
كمان صباح الخير يلا تبحبحوا هههههههههه

المشكلة نحنا بنكتب على المكشوف وما عنا شي نخبيه ، المركزي على الهسي، بس فجأة بيزلق وبينكشف ، على كل حال مابيوقع إلا الشاطر .
شو كان بدو بها القرار الجديد، يعني غص بالكم واحد اللي ما عندهم حدا غير اخواتهم يشترولهم؟!
هيك كشف عجزو ، مو على اساس فاجر وقادر وعم يهدد ويتوعد ، وعندو ملاءة وبيقدر يغطي المطلوب !
احترنا يا قرعة من فين بدنا نبوسك . بس بيكفي كشفنا قرعتك ، تبوسك زلقطة انشاء الله .
صباح الخير للجميع
يلي بدو يشتغل ما في داع يحكي لأن يلي بيحكي كتير بيغلط أكتر
ومشكلة المركزي أنو مفكر حالو هو يلي عم يرفع قيمة العملة أو عالأقل اللاعب الوحيد
وهون أخدتو نشوة النصر فرجع لعادتو القديمة وهي الكركرة والحكي وهون انكشف أنو بيسئ ما بينفع.
ما في مجال يتغير طالما نفس الموظفين وعندكم المسطرة يلي داخله بالمنتدى هون وعاملي حالها ذكية .

مجد 29-10-2013 08:41 PM
رد: رؤية عالبلاطة لحركة الدولار
 
موضوع شيق اخي عابر كثيرين يعرفون الحقيقة

ولكن قلة من الناس من يتكلم عنها .وقصة الدولار

وسعره هي بالحقيقة لا تفرق عن قصص التسجيل

على سيارت سياحية بالثماننينيات وبعدها التسجيل

على سيارات البيك اب وقصة شركة راني يمكن للشباب

عن يسالوا اهاليهم كيف تبخرت مدخرات الكثيرمن

السوريين بلمحة بصر .

ابو مالك 30-10-2013 12:35 AM
رد: رؤية عالبلاطة لحركة الدولار
 
شكرا جزيلا استاذ عابر على الكلام المفيد الواضح

expert 30-10-2013 08:26 AM
رد: رؤية عالبلاطة لحركة الدولار
 
الشكر الجزيل لمن قام بنقل وتجميع المشاركات ضمن موضوع مختصر ومبسط

مجد 30-10-2013 09:40 AM
رد: رؤية عالبلاطة لحركة الدولار
 
الف شكر لاخونا عابر

ولكل من يقول جملة حق وان لم يستطيع فكلمة تكفي وان لم يستطيع فحرف

واحد يكفي من باب اننا شاركنا بالنقض البناء .وربما نكون شاركنا بتدمير

بلدنا بصمتنا .


عن أبي سعيد الخدري قال : سمعت رسول الله صلى الله عليه وسلم يقول :

من رأى منكم منكرا فليغيره بيده ،فإن لم يستطع فبلسانه ، فإن لم يستطع فبقلبه ،

وذلك أضعف الإيمان .

رواه مسلم .

عابر مجيب 30-10-2013 10:35 AM
رد: رؤية عالبلاطة لحركة الدولار
 
والله خجلتوني وما كنت شايف الموضوع بها الأهمية
كنت عم لوم نفسي وقول اديشو استاذنا رامي صدرو رحب اللي مستحملني ، بالوقت اللي عم روج لعكس سياسة المنتدى ، إذا المنتدى أصلا قائم على المضاربة ، لأ وشو عم حارب المضاربة وقول ياجماعة هدوا اللعب .
يمكن لأنو واضح انعدام مصلحتي الشخصية ، أو ربما مفهوم ان اللي عم اطلبو هوه بس في حال الغموض وفوضى الأسعار وانعدام المعلومات الأكيدة ، ومنشان ما نوقع بمصيدة الاشاعات .
طبعا الأصل بالموقع هو رديف لسوق الأوراق المالية ، الله يجعلو سوق .
والمضاربة بالليرة والعملات الصعبة لحفظ المدخرات هي شيء طارئ على الجميع .
بسجل تحية للأستاذ رامي بصرف النظر عن دوافعو ، اللي ممكن تكون من باب الديمقراطية وحرية الرأي ، بس من تحت لتحت بعرف انو من تحت الطاولة في محبة متبادلة .
وتحية لكل مين بيقراني صح وبيفهم اني مع كل سوريا والسوريين الله يحمي الجميع .


الساعة الآن 11:57 AM.

Powered by vBulletin® Copyright ©2000 - 2025, Jelsoft Enterprises Ltd. TranZ By Almuhajir
جميع الحقوق محفوظة syria-stocks

This Forum used Arshfny Mod by islam servant