|
صالون سيرياستوكس لعطلات التداول (13-14-15-16) 12-2012
صالون سيرياستوكس لعطلات التداول (13-14-15-16) 12-2012 ما بعرف شو بدي قول او احكي أو ابتدي .. بس كل ما هنالك اني حابب افتحلكون الصالون ... لو انو ما حيكون متل افتتاحية صالونات المدام وحابب كمان انو نطلع عن الواقع .. معلش لو بدنا ننسى واقعنا المرير .. خلونا ننساه لو لساعة لحتى يصحصح القلب بعد خموله ... كيف حالكم جميعاً ...؟؟ |
رد: صالون سيرياستوكس لعطلات التداول (13-14-15-16) 12-2012
أقسم بالله .. ان الامل موجود وان بكرة رح يكون أحلى .. وأن كل شيء له نهاية ... وأن سوريا رح ترجع أفضل مما كانت عليه لأنو هاد حلم جميع السوريين على اختلافهم .... والله في أمـــــــــــــــــــــــــل ... |
رد: صالون سيرياستوكس لعطلات التداول (13-14-15-16) 12-2012
اقتباس:
الله يسترني من العين أنا أول الواصلين ، يسعد مساكون جميعا ، أكيد أم معاذ ما عندها كهربا أو نت لولا الأمل كنا متنا من زمان الله يفرج على الجميع ويصلح الجميع ونرجع نعيش بسوريا الحلوة المتنوعة الأعراق والأعراف والعادات والطوائف ونكون كلنا أخوة في كل المحافظات . يسلمو بروكرنا الحبيب . |
رد: صالون سيرياستوكس لعطلات التداول (13-14-15-16) 12-2012
مساء الخير ومشكور ابو حازم على الافتتاح وعلى الأمل |
رد: صالون سيرياستوكس لعطلات التداول (13-14-15-16) 12-2012
اسعد الله اوقاتكم جميعاً
من حسن حظنا تأخرنا اليوم بروكرنا افتتح الصالون مشكوراً أهلآً أخ عابر المميز |
رد: صالون سيرياستوكس لعطلات التداول (13-14-15-16) 12-2012
عندما أراك يا وطني من عل تكتنفك هالة من أنوار التضحيات تتزاحم في لقاء دعاء الآمهات المحبات اما على الأرض تسكننك الجراحات متلاصقة وهؤلاء المتمترسين قاذفي اللهب والحقد لايأخذون إجازة من اشاعة الموت حولك زائلون كما يزول كل زائف |
رد: صالون سيرياستوكس لعطلات التداول (13-14-15-16) 12-2012
كيف تكون انساناً
قبل قرابة 10 سنوات طيار بريطاني تتعطل طائرته خلال احدى الطلعات التدريبية..وتبد أ القاعدة الارضية بالتحدث معه لاجراء ما يلزم تفاديا" لتحطم الطائرة ولكن دون جدوى فتأتيه التعليمات اخيرا" بالقفز من الطائرة وتركها لتتفجر..حفاظا على حياته,,,,,حيث لم يعد ممكنا" اصلاح الخلل..في اللحظة ذاتها يجد الطيار نفسه متجها في سقوطه فوق مدرسة بطرف البلدة..فيقرر ان يتجاهل التعليمات والاوامر ويحاول ابعاد الطائرة الى مكان ما..باي شكل. القاعدة الارضية تكرر الامر بان يقفز بالمظلة وهو يكرر كلمة واحدة على الجهاز../مدرسة ..مدرسة/ ... ينجح فعلا في ابعاد الطائرة..ولكن من دون ان يقفز منها. الفيسبوك |
رد: صالون سيرياستوكس لعطلات التداول (13-14-15-16) 12-2012
|
رد: صالون سيرياستوكس لعطلات التداول (13-14-15-16) 12-2012
هذا الزمان قد ذهب خيره وأتى شره.
