|
أزمة الغاز - الرجاء ابداء الراي
الاعضاء الكرام الرجاء ابداء الراي بما حصل معي من اسبوعين :
سمعت تغريدة صباحية من زوجتي : حبيبي خلصت قنينة الغاز. غط على قلبي وقات تحبني حية بسبع روس على هالخبرية من عند الصبح. المهم رحت وسالت ودورت كتير بمنطقة سكني فما حصلت. ذهبت الى موزع الغاز المجاور لبت أهلي ولمكتب مختار الحي فوجدت اكتر من 50 شخص مستنيين وعم يدخلوا عليه وغالبيتهم من فقراء الحي والموزع عم يقول مافي والقناني المصفوفة جوا فاضية ولناس مستنية من زمان. المهم لما شافني ضحك سنو ودخلني لجوا وهو عم يوزع ترحمات على جدي ودعوات انو الله يخليلي ابي وقديش نحن اكابر معو. قلي جوا ازا بدك غاز بامنلك قد ما بدك وكرمال عين رحمة جدي وغلاوة ابي وصيتنا الحلو الجرة ب 1600 ليرة. قلتلو يعني هالقناني الموجودة عندك مليانة مو فاضية قلي اي. قلتلو طيب رح جيب مصاري وبرجعلك. طلعت لبرة وقلت للناس هادا بلهموطي حرامي والقناني يلي جوا مليانة وخبيها ليلي بيدفعلوا اكتر من 1500 ليرة. بدكون غاز فوتو عليه وبدلوا القناني تبعكون قاموا فاتو عليه ودقو قتلة مرتبة واخد كل واحد جرة غاز وحطلو 500 ليرة. وانا طللعتلي وحدة بس وان طالع شفت ختيارة عم تسال ما بيطلعلي وحدة صرلي اسبوع بلا غاز. عطيتها القنينة وقلت انشاء الله عمرو ما انطبخ بالبيت. المختار انبسط كتير بيلي صار. هل كان هذا التصرف تجاه الموزع صحيح أم لا علما بان أهلي فقدوا مورد الغاز لهم في الحارة وعم اكل دعاوي انا وجدي وابي منو ليوم الدين |
رد: أزمة الغاز - الرجاء ابداء الراي
ياريت الناس كلها تتصرف مثلك
وكان لازم حجز الموزع وتسليمه الى مركز شرطه شكرا لك |
رد: أزمة الغاز - الرجاء ابداء الراي
الموزع والرقيب شركاء |
رد: أزمة الغاز - الرجاء ابداء الراي
اقتباس:
|
رد: أزمة الغاز - الرجاء ابداء الراي
اقتباس:
هاد مو تبرير لهم انا عن نفسي ما بتاجر بالازمات لو بطعمي اولادي خبز يابس . |
رد: أزمة الغاز - الرجاء ابداء الراي
اقتباس:
بتمنا انو لو نتكاتف كلنا ونبلش بهيك ناس. اشتكى الناس لسيدنا عمر غلاء اللحم فقال لهم ارخصوه انتم بعدم شرائه. من عيشتي بالصحراء اكتشفت انو كل شي بالدنيا ممكن تستغني عنو وبتضل عايش ومرتاحز |
رد: أزمة الغاز - الرجاء ابداء الراي
على سيرة اللحم رح احكيلك بأخر 24 ساعة شو صار معي وبلش باللحم فتت لعند لحام قريب وقلتلو قطعلي 1كغ مفرومة سألني بدوهنة ولا بلا دوهنة ؟ قلتلو بلا دهنة يعني عندك مدهنة لاني اخر مرة قلتلك حط شوية دهنة ساويتها مسوفة :maad: توقف عن الفرم وابتسم ضحكة صفراوية ولمع سنه الذهبي والساطور بيده فااطررت بأن أغير السيرة Frown11 لاني احرجته امام الزبائن . عندي محل البسة اجتني زبونة سمينة وقالتلي اجيت بالنهار واشتريت هالفستان من الصبية يللي كانت محلك وطلع صغير بدي اكبر بعد ما بدلتلها ياه وراحت طلع مفتوق مو مشكلة لكن تأمل :) والست متدينة على فكرة . نزلت على الهجرة والجوازات مع تكسي والشرط 200 لان ما عندو عداد بنص الطريق قررت النزول لقضاء امر اخر طالب بنفس المبلغ 200 بحجة الوقوف الطويل على الحواجز وكانها لم تكن قبل ما اركب معه كمان مو مشكلة . بالهجرة الموظف يللي شغلتي عنده اخد فرصة لحالو ولما رجع ما حطيتلو بالاضبارة المعلوم مع اني هيك كنت متعود وما بعرف ليش هل المرة كبرت راسي وعم حاكيه وما يرد عليي لحتى سألته بنترة انت حضرتك بتشتغل هون شي ؟:rolleyes2: وبتعرف بقى اساليب التسويف والتعقيد تبعهن لكن للامانة الخدمة هلأ احسن من قبل بشوي . فا شو بدك تصلح لتصلح |
