|
أرجو المساعدة
أنا مريم وأغلبكن بيعرفني
نزحت من التضامن عاليرموك وإمبارح قامت القيامة وهلأ صفيانين بلا مأوى نروح عليه يلي بيعرف بيت للأجار بمنطقة أمنة إقدر إسكن فيه يخبرني ع هالمنتدى أنا بقدر إدفع أجار عشر ألاف بس مو مهم يكون البيت مفروش أو لا ومو مهم كم غرفة المهم إقدر روح ع شغلي بدون صعوبات والله يكتر خيركن سلف |
رد: أرجو المساعدة
بيتي جاهز انسة مريم بتقدري تستلميه اي وقت بتحبي بس المنطقة نسبة الامان فيها 60% |
رد: أرجو المساعدة
اضم صوتي لصوتك اخت مريم فانا ايضا ابحث عن بيت لايجار ولكن حصرامفروش
|
رد: أرجو المساعدة
اقتباس:
الله يجزيك كل الخير أخي رامي ويكتر من أمثالك فتكون عمرت البلد الله يجعلها في كتاب حسناتك وتكفي أنك نويت أنا سأحاول أن اتصل بمعارفي وان وجدت سأضع لكم رقم هاتف. للتصلوا به فأنا أبحث منذ فترة لعائلات كثيرة ولكن كل الأماكن الامنه التي أعرفها ممتلئة أخبرت من صديق أن في دمر وقدسيا بأسعار معقولة ولكن لم أحصل على جواب أعتذر لتطفلي وأسأل الله أن يجعلكم بأمن وأمان |
رد: أرجو المساعدة
انصلي بهذا الرقم 2232553وانزلي اسكني فورا واناساحاسبهم لجتى تلاقي بيت مناسب
|
رد: أرجو المساعدة
حاولت الاتصال بأصدقائي في جديدة عرطوز و صحنايا
بالنسبة للجديدة فأهل داريا اخدوا جميع البيت الفارغة وكذلك جزء من صحنايا ان وجد بيت بصحنايا فالأجرة كما أخبرني صديقي وهو مستأجر هناك بين \ 25 - 30 \ ألف |
رد: أرجو المساعدة
اقتباس:
اقتباس:
جزاكم الله خيراً فبهذه النفوس ستعود البلد أفضل مما كانت ومن مشى في حاجة أخيه خير له من الإعتكاف في المسجد النبوي كما قال رسول الله صلى الله عليه وسلم وان شاء الله قريباً نجد شيئاًً لأخونا فراس شكرًا ودمتم بخير |
رد: أرجو المساعدة
الاجارات بجرمانا تتراوح بين 8 الاف الى 25 ألف المساحة بين 60 - 100 المفروش أغلى بنسبة 70% تقريبا عن البيت الخالي تعتبر منطقة امنة مقارنة ببقية المناطق الشقق متوفرة بس بدها تخصيص كم يوم للبحث والاتصال وترك أخبار عند المكاتب العقارية بالتوفيق ان شاء الله |
رد: أرجو المساعدة
السوريون كلهم أخوة واهل سيريا ستوكس عائلة واحدة فشكراً لكل مبادر نرجو مشاركة الجميع كما عهدناكم هنا في هذا المكان من الجود والعطاء اتجاه الاخوة |
رد: أرجو المساعدة
اطالب الحكومة السورية بالامر على من يلزم لفتح المساجد في مدينة دمشق للاجئين .وهي تتسع لعشرات الالاف ومتوفر بها كل الدفئ والامان
|
رد: أرجو المساعدة
ماذا أقول غير أين الحكومة من هذا الدمار والتشرد والجوع وفقدان الأمن والدفئ والمسكن والقتل والخطف
|
رد: أرجو المساعدة
وماهو تعريف الحكومة في دستور السوري
طبعا الحديث وهل لقتل مسلح او عدة مسلحين علينا أن ندمر الحي بأكمله ونقتل أهل الحي الابرياء وندمر بيوتهم وشقاء عمرهم |
رد: أرجو المساعدة
أحد الأخوة من أعضاء المنتدى المعروفين بفعلهم للخير ارسل لي انه يستطيع المساعدة بدفع مبلغ \5000\ ليرة سورية لثلاثة أشهر كآجار لمنزل . |
رد: أرجو المساعدة
الفنادق الحكومية والخاصة في سوريا فارغة وتستطيع استقبال عدداً كبيراً من الناس بكرامتهم كأي بلد يحصل فيها كارثة هذا مايفعلون حتى يؤمن السكن الكريم |
رد: أرجو المساعدة
وكما قال الأخ مجد يستقبلون الناس في كنائسهم مع الطعام والدواء والعناية فأين نحن من بلاد ليست مسلمة ولكنها تفعل فعل الإسلام |
رد: أرجو المساعدة
ايضا وللأسف واضح أنو في تقصير كبير من السورين المغتربين بالخارج وهم كثر بطول الارض وعرضها ومعرف عن المغتربين السورين نسبيا أما أصحاب شهادات أو رجال أعمال ناجحون لم نشهد مساعدات تتناسب مع حجم الكارثة لأخوتهم بالداخل . |
رد: أرجو المساعدة
اقتباس:
يتم قطع طريق فتسأل شرطي قائلا كيف أذهب يرد عليك بقرف دبرحالك والمفترض أن يقدم لك النصيحة والتوجيه ويبين لك الطريق البديل تأمين المواصلات يقطع الطريق على من يحث على العصيان المدني تأمين الاحتياجات الضرورية يقلل من السخط الذي يتخيل المخططون أنه موجه لمن كان السبب بحسب زعمهم هم ويسخر المواطن من زعمهم وهم يظنون أنه سيطالب بعودة الأمور إلى الوراء ! |
رد: أرجو المساعدة
عندي ارتباكات في نهاية العام وسلسلة من الالتزامات فواتير وتأمينات وقسط نقابة وقسط جامعة وضريبة نظافة ومالية وترابيات وأجرة مكتب بعد ذلك قد أتمكن من المساهمة مع أخوتي بشيء حسب ما يتيسر، وسيكون خالصا من كل قلبي بإذن الله .