|
رد: صالون سيرياستوكس لعطلات التداول (13-14-15-16) 12-2012
رأيت العصفور
يخطُّ بقدميه الصغيرتين قصيدة على الثلج. (حسين حبش) https://fbcdn-sphotos-a-a.akamaihd.n...01143816_n.jpg أحوال |
رد: صالون سيرياستوكس لعطلات التداول (13-14-15-16) 12-2012
مما قرأت
كان من عادته أن يأخذ طعاما ليطعمه القطة إذا خرج،فلم يجد مرة طعاما فخرج من الباب الاخر مراعاة لشعور القطة ابن عثيمين |
رد: صالون سيرياستوكس لعطلات التداول (13-14-15-16) 12-2012
|
رد: صالون سيرياستوكس لعطلات التداول (13-14-15-16) 12-2012
بماأنو أستاذ رامي حب انو الصالون يكون فيه أمل و نفاؤل أي في أمل بعد كل عاصفة في شمس و قوس قزس بعد العتمة في ضوا حتى لو كان ضوا عود كبريت المهم في امل و أنا بهدي قصيدتي لكل المغتربين برا الوطن صعبة الغربة و بتكبر مية سنة بسنة ! بس الاصعب منها الغربة بالوطن ! صعب ناس يلي كننا منعرفها و منسلم عليون فجاة بطلوا بيحكوا معك اختلاف سياسي ! بدك تروح محل ما تعرف اي طريق بدك تاخد لانو في مليون حاجز و ماشالله عننا الحواجز بيتكاثروا بالانشطار .. ممكن تكون عم تمشي و فجاة يسكروا الطريق ظروف امنية ! تمشي بامان الله و تسمع صوت رصاص عادي موسيقا تصويرية ! انا متغربة ببلدي ! هي مو شام و لا سوريا ما بعرف شو اسم هل البلد يلي انا فيها ! بس اكيد مو الشام لانو طيبة قلب اهل الشام اختفت حيطان الشام القديمة بطلت تتعرف علينا ! لك حتى هوا الشام صار كلو بارود و ريحة حريق ! جاري بطل يقول مرحبا ! صار يسالني وين هويتك خايف مني ! بطل يعرفني نسي مين انا صار بدو يحمي بيتو مني ! ابشع شي الغربة بالوطن ! - دانا |
رد: صالون سيرياستوكس لعطلات التداول (13-14-15-16) 12-2012
مسا الخير جميعا
وان شاء الله ..... الخير والامان لاهل سورية |
رد: صالون سيرياستوكس لعطلات التداول (13-14-15-16) 12-2012
مساء الخير
|
رد: صالون سيرياستوكس لعطلات التداول (13-14-15-16) 12-2012
وانا كمان حابب مسي عليكم جميعا وشاركم في امال جميع السوريين بان نعيش جميعا بكل الطوائف وكل المحافظات وترجع سورية افضل مما كانت .
|
رد: صالون سيرياستوكس لعطلات التداول (13-14-15-16) 12-2012
[size="5"]للاسف يوميا نخسر اصدقاء وافرباء اما بسبب السفر او الوفاة او اما يبتعدون دون سبب معروف .[/si
|
رد: صالون سيرياستوكس لعطلات التداول (13-14-15-16) 12-2012
لي عتب على ابو حازم والمشرفين طيب مو اتفقنا انو بس الآنسة دانا بتدخل على المنتدى بتحكو معنا |
رد: صالون سيرياستوكس لعطلات التداول (13-14-15-16) 12-2012
مساء الخير لجميع السوريين وتحية خاصة للآنسة دانا أقل من عشرين عام وهيك وما شاء الله عليكِ |
رد: صالون سيرياستوكس لعطلات التداول (13-14-15-16) 12-2012
قبل ما ادخل على المنتدى الآن حصلت معي قصة صغيرة عنوانها اقتبس من مضمون القصة ( الأطفال والمازوت ) كنت عند صديقي فاتصل أخي وقال لي انو بدو مازوت ضروري (لأنو لم يتبقى عنده مازوت والكهرباء مقطوعة و الجو اليوم عنا موت ) المهم صديقي قال شو ما بدك خوذ المهم اعطاني تقريباً 75 ليتر بأقل من ساعتين كنت اخي و معي المازوت اصيب بذهول خصوصاً بعد ما قلتلو ببلاش فتت على الصالون وإذا بابن وابنه اخي اقتربو مني وقبلوني كثيراً وهم يقولون شكراً عمو (لك لمن بجيبلون هدايا ما بيسو هيك ) لك حتى الأطفال صار بيعرفو بقيمة المازوت ( علماً انو اعمارهم لاتتجاوز السبع سنوات ) ملاحظة: تعاني مدينة الحسكة و القامشلي من نقص حاد بمادة المازوت السعر تقريباً 180 ليرة لليتر |
رد: صالون سيرياستوكس لعطلات التداول (13-14-15-16) 12-2012
متروكون نحن على حافة الانتظار...تحرقنا الثواني.. خائفون نحن على كل عزيز وحبيب... ولانملك الا ان ندعو لهم.....اللهم لاتفجعنا بهم.
