|
صالة أسعار صرف الدولار وباقي العملات مقابل الليرة السورية ليوم الاثنين 24-6-2013
|
http://im31.gulfup.com/M03T6.jpg أسعار الإغلاق للدولار مقابل الليرة السورية شراء : 188 مبيع : 191 هذا لا يمنع وجود حالات لبيع و شراء بأسعار أقل أو أكثر من ذلك |
يمنع منعا باتا بيع البطاطا و تحت طائلة تنفيذ أقسى العقوبات و كل من يضع رقم موبايل أو ايميل لاتمام التجارة ....سوف يعاقب بالحبس مدة 1913 سنة تيمنا بتاريخ انعقاد مؤتمر باريس |
أهم الأحداث التي تؤثر على سعر الصرف من الناحية السلبية : 1-تسليح المعارض بصواريخ مضادة للدروع و الطائرات 2-زيادة سعر المازوت و ترقب زيادة شبه أكيدة للبنزين 3- زيادة الرواتب و بالتالي زيادة الكتلة النقدية المتداولة بالعملة السورية |
أهم المؤثرات على سعر الصرف من الناحية الايجابية : الظهور العلني السريع للسيد أديب ميالة حاكم مصرف سوريا المركزي و التأكيد على استمرار قرار بيع القطع الأجنبي للمواطنين بسعر 233.5تقريبا +عمولة 2% و نفيه اشاعة الحبس 13 عام لمن يتعامل بالدولار ... ---------------------------- ننصح السيد أديب ميالة بنقل مكتبه الى مبنى التلفزيون السوري ...ما دامت حلوله الى الآن تعتمد على الناحية الاعلامية أحسن ما يتموا مشنطط على الطرقات .... بين التلفزيون و الجرايد و المركزي... |
القفزة الكبيرة بسعر الصرف ليوم الأحد كان مردها الأساسي الى اشاعة انتشرت كالنار في الهشيم عن قرار بحبس من يتعامل بالدولار ... الأمر الذي نفاه السيد أديب ميالة .. اضافة الى تلكؤ البنك المركزي في ضخ للعملة اليورو في أول يوم دوام في الاسبوع.. وعلى ذمته تأخر ...بيروقراطي روتيني .... |
الاخوة الأكارم .... ركزوا معنا على نقل سعر الدولار و أية معلومات مفيدة و لنبتعد عن التوقعات الجزافية..... و ما بيضر شي كلمة حلوة ..و مداخلة لطيفة .... بس بلا ما توجعولي راسي ها ... ترى معي دفتر مخالفات جديد ... و رفعت مقدار المخالفة بمناسبة زيادة الرواتب و صرت سعر المخالفة بالدولار كمانة ..... |
مسا الخير الف شكر استاذ لقمان للافتتاح الدمث نرجو من الاخوة بالشام يحطونا بالصورة الفعلية لعملية بيع اليور وش اجرءتها ومدى صعوباتها |
حاكم مصرف سورية المركزي ينفي إشاعة منع التعامل بغير العملة السورية
تاريخ المقال: 2013-06-23 الاقتصادي – وكالات: نفى حاكم مصرف سورية المركزي أديب ميالة ما أشيع أمس عن صدور قانون يمنع التداول بغير الليرة السورية، ويعاقب كل من يتعامل بغير الليرة السورية بالسجن 13 عاماً. واوضح ميالة لوكالة "سانا" الرسمية للأنباء، أن القوانين والأنظمة السارية حاليا تسمح بشراء القطع الأجنبي للغايات التجارية وغير التجارية، وفقاً للضوابط المحددة من قبل المصرف المركزي، وتعاقب الصرافين المتعاملين بالسوق غير النظامية والذين يقومون بالمضاربة على الليرة السورية وامتهان التلاعب بسعر الصرف بهدف تحقيق بعض المكاسب غير المشروعة. واعتبر حاكم مصرف سورية المركزي، أن إشاعة مثل هذه الأمور إنما هو بهدف تفشيل عملية التدخل التي يقوم بها المصرف المركزي لضبط سعر صرف الليرة السورية، والذي شهد تجاوباً ملحوظا خلال الأيام القليلة الماضية مع إجراءات المصرف المركزي المتخذة والرامية إلى تمويل الطلب التجاري عن طريق المصارف العاملة، وتمويل الطلب غير التجاري عن طريق المصرف التجاري السوري ومؤسسات الصرافة المرخصة. وأكد ميالة إلى أن عملية التدخل في السوق لا تزال قائمة لضبط سعر الصرف مطمئنا أن المصارف ومؤسسات الصرافة ستستمر بتمويل الطلب على القطع الأجنبي. وأدت هذه الاشاعة إلى عودة الدولار للارتفاع في السوق السوداء أمام الليرة السورية بمقدار حوالي خمس ليرات سورية، بين الأمس واليوم. |