|
رد: أرجو المساعدة
اقتباس:
|
رد: أرجو المساعدة
اقتباس:
هللأ اتصلت مع أقربائي من بيت المارديني عندون بيت بركن الدين بس المشكلة هاد البيت صاير ملاذ لأيو واحد من العيلة عميتشرد بس وعد بالمساعدة لحد ما تأمني حالك اذا بدك ببعتلك رقموا و اسموا للشخص على الخاص .... .....مو الآنسة مريم ...يلي بشتغل بشركة و...... اذا انت ببعتلك رقم التفون على موبايلك... |
رد: أرجو المساعدة
أخت مريم بعتلك رقموا و اسمو للشخص على الخاص
الله يفرج عليكون و على الجميع متل ما الحمد لله ربب العالمين فرج علي من غايب علموا ..... |
رد: أرجو المساعدة
اقتباس:
و الله يا أخي نجم مافي تقصير بمعنى التقصير من السوريين ... بس البلاء عظيم و الأعداد كبيرة جدا الله يساعد كل السوريين ...... |
رد: أرجو المساعدة
اقتباس:
جبناك يا عبد المعين لتعين طلع بدك مين يعينك عمبمزح الله يرزقك ويعطيك على هوى نيتك |
رد: أرجو المساعدة
اقتباس:
بتعرف ، والله أحلى شي بالأزمة ولازم يكون في شي حلو وتفاؤل ونفسيات منفتحة على الرغم من عظم المصاب ، أحلى شي الناس صاروا يحبو بعض ، وتقلصت كتير هي النفسية المتعالية ، صار الشعب مدعوك أكتر وبيقبل المزح ، تخيل بطلع بالميكرو وبحكي كلمة والناس كلها بتضحك ، لا هنن بالعادة بيضحكو ولا أنا من عادتي امزح مع غريب . بس صار الكل متحابب ومتعاون وحتى ببعدولك لتقعد شخص رابع على كرسي التلاتة ، واللي بأيدو غراض وواقف بالباص القاعدين بيحطولو ياهن بحضنهم والكل بيتعازم تفضل قعود وبيرفض التاني وبقول لا والله نازل قريب قعود انت . يالله شوي تانية وبتخف الهجمة الشرسة على الميكرو وبيصير الناس بيرتبو حالهن الأقدم أولا ، يمكن ساعتها بتضب اسرائيل ومن لف لفها بقجتهم وبيروحوا على بلاد تانية . تقبل تحياتي أو متل ما بتقولوا بكل تحفظ واحترام ( يعني سامحونا بالعامية ) . |
رد: أرجو المساعدة
اقتباس:
يسعدلي صباحو أبو حكيمو ما بنسالك الخمسمية اللي تبرعت فيها يوم عملنا حملة تبرعات للجمعية الخيرية وأنت بحال يعلم بيها ربنا ( بالمصري ) ، يومها قرأت وما دمعت عيني بل فقعت البكوة متل ضحكة أو عطسة افتكروني بالمكتب جنيت . الله يوفقك دائما ما حدا بيغلبك . |
رد: أرجو المساعدة
اقتباس:
الله يحببنا ببعض ، ويرجّع المحبة بين كل السوريين ، |
رد: أرجو المساعدة
اقتباس:
ترى لا تنغش كتير بأبو حكيموا .... و الله عايش برحمة رب العالمين.... و أبو حكيموا انسان ضعيف بدون رحمة الله انسان خطاء...... و ذنوبو مكبلتوا ...لولا عفوالله و مغفرة الله أبو حكيموا كان له صولة و جولة في زمان ما في عالم الأسهم السورية ........ لكن ارادة رب العالمين و الحمد لله رب العالمين شاءت أن تهذبه في الدنيا........ ....................................... اختنا مريم من الشابات النشيطات المتميزات بعملها و أيضا تقوم بالدراسة مع العمل و تساعد أهلها متل أيو بنت مرضية لأهلها .. و كان لي علاقات تجارية كثيرة مع الشركة التي كانت تعمل بها وقت الرخاء ...... ما عهدت من الأخت مريم الا الأمانة و الاتقان بالعمل .. أختنا مريم ضاقت بها الأيام كما ضاقت بالكثيرين ............. الله يفرج عن الجميع.............. |