رد: أزمة الغاز - الرجاء ابداء الراي
تصرفك صحيح برأيي
ومع اني ماعندي امل انو رح تنصلح الاحوال بهي الطريقة... بس كل واحد واجبه يحاول على اقل تقدير |
رد: أزمة الغاز - الرجاء ابداء الراي
اذن السكوت على الغلط هو جرم بحد ذاته
وكلنا مجرمون بحق الوطن وحق انفسنا - قالوا لفرعون من فرعنك رد عليهم ما وجدت احد يردني - وهذه تلخص 50 عاما من حياة اوطاننا مع الطغاة |
رد: أزمة الغاز - الرجاء ابداء الراي
اقتباس:
|
رد: أزمة الغاز - الرجاء ابداء الراي
اقتباس:
|
رد: أزمة الغاز - الرجاء ابداء الراي
اقتباس:
|
رد: أزمة الغاز - الرجاء ابداء الراي
والله تصرفك صحيح لكن هذا مختار الحي فما بالك ان كان مخفر الشرطة هو من يبيع اسطوانات الغاز بــ 1600 ؟؟ فهل سوف تفعل ما فعلت ؟؟!!!!! |
رد: أزمة الغاز - الرجاء ابداء الراي
الله محيي أصلك أخي طارق وبرافو عليك ويمكن أنا ماكون محلك بعمل متلك وبسلمون للشرطة كمان أو بدعي عليهون وبشجع كل العالم تدعي معي
الله يوفقك ويحميك أخي العزيز ويقويك في الحق :) بدال ما أعطي البلهموطي 1600 ليرة بشتري فيون 3 قناني غاز وبعطي تنتين منهون لناس محتاجين وباخد فيون حسنات بدل ما رب العالمين يحط عليي سيئات لأني رشيت |
رد: أزمة الغاز - الرجاء ابداء الراي
اقتباس:
|
رد: أزمة الغاز - الرجاء ابداء الراي
اكيد انت مشكور على همتك العالية و نيتك الطيبة وغيرتك بس رائي الشخصي التصرف مابعتئد صحيح لانو قد يؤدي الي مشكلة اكبر من مشكلة احتكار الغاز بكل الاحوال موزع الغاز ما بستحق القتل حتى لو كان محتكر...ا...الهجوم عليه ب 50 زلمة غير مضمون العواقب بجوز واحد منون يكون حامل اداة قاتلة ويروح يضربوا فيها للموزع ويموتوا..... او لا سمح الله واحد يكون حامل مسدس ضرب علي اناني الغاز بالغلط بسبب العراك و صار انفجار بالمنقطة وراح 200 -300 زلمة بين قتيل و جريح... حياة انسان بريئ اغلى من مليار انينة غاز بعدين الموزع هل تاكدنا انو بالفعل ربحان 1000 ليرة بالانيية بجوز هو موقفة عليه مثلا غير 1400 وبدو يربحلوا شغلت 100 - 200 ليرة لان متل ماتعرفوا كلوا عم ياخد كمسيون من الانينية قبل ما توصل للموزع قد يقول قائل حتى ليرة 100 مو لازم ياخدها طيب عرفتوا حالتوا المادية بركي الزلمة ميت من جوعوا او مضطر على حق دوا او عملية لاحد افراد العيلة وتحياتي |
رد: أزمة الغاز - الرجاء ابداء الراي
الأخوة الكرام لا شك ان الضرب غلط . لكن الناس يلي كانت واقفة من الطبقة المسحوقة بالمنطقة لأنو الطبقة المرتاحة عم توصلها قنينتها على البيت وهي عم تسب الفساد والفاسدين. احد الاشخاص حلف يمين مغلظ انو اكتر من ١٥ يوم ما بعرف ريحة الطبخ او طعم الشاي مع الحواضر يلي عم يأكلوها. اما الموزع فلن يموت من جوعا لأنو مونو رح تكون من كترة الأكل عامل اربع عمليات بمعدتو ليوقف شرعوا للأكل وفوقها ما في جمعة اكل بسبب جنازة او جنازة ولك يمكن حتى طلاق الا وبعزم حالو عليها.
اخ رامي فكرت اشتكي للشرطة بس خفت يكون متفق مع حدا منهون. على كل يلي صار صار والله يغفر لي أزا كنت مخطأ |
رد: أزمة الغاز - الرجاء ابداء الراي
والله إنه لحوار جاد وحضاري وراق ...