حقاا الخوف في الوطن غربة |
رد: صالون سيرياستوكس لعطلات التداول (13-14-15-16) 12-2012
حدث على مقربة منا
في منتصف احدى طلعات قدسيا القاسية ظهراً حدث مايلي طلع رجل عمره بالثلاثنيات بائس وحزين وفاقد لعمله لايخطو خارج بيته الا ليكب الزبالة لما بتزيد عن حدهاBig Grin ولسا ما قطع نص المسافة للحاوية براس الطلعة نازل واحد من اللجان الشعبية يترنح سكران بيصرخ باعلى صوته وقف ولى وإلا ....... الزلمة وقف بمحله مرعوب:eek::eek::eek::eek::eek: -وين هويتك ؟؟؟؟ ( واحد نازل يكب الزبالة لازم ياخذ هويته معه ) طبعاً خرطش البارودة ليزيد الجو اكشن ويذلوا أكثر للصيد المسكين ولما وصل لعندو أخد هويتو و شلحو النضارة ونزل يبهدل فيه بالصدفة على البلاكين كان في كم واحد ومنن دكتور وحسب الشهود انو هنن بلديات الشب تبعا اللجان الشعبية تدخلو من فوق من البلكون وقاللو طول بالك هادا جارنا درويش صرخ فوراً لاحدا يتدخل ..........والا بقوصوا ها !! طبعاً سكتوا ليهدا ومن تحت لتحت اتصلوا بشباب من الحاجز القريب من معارفن اجوا الشباب يقنعوا أنو يتركوا للزلمة ماكان يقتنع قال طلع خلقوا منو وبدو يربيه المهم بعد جدال من شباب الحاجز رضي يسمحلوا يطلع لبيته من غير الهوية والنضارة اللي ما بيشوف بلاها يعني الزلمة صار اقامة جبرية من قبل شب لجان شعبية وسكران يرحم بيو ملاحظة :كتار من اللي حضروا أول المشهد تضبضبوا خوفا من رصاص طايش :confused2::confused2::confused2::confused2::confu sed2: |
رد: صالون سيرياستوكس لعطلات التداول (13-14-15-16) 12-2012
يبكي و يضحكُ لا حزناً و لا فرحاً
كعاشقٍ خطّ سطراً في الهوى و محا لو كُنتِ تدرين ما ألقاهُ من شجنٍ لكُنتِ أرفقَ من آسى و من صَفحَ غداةَ لوحتِ بالآمال باســـــــــــِـمةً ... لانَ الذي ثارَ و أنقــــادَ الذي جمحَ فالروضُ مهما زهتْ قفرٌ إذا حُرِمت من جانحٍ رفَّ أو من صادحٍ صدحَ (الاخطل الصغير) |
رد: صالون سيرياستوكس لعطلات التداول (13-14-15-16) 12-2012
|
رد: صالون سيرياستوكس لعطلات التداول (13-14-15-16) 12-2012
عندمـــا يدق الحب بابـك لاتفتــح بســرعة !
