|
رسالة والدة الشهيد طارق الأسود
رسالة ابكتني قهراً... رسالة من أم لإبنها الشهيد بأدن الله .. يا أمي لو تعرف كيف صار حالنا من بعدك ياحبيبي ... يا أمي بعرف أنك مامتت لأنو هيك صارو يقولو رفقاتك وهنن حاملينك على كتافون بتعرف شو يا أمي ؟ أبوك ماعاد يقلك ليش اتأخرت وحتى ماعندو مشكلة تدخن سكاير قدامو.. ايه يا أمي صدقني وغلاوتك عندي ماعندو مشكلة لأنو انكسر على غيابك ياعمري.. المرة الماضية نزل هو وعمك عالسوق وكبرو صورتك وعلقناها مكان صورة جدك.. تقبر قلبي على هل شبوبية ماأحلاها.. يا أمي في وحدة حلوة اجت لعنا عل بيت وقالت أنو كنتو تحبو بعضكون , ضميتا وصرنا نبكي نحنا التنين.. بس قلتلا وقلت لكل الناس أنو ابني يمكن يتأخر بس رح يرجع.. مو هيك يا أمي ؟ بعدين بس ترجع رح أعملك كل الأكلات اللي بتحبا.. بتتذكر كيف وقت بكون عم اطبخ تروح تاكل من الأكل وهو عل نار وكنت قلك شيل ايدك واستنا لحتى يصير ويجي أبوك.. يا أمي كل يوم عم أعمل غرفتك متل ماكنت تتركا مشان ارجع رتبا.. ياأمي لاتزعل مني بس عم ضم وشم تيابك وأبكي.. أبكي.. أبكي.. بس والله وقت اللي بتخيلك أنك صرت جنبي عم أمسح دموعي بسرعة قبل ماتشوفني يا تقبرني.. يا أمي الله يرضى عليك لاتتأخر عم استناك.. نسيت قلك شغلة رح تفرحك من كم يوم سمعت من ولاد خالتك أنو فاز برشلونة بس على مين والله مابعرف بس اللي فهمتو أنو مباراة مهمة.. بدك شي ياعيون أمك.. انتبه على حالك ياحبيبي.. بعرف أنك لسه موجود لأنو وعدتني ماتتركني.. ومتأكدة أنك رح ترحع بيوم من الأيام وتدق الباب.. ( أمك ) |
رد: رسالة والدة الشهيد طارق الأسود
الله يرحمه
الرسالة ضعيفة |
رد: رسالة والدة الشهيد طارق الأسود
اقتباس:
؟؟؟؟؟؟؟؟؟؟؟؟؟؟ |
رد: رسالة والدة الشهيد طارق الأسود
:"( حسبي الله ونعم الوكيل
|
رد: رسالة والدة الشهيد طارق الأسود
مو هيك بتحكي ام الشهيد
بتقول اشياء اخرى يصعب نشرها على المواقع |
رد: رسالة والدة الشهيد طارق الأسود
اقتباس:
خصوصاً هاد المقطع لأن دايماً الحماية والكنة مابيتفقوا إلا بهي الشغلات |
رد: رسالة والدة الشهيد طارق الأسود
الله يرحم الشهداء ويشفي الجرحى والمعاقين ويفك أسر المعتقلين والمفقودين. |
رد: رسالة والدة الشهيد طارق الأسود
أبوك ماعاد يقلك ليش اتأخرت وحتى ماعندو مشكلة تدخن سكاير قدامو.. !!!:confused2: نسيت قلك شغلة رح تفرحك من كم يوم سمعت من ولاد خالتك أنو فاز برشلونة!!!:confused2: اجت لعنا عل بيت وقالت أنو كنتو تحبو بعضكون...!!!!!!!!!!!!!!!!!!!!!!!!!!!!!!:eeek: عن أبي هريرة قال قال رسول الله صلى الله عليه وسلم ((من ستر مسلما ستره الله في الدنيا والآخرة )) حديث صحيح عن ابن عمر أن رسول الله صلى الله عليه وسلم قال ((اذكروا محاسن موتاكم وكفوا عن مساويهم)) حديث ضعيف |
رد: رسالة والدة الشهيد طارق الأسود