وأسمحوا لي أن أشارككم برأي حول منظومة الفساد أو الجشع أوالطمع أوالتناقض بين الفكر والعمل التي شابت معظم التجارب الحياتية التي مرت مع الأخوة. أنا بتصوري ان المشكلة ليست بالتصرف الفردي السلبي السيىء.... لأننا لحظنا أن بعض الأراء كانت تلتمس عذراً لبائع الغاز...أنه ربما يشتري بسعر أعلى...أو ربما أنه بحالة مالية متدنية....أوربما نعرضه للأذى بهذا الشكل..... وكل هذه التبريرات ليست بالخاطئة لأن قسم منها صحيح... برأيي أساس المشكلة هرمي يعكس للقاعدة.....كيف؟ في زمن الخليفة الراشدي عمر بن الخطاب وبعد الأنتصار الكبير على الفرس غنم المسلمون عنائم قيمة منها أيوان كسرى وهو مجلسة الذي كان مزيناً بالجواهر والألماس والدرر التي لا تقدر بثمن. وقام المسلمون حينها بحمله على الأبل وأوصلوه للخليفة كما هو لم ينقص منه فص أوحجر. أعجب أمير المؤمنين بأمانه الفاتحين وأثنى عليهم فقال أحد الصحابة الجالسين كلمته المأثورة: ياأمير المؤمنين: لقد أعففت فعفوا ولو رتعت لرتعوا.... إذاً أين المشكلة ؟ المشكلة كل شخص ينظر لمن يعلوه فيجده يسرق ويكذب ويثري ..سيارات...قصور...بيوت...سفر...مال ...ولا حسيب ولارقيب فيقول لنفسة :شو وقفت عندي..... إذا ما عملت مثلهم أكون أحمقاً.. .وهكذا تنشأ منظومة الفساد ومبرراته... كله يسرق وينهب كله.....وحلال ع الشاطر. فكلمة خلينا نحسن حالنا بالأول كلمة مرفوضة. وفكرة أن بائع الغاز واللحام والمرأة المتناقضة والموظف المرتشي هم أصل المشكلة أيضاً خطأ. إصلاحنا يجب ان يكون من الطرفين معاً من القاعدة والهرم وبذات الوقت ...لا ....وأقولها وأمري لله ..... بل من الهرم اولاً. أعذروا إطالتي ولكن أردت أن لا نحمل بعضنا وزر بعض... لأن الفاسدين الأمرين الناهين يسعون دوماً لعكس الرؤيا عنهم الى بعض البسطاء والطماعين ويصورونهم أصل المشكلة ويجيشون الناس بعضهم على بعض لأن هاجسهم الأكبر: ماذا سيحل بنا إذا عرفوا الناس المسؤول الحقيقي عن مشكلتهم وثاروا عليه كما ثاروا على بائع الغاز المسكين؟ لا تستغربوا طبعاً مسكين لأنه نتيجة وليس سبباً. أشكر سعة صدوركم وتحياتي لكم جميعاً. |
رد: أزمة الغاز - الرجاء ابداء الراي
إعفاء رئيس مركز غاز الميدان بسبب فساده :):):) (هاد بسببك أخي طارق ؟)
http://www.damaspost.com/sites/defau...90492038_n.jpg http://www.damaspost.com/themes/dama.../font-size.jpg http://www.damaspost.com/themes/dama...nt-size-up.jpg http://www.damaspost.com/themes/dama...-size-down.jpg أصدر وزير النفط والثروة المعدنية سعيد معذى هنيدي أمس قراراً يقضي بإنهاء تكليف رئيس مركز توزيع الغاز غرب الميدان نهر عيشة وذلك بناء على اقتراح نائب رئيس مجلس الوزراء للشؤون الاقتصادية وزير التجارة الداخلية وحماية المستهلك الدكتور قدري جميل وذلك بسبب عدم التزامه بتوزيع اسطوانات الغاز على المواطنين. وقال مصدر بوزارة النفط أن إنهاء تكليف رئيس مركز الغاز في ساحة الأشمر جاء بعد زيارة الوزير جميل المفاجئة للمركز استجابة للشكاوى الواردة من المواطنين على عدم عدالة التوزيع في المراكز واستمع خلال وجوده في المركز لمعاناة الناس وشكاويهم حيث تم بعد ذلك تشكيل لجنة ستقوم بالتعاون مع عناصر الشرطة بمراقبة عمليات التوزيع وتقرر دعم المركز بـ 500 اسطوانة أمس تعويضاً عن 700 أسطوانة لم توزع بشكل سليم. وأضاف المصدر انه تم ايضاً تغيير روءساء مراكز توزيع الغاز في مخيم فلسطين تضامن ومخيم اليرموك والقدم والقابون وذلك بهدف الوصول إلى تحقيق عدالة اكبر في توزيع المادة. المصدر: داماس بوست - عن سانا |
رد: أزمة الغاز - الرجاء ابداء الراي
اقتباس:
|
| الساعة الآن 07:18 PM. |
Powered by vBulletin® Copyright ©2000 - 2025, Jelsoft Enterprises Ltd.
TranZ By Almuhajir
جميع الحقوق محفوظة syria-stocks