افتتاحية مباركة وتحية وشكر كبير للأخ ابو حكيم على الافتتاحية الحلوة
|
السلام عليكم ورحمة الله وبركاته مشكور أخي الكريم لقماان العزيز على الافتتاحية المميزة دائماً واللهم أسألك في هذه الليلة الفضيلة أن تجمعني بأخي لقمان في حمص وفي الجنة الله ييسرلي الرجعة على حمص على أهون سبب لأني بصراحة رح اكره الشام من ورا كام واحد ما علينا بارك الله لكم ليلة النصف من شعبان |
تحياتي للجميع
تحياتيي للجميع و خاصة ل لقمان و انشالله افتتاح يوم جديد مبارك علينا و عليكم
|
طلب
يا ريت لو حدا من المشرفين أو الأعضاء القدماء يعطينا ولو توقع (توقع ما منحاسبك عليه) اذا كان بكرا حينزل شوي (على فرض انو الارتفاع كان بسبب الاشاعة تبع 1913 سنة حبس مع حماتو للصراف).
و شكراَ سلفاَ |
مسا الورد |
احلى افتتاحية للأخ ابو حكيم ودمت بخير أنت و كل أعضاء منتدانا الغالي |
اقتباس:
ليش حدا بيسترجي يوجعلك راسك أبو حكيم بس أنو المخالفة بالدولار ماعجبتني هاي |
مشاركاتي اليوم
مشاركاتي اليوم ما عبتبين لا ب 23-6 و لا ب 24-6
مع انو بس عبمسي عالطيبين. |
Gold : 1296.38 EURUSD : 1.3124 ---------------------------------- السوق لم يفتتح بعد |
اقتباس:
أفتتاحية مباركة أخي أبو حكيم مع الشكر على التحليلات والتوقعات سؤال بشأن البوست المقتبس ؟؟؟! الإشاعة طلعت عن قرار بحبس من يتعامل بالدولار .. طيب المفروض يكون في بالسوق عرض كبير من الدولار ( كب دولار ) وهاد الشي بينزل سعر الدولار ما بيرفعوا !!! .. صح ولا أنا ما فهمان الموضوع صح ؟؟!! ياريت التوضيح |
عندما كان يسألنا أحد في سوريا عن صحتنا،كنا نقول مثل الليرة أي أنها عال العال.
أما اليوم فإذا قلت مثل الليرة، يعني أنك تعاني من فالج :) فيصل قاسم |
انا يلي شايفه انو عمو ميالة .. رح يضل يطالع وينزل بهالدولار كمضارب وليس كمركزي .. بغية تحقيق ارباح لتغطية زيادة الرواتب .. وسحب اموال هالشعب .. يعني هالفترة الطلعات والنزلات رح نلاقيها كترانة وبدون سبب مقنع .. الشاطر يلي بيلحق حاله .. ويلي مو مضطر يلعب هاللعبة الوسخة يضب دولاراته تحت المخدة وينام لان . مجرد رأي |
افتتاحية مباركة للأخ لقمان
أتمنى من لقمان مخالفة الدولار فقد اجتاز السرعة المسموحة واصبحت قيادته فيها الكثير من الرعونة |
افيدونا بخبراتكم
http://www.syria-stocks.com/forum/sh...ad.php?t=14633 |
اقتباس:
أبو حكيم بخالف بني آدمين بالدولار مو بخالف الدولار بالدولار |
والله يا ابو حكيم ما حدا بيغلبك