فهنــــاك من هم مثل الاطفـال الصغــار يدقون البـــاب بقوة ثم يهربون..! فريدريك ماكيلتــز |
رد: صالون سيرياستوكس لعطلات التداول (13-14-15-16) 12-2012
مساء الخير شكرا صديقي رامي على افتتاح الصالون مبكرا لكن أين أنت شو في تقنين بعمان كمان ؟ عنا هلء أجت الأوة بجرمانا التقنين 12/12 تاري ما في دئن مشطة حتى خبز وغاز وما زوت نادر :rolleyes2: |
رد: صالون سيرياستوكس لعطلات التداول (13-14-15-16) 12-2012
مساكم خير ... جميعاً حلوين السوريين باخوتهم خلونا نطلع عن مواضيعنا اليومية ... يعني هية يومية متجددة حتى لو صار قصة كبيرة وغريبة عم ننساها خلال 24 ساعة لانو في اهم واجدد واحدث وأغرب ومذهل اكتر منها فخلونا نطلع الى المدينة الفاضلة بهي العطلة .. فماذا تقولون ؟؟؟ طيب لازم اطرح موضوع تاني لحتى نسوق فيه ... بس شو هو يا ترى ؟؟ ممممممممم جاية على بالي ثير العواطف وأججها بعد ما تعب القلب ... وتغيرت النفوس فبدي من كل واحد يعطي تعريفه ورأيه بكلمة "الحب" ..... والحلو بالموضوع الموجودين من جميع الاعمار والفئات والتوجهات والطوائف حتى ...... يعني في تعددية بالتعريف .... خلونا نعرف التعريف برأي كل واحد .... :) |
رد: صالون سيرياستوكس لعطلات التداول (13-14-15-16) 12-2012
و ما عجبي موت المحبين في الهوى ........... و لكن بقاء العاشقين عجيب |
رد: صالون سيرياستوكس لعطلات التداول (13-14-15-16) 12-2012
شايف لما وصلنا لسيرة الحب الكل سكت يللي في مسلة بتنغزو ههههه تصبحوا على خير لروح عالبيت أبل ما أكول أتلة من مرتي . |
رد: صالون سيرياستوكس لعطلات التداول (13-14-15-16) 12-2012
اقتباس:
هذا أحد التعاريف أبو ايهم :) |
رد: صالون سيرياستوكس لعطلات التداول (13-14-15-16) 12-2012
غبت شوي رجعت لقيت الشباب مجتمعين وحصوصي اخونا نجم واخونا سومي لانهم غياب من مدة
|
رد: صالون سيرياستوكس لعطلات التداول (13-14-15-16) 12-2012
سلامي لجميع المتواجدين الان
|
رد: صالون سيرياستوكس لعطلات التداول (13-14-15-16) 12-2012
أبو باسل sommmy.... أنا بحبه في اشخاص تدخل لقلبك بدون اسباب ... وابو باسل من هالأشخاص لانه قلبه طيب |
رد: صالون سيرياستوكس لعطلات التداول (13-14-15-16) 12-2012
من تعاريف الحب :: كانت لبلال الحبشي الصحابي الأسود مؤذن النبي، صاحب الصوت الرائع
يلي تعذب عذاب كبير كونه عبد عند سيده ... فاشتراه ابو بكر وعتقه ... وصار بلال من الأسياد بعصر العبيد بلال عند وفاته ... قال وهو مبتسم (غداً ألقى الأحبّة) .... |
رد: صالون سيرياستوكس لعطلات التداول (13-14-15-16) 12-2012
اقتباس:
|
رد: صالون سيرياستوكس لعطلات التداول (13-14-15-16) 12-2012
اقتباس:
|
رد: صالون سيرياستوكس لعطلات التداول (13-14-15-16) 12-2012
اقتباس:
|
رد: صالون سيرياستوكس لعطلات التداول (13-14-15-16) 12-2012
سألوا بنت صغيرة شو يعني الحب قالت اني كل يوم اسرق بسكويتة رفيقي بالمدرسة و هو بيرجع بيحط بسكويتة بنفس المحل كل يوم ! هاد احلى تعريف الحب هو اسعاد الناس يلي معنا |
رد: صالون سيرياستوكس لعطلات التداول (13-14-15-16) 12-2012
اقتباس:
مسا النور أستاذ فهد و شكراً إلك |
رد: صالون سيرياستوكس لعطلات التداول (13-14-15-16) 12-2012
حسب تعريف الغالبية الاكثر من الشباب (سن الشباب) حول الحب هو تذكر المحبوب بكل مكان وزمان ... يعني ما بغيب عن البال وهو انك تحكي معه بدون ما تحس او تشعر بالوقت او التعب ما بتشوف حدا غيرو باي مكان بتحب تسمع عنو وما بتقدر تنام لتسمع صوته والى آخره من هالمشاعر يلي ما بتخلص ... الخ الخ الخ فشو الرأي حول ما ذُكر آنفاً :) |
| الساعة الآن 11:42 AM. |
Powered by vBulletin® Copyright ©2000 - 2025, Jelsoft Enterprises Ltd.
TranZ By Almuhajir
جميع الحقوق محفوظة syria-stocks