رد: أرجو المساعدة
الله يفرج عن الجميع و يعوض كل من قدم مساعدة لاهلنا و الله يعيد البسمة و الامان الى ربوع الوطن |
رد: أرجو المساعدة
مشكور ابو حكيمو لسا بحاجة لمنزل الرجاء ممن عنده اي قريب او معلومة حول منزل للآجار ان يكتبه هنا ابو عمر بدو بيت كمان وكتييير عائلات بالشارع ومنذ ربع ساعة قصفت الميغ مخيم اليرموك يعني الرجعة مو قريبة |
رد: أرجو المساعدة
فعلا تستحقون الشكر والتقدير جميعكم ..
اتمنى منكن منزل للاجار لعائلة ايضا هربت من الجحيم .. ولا يهم في اي مكان وفي اي محافظة المهم المكان الآمن وفقط .... وشكرا لجهودكم |
رد: أرجو المساعدة
في بيت هلأ خبرني صديقي عنه بصحنايا قرب دوار الساعة
بيت عربي غرفتين و حمام و مطبخ مفروش الأجرة = 12.000 |
رد: أرجو المساعدة
اذا حدا بده ياه الرجاء اخباري قبل ما يروح
طبعا انا مالي دلال بيوت او لي مصلحة بتأجيره بس مبارح تم تأمين بيت و تدلل الزلمة شوي وقال بلاقي احسن رجع بعد ساعتين ما لاقى وكان البيت تأجر |
رد: أرجو المساعدة
اقتباس:
كثيرا ما نسمع جعجعتا ولا نرى طحنا !!! البلاء كبير على الكل يارب جيب العواقب سليمة . الله اعلم ان كان في تقصير ولا لاء لكن بحسب ما رأيت من خلال الدائرة الضيقة حولي من معارف واقارب واصدقاء لمست ممن يتعاطف مع مصائب الداخل قول أكثر من فعل اللهم في مساعدة وتمويل سفر الأقارب أو تأمينهم بمناطق أمنة بالداخل ولا ضير الأقربون أولى بالمعروف . لكن ماذا عن من ليس له أحد يدعمه بالخارج أنلوم الغريب قبل القريب ؟ والله أعرف ناس ينفقون بعطلة الأسبوع في أتلانتك ستي أو لاس فيغاس ما يكفي لتكفل 5 اسر منكوبة لشهر وأكيد في متلهم متايل . كتبت مشاركتي السابقة لهؤلاء على أمل أن يقرأها أحدهم ويتحسس :) |
رد: أرجو المساعدة
اقتباس:
اقتباس:
لنكون عمليين نزلت على مكتب عقاري مبارح بحمص و لائيت عندو بيتين للآجار بحمص ................................... منزل ثلاث غرف غير مفروش بمنطقة الشماس قريب من المخيم الفلسطيني ثلاص غرف طابق أول جديد غير مسكون سابقا الأجرة 10000 بالشهر تدفع كل شهرين ......... أتوقعه مناسب للهاربين من مخيم اليرموك في دمشق و القادمين الى المخيم في حمص فهو قريب جدا منه ...... ......................................... منزل خمسة غرف طابق سادس مفروش و اكساء ديلوكس يوجد مصعد على طريق الشام بجانب فرن الدروبي أو وكالة الحافظ الاجرة 30000 شهريا ...................................... و اليكم رقم صاحب المكتب طبعا بعد أخذ الاذن منه ...فقط قولوا له أنكم من قبل لقمان.... و كمل قال الأخ مؤيد هي خدمات نقصد بها وجه الله لسنا دلالين عقاريين ........... 0945686085 أبو عبد الله |
| الساعة الآن 06:41 AM. |
Powered by vBulletin® Copyright ©2000 - 2025, Jelsoft Enterprises Ltd.
TranZ By Almuhajir
جميع الحقوق محفوظة syria-stocks