الله يديم عليك هالروح المرحة ملاحظة : الموقع فيه فايروس عم يطمس سعر الدولار بأول الصفحة من خلال دفعه للأسفل ويتم ظهور روابط اعلانية وبعضها يحمل اسماء خلاعية ، همتكم شباب الآي تي ممكن ارضاء المقرصنين بخفض سعر الدولار لأن هنن مفكرين هيك بيتخربط السوق وبينزل سعر الدولار على اساس نحنا هوامير السوق ونحنا اللي بنقرر وبنوجه حبيباتي اللي عم يلعب بالسوق مابيستعمل كومبيوتر ويمكن ما بيعرف لا يقرأ ولا يكتب وعمرو ما استعمل آله حاسبة ، بيحسبها على الطاير . شورأيكم اللي ما بيجي معك تعا معو بنحط سعر انقص من السوق بخمسين ليرة ، وكل واحد منا بيشوف السعر وبيضيف عليه خمسين . مثلا أقفل سعر الدولار اليوم 138 شراء 143 بيع حتي نفسيا أحلى . ينصح علماء البرمجة اللغوية العصبيه السعدان ، انو ينظر بالمرآة ، ويقول يالله ما أحلاني ، ومعو معو بيصير غزال . |
طبعا زر الشكر تعدموه اذا مبين
عم تابع مع إحساس بالإعاقة |
أفتتاحية حلوة باين بكره على هل الافتتاحية والمخالفات بدو ينزل الدولار شي 190 ليرة ليصير شي خمس ليرات
|
مسا الخير و الف شكر لأبو حكيم على افتتاح المتابعة ... |
مسالخير للجميع
افتتاحية مباركة أخ أبو حكيم |
اقتباس:
|
اقتباس:
لم أر خلال مراقبتي لسعر صرف الدولار اليوم أي مشكلة في الأرقام فوق.. كما أن زر الشكر كما يبدو موجود عند بقية الأعضاء فهم يستعملونه في شكرك وشكر الآخرين .. وللأسف هو غير موجود عندي بعد لأني من صغار الكسبة :confused2:.. تحياتي لك كهامور من هوامير هذا المنتدى Big Grin |
اقتباس:
أخ عابر مجيب تحية .. انت عم تعاني من ads بالمتصفح أو بالعربي الإعلانات المزعجة بالصفحة واللي عم تخربطلك الصفحة وتضيع الزرار والفئسات وسعر الدولار .. الحل انك تنزل متصفح google chrome أو firefox مع إضافة adblock وان شاء الله بتدعيلي |
اليوم اشتريت 600 $ عالــ 192 من مضارب عادي مو صراف ئبل ما اشتري سألت واحد طلب 198 و التاني طلب 197 التالت طلب 200 الرابع طلب 194 و أخيرا الخامس ظبط معنا عالــ 192 ... طبعا ما ذكر أعلاه تم في حمص من بعد العصر على الرغم من انو السعر كان عالمنتدى هون 191 للمبيع |
حابب افهم بس شكلي غشيم مو بايدي
كتب وزير الاقتصاد السابق "نضال الشعار"
لا بد من التعليق على موضوع زيادة الرواتب، على الأقل بشكلٍ جزئي.. 1- كان يجب أن تأتي هذه الزيادة منذ 9 أشهر استباقاً لإنخفاض سعر الصرف الذي كان يجب أن يكون متوقعاً. 2- من الطبيعي أن يكون لهذه الزيادة تأثيراً على مستوى الأسعار ارتفاعاً لأنها تضع مجمل الطلب في مستوىً أعلى بإتجاه السعر مقابلةً مع العرض ،هذا في الحالة العادية و لكننا نعلم بأن مستوى الطلب انخفض في الفترة الأخيرة مع ثبات العرض و لكن الجشع و الاستغلال منع ذلك من الظهور في المستوى العام للأسعار.. 3- ستسهم هذه الزيادة بشكل نسبي و مؤقت في تحسين الوضع المعيشي و لكن ذلك لن يدوم طويلاً لأن التوقعات بارتفاعات الأسعار ستجعل ذلك أمراً واقعاً و بذلك ستسهم التوقعات وهي أحد العوامل الأساسية في تحديد الأسعار في تحييد و تقليص أثر هذه الزيادة في الرواتب. 4- لن تؤثر هذه الزيادة بشكل مباشر على سعر صرف الليرة السورية إذ أن ذلك تحكمه عوامل الثقة و الأمان. 5- أنا مع زيادة الرواتب و مع أي تعويض نسبي في مستوى معيشة المواطن الذي يعتمد على العملة المحلية في إدارة أموره المعيشية. 6- لابد من تعويض المواطن بطريقة أو أخرى و إلا سينتفي سبب استمرار هذا المواطن بالتعامل مع الدولة و مؤسساتها. نحن هنا نتكلم عن الدولة و الدولة فقط. 7-لا يمكن أن تستمر الدولة في رفع الرواتب وإلا ستدخل في حلقة مفرغة. 