اقتباس:
مثلا الأم بتحب ابنها، والزوجة بتحب زوجها، والخطيبة بتحب خطيبها والعكس صحيح بلا حب الحياة ناشفة كتييييييير أصلاً كل أزمتنا بسورية سببها انعدام الحب بين الأطراف لأن لو كان الحب موجود كان ماحدا صخي بالطرف التاني الحب شغلة عظيمة مابصير نقول عنها أن هي عيب |
رد: رسالة والدة الشهيد طارق الأسود
اقتباس:
كل شيئ حرمه الله هو عيب ....حتى ولو كان العرف كان ليس بعيب.... الحب مو حرام ولا عيب بالعكس الاسلام شجع على الحب بين المتحابين ولكن الدخول من الشباك هو الحرام فيه قال تعالي ((وليس البر بأن تأتوا البيوت من ظهورها ولكن البر من اتقى وأتوا البيوت من أبوبها واتقوا الله لعلكم تفلحون)) |
رد: رسالة والدة الشهيد طارق الأسود
اقتباس:
ليس كل شيئ عيب هو حرام والعكس صحيح مثلاً أخي سندباد كل مجتمع له عاداته وله تقاليده ونحن محكومون بها العيب : هو الذي يحرمه المجتمع مثلاً المجتمع يحرم على المرأة التدخين ويحللها للرجل الحرام: هو الذي يحرمه الدين ويكون دائماً على الرجل والمرأة سواء والمقصود في الرسالة عدم ذكر مساوئ الشهيد وإنما رثاء الأم لولدها الحبيب بصورة حزينة ليس إلا |
رد: رسالة والدة الشهيد طارق الأسود
اقتباس:
انا قلت الاتي ((كل شيئ حرمه الله هو عيب )) وما قلت كل عيب هو حرام في فرق بين الجملتين يعني مثلا قوم لوط كانو يمارسون الشذوذ وهذا عرف عندون فاذا كان حراما هذا الفعل فهو عيب لكن قوم لوط ما شافوا عيب,,,,, بعتئد وضحت فكرتي اما عن الرثاء بصراحة انا حاطط احتمال يكون كلو على بعضوا مو صحيح بجوز في ناس حابة تشمت بالشهيد عم تلفق علي شغلات مو صحيحة لدوافع سياسية وحتى ولو كانت الام رثت ابنها بهاد الكلام المفروض ما ينشر على الناس على الاقل او ينذكر اسم الشهيد صراحة ولا يصح الا الصحيح |
رد: رسالة والدة الشهيد طارق الأسود
الله يتقبله بين الشهداء ويصبر أهله
التدخين حرام لاسباب كتيرة .. منها ضرره بالصحة ومنها أنه هدر للمال |
رد: رسالة والدة الشهيد طارق الأسود
هه ايوا ! إحتمال مؤامرة سياسية يعني:confused2: |
رد: رسالة والدة الشهيد طارق الأسود
اقتباس:
اقتباس:
بس أياً كان مافيني قول إلا الله يرحمو ويصبر أهلو ويعوضون بالذرية الصالحة يارب لأنو لو الرسالة ما عليها اسم بس أنا بعرف أكتر من أم سورية اليوم عم ترثي إبنها بقلبها وبين أهلها بهيك كلام وأكتر ccc اللهم فرج همنا وهمهم واشفي جراحنا وتقبل موتانا وشهدائنا برحمتك يا أرحم الراحمين ccc |
رد: رسالة والدة الشهيد طارق الأسود
اقتباس:
او مؤامرة كونية او فبركة اعلانية او ...الخ فتحي على الدنيا لتعرفي ليستت التوصيفات...;) |
| الساعة الآن 01:38 PM. |
Powered by vBulletin® Copyright ©2000 - 2025, Jelsoft Enterprises Ltd.
TranZ By Almuhajir
جميع الحقوق محفوظة syria-stocks