8- من أجل الحفاظ على الدولة و كيانها يجب أن تفكر الدولة بطرق عينية للحفاظ على المستوى المعيشي للموظف. 9- موظف الدولة حالياً هو العماد الأساسي لمنع تحول سورية إلى دولة فاشلة. 10- يجب اعتماد نظام الكوبونات لموظفي الدولة للحفاظ على مستوى معيشي مقبول. 11- قد يكون ذلك مجحفاً لعاملي القطاع الخاص وهذا واقع و أنا أقر به. 12- الحفاظ على كيان الدولة حالياً هو الأهم. ؟؟ انا يلي بدي افهمو هالدرر وين كانت مخباية لما كان بمنصبو يعني بكرا بس يطلع وصي الدولار من مركزو بصير يتحفنا بالدرر ولي كان ميقول عنو وهمي بصير يقول عنو حقيقي والليرة وضعا سيئ لدرجة هوامير السوق السودا بصيرو يخخففوا ويقلولو اي طول بالك يازلمة الليرة مو وضعا سيئ للهدرجة؟؟؟؟؟؟ |
مساء الخير جميعا
حماه اغلاق 193 ----- 195 بناء على ...... وبما أن....... فسيكون سعر الدولار ..........وبشدة ( هي كرمال ما اتخالف من ابو حكيم ) |
اليوم كان في زبون بدو تذكرة بـ 460
سألت الغليظ اللي جنبي قال 143 ;) وأنا راجع سألني جاره شو الأخبار ؟ قلتلو بالمنتدى السعر أقل وهاد مزودها قال كذاب لاترد عليه هلأ سألت ليكو 136 ، شو تثبت ؟ قلتلو بشوف الزبون اتصلت بالمكتب قال موافق خليهم 500 اتصل صاحبنا ليثبت ، وعلى الهاتف شو ؟ ليش ؟ قفل السماعة قال بدو 141 رجعت سألت الزبون ، قال موافق قلتلو قبلنا اتصل وبعدين راح لعند اللي كان عم يقول عليه كذاب قال هداك ما بقى بدو يبيع وهاد قال ماشي بس للمسا سبيتو وسبيت جارو وقلتهم الحق عليي ، واحدكم شواربو نص وشو ، عيب رجعت للزبون قلتلو دبر دولار وتعا ، انا ما قدرت اعملك شي . راح تدين دولار من صديقو ورجع بعد ساعتين وبناء عليه غالبا بكرا دولارنا بحدود 150 على اقل تقدير . طبعا الأسعار متل ما اتفقنا ;) |
شكرا ابو حكيم على افتتاح الصاله
|
اعتذر من الاخوه الذين كانت مشاركتهم تحت الرقابه في الصاله الماضيه والحاليه
وتم تمريرها الان .....كل من تجاوز 30مشاركه يمكن له طلب فك الرقابه في قسم الاقتراحات والشكاوي..... |
استشارة
يا ريت لو حدا من المشرفين أو الأعضاء القدماء يعطينا ولو توقع (توقع ما منحاسبك عليه) اذا كان بكرا حينزل شوي (على فرض انو الارتفاع كان بسبب الاشاعة تبع 1913 سنة حبس مع حماتو للصراف).
و شكراَ سلفاَ |
مسا الخير جميعا
الشكر لابو حكيم الغاااااااااااااااااااااالي العزيز علينا كالدولار على الافتتاحية ابو حكيم معزة الدولار هاد مدح مو ذم والا كنت قلتلك معزتك متل معزة الليرة ........ اللبنانية اليوم اقتنعت بالمثل القائل الطمع ضر ما نفع اجاني مبلغ من يومين بالليرة وكان محسوب على سعر صرف 190 وبدي صرفه لقيت السعر عم ينزل مبارح لحدود 186 قلت يا باب الغنيمة عزمت انوا اليوم رح اصرف بعدين انشغلت شوي و دكتور الاسنان ما خلى للصلح مطرح ولا خلالي عقل فكر فيه و رجعت عالبيت منهك من بين يديه وكماشاته وحسيت حالي بورشة خراطة وحدادة و على صغر السن و ظبط التدويرة وخود مقاس اول و طابق القياسات المهم صدمت بالسعر انوا قفز متل الغزال مع انوا كان بيشبه السلحفاة بالصعود خلاصة الموضوع الله يعوض علي و عليكم |
| الساعة الآن 07:54 AM. |
Powered by vBulletin® Copyright ©2000 - 2025, Jelsoft Enterprises Ltd.
TranZ By Almuhajir
جميع الحقوق محفوظة syria-stocks