الأسهم السورية ( المضارب السوري) - سعر صرف الليرة مقابل الدولار 22-5-2012 في السوق السوداء

الأسهم السورية ( المضارب السوري) (https://syria-stocks.com/forum/index.php)

رد: سعر صرف الليرة مقابل الدولار 22-5-2012 في السوق السوداء

اقتباس:

المشاركة الأصلية كتبت بواسطة a_khateeb82 (المشاركة 202617)

انتو ليش بتطالعوا اشاعات ... جرة الغاز عنا باللاذقية ب 400 ليرة ومن المعمل كمان يعني من المصنع الى المستهلك شو بدكم احسن من هيك Big Grin
بس ..( طبعا هون بس عليها الف علامة :confused: ) ....
لازم تروح عالمعمل من الساعة 6 الصبح وتاخد اجازة من شغلك يوم او يومين ويمكن ما ترجع
اذا كان حظك حلو بيجي دورك حوالي الساعة 2 الظهر مع ايد مكسورة او عين مقلوعة وبدك تنقع حالك بالحمام شي ساعتين مشان ( بلا ما نحكي احسن )
بس بالاخير ب 400 ليرة ... شفتوا انو ارتفاع سعر الجرة اشاعات Big Grin
بس اللي بدو يدلل حالوا وتجي الجرة لعندوا عالبيت وهو حاطط اجر على اجر Big Grin بدو بيدفع اي شو لكن ...
يعني بين 1100 - 1300 ويمكن تكون فاضية نصها كمان Big Grin

عنجد نحن مرفهين كتير كلامك كتير مقنع اقنعتني:eek::eeek::eeek::eeek::eeek:

رد: سعر صرف الليرة مقابل الدولار 22-5-2012 في السوق السوداء

اقتباس:

المشاركة الأصلية كتبت بواسطة سامر منصور (المشاركة 202604)

ياجماعة وقت بتحاولو تمزحو رجاءء وضوحو الكلام مزح ممكن عالم تعتبر جد وتتصرف على هل الاساس
يعني مثلا 1000 دولار تقريبا 70 الف سوري ياجماعة الخير معاي الف دولار موجودين بالمحفظة مين حيقول كم هدول
طبيعي وانا من فترة ونزلت معاي كم درهم ماحدا قلي شو موجود معاك عملة.
طبعا الكلام مش انك تسحب معاك مية الف دولار يعني بالعقل ياجامعة واكيد الاخت مش نازلت معاها اكتر من 10 الاف دولار وتخاطر فهين مثلا؟؟

أستاذي الكريم أنا بالرد اللي بعده قلت مزح بتمنا منك تركز منيح قبل ماترد

رد: سعر صرف الليرة مقابل الدولار 22-5-2012 في السوق السوداء

اقتباس:

المشاركة الأصلية كتبت بواسطة سامر منصور (المشاركة 202604)

السلام عليكم
عشرة الاف دولار دون تصريح في الخروج والدخول تعرض للسجن وتدخل ضمن غسيل الاموال .في جميع بلدان العالم .
الافضل التحويل النظامي للعملات الانبية

رد: سعر صرف الليرة مقابل الدولار 22-5-2012 في السوق السوداء

اقتباس:

المشاركة الأصلية كتبت بواسطة المغتربة (المشاركة 202584)

يعني اذا بقي معي ألف دولار او اكثر شوي ما فيني طلعهم معي

اختي نصيحه
اصبحت هناك مزاجيه زائده عن حدها في المنافذ الحدوديه انت وحظك بس حاولي تكون دقيقه في حساب مصروفك قبل الذهاب ولافضل ان تدخلي بمبلغ بسيط لحين استلامك الحواله والخروج بمبلغ بسيط وان كان سفرك طيران فيكون افضل والتدقيق اقل
وان كان بر في حال الخروج حاول ان لا يتعدى النقد مبلغ
15000ليره سوري او 300 دولار
يعني بالمختصر احجزي التذاكر واحملي مصروف جيب شو الله جابرك على وجعه راس وان اضطريت ان تتخلصي من الدولار فاذهبي للحره في المطار واشتري ما يمكنك بيعه في حال وصولك لبلد الاقامه اللتي انت موجوده فيها.

رد: سعر صرف الليرة مقابل الدولار 22-5-2012 في السوق السوداء

وقال شو بدنا نترفه و نحط بالسيارة وسادة هوائية مشان الحماية قال شو رفاهية العمى ضربنا ضرب

عنجد منستاهل قتلةmarsamarsamarsamarsa

رد: سعر صرف الليرة مقابل الدولار 22-5-2012 في السوق السوداء

حسب معلوماتي لا يوجد مشكلة بادخال اي مبلغ نقدي مهما كبر او صغر الحظر يكون في الخروج فقط و محصور على ما اذكر بحد اعلى 5000 $ و ايضا هناك حظر على خروج الذهب باستثناء المصاغ الشخصي و ايضا له حد معين

رد: سعر صرف الليرة مقابل الدولار 22-5-2012 في السوق السوداء

يا جماعة ابوسفيان (مجرد انسان) اليوم ما بين انشاء الله المانع خير.......
اتوقع قطعوا النت عندهم والله اعلم
الله يخلصنا من وجع الراس ومن يللي عم يعمله

رد: سعر صرف الليرة مقابل الدولار 22-5-2012 في السوق السوداء

اقتباس:

المشاركة الأصلية كتبت بواسطة manar (المشاركة 202605)

دمشق الان
شراء 68.75
بيع 68.95
متوفر

هاد هو السعر المنطقي ...............
لكن هل فعلا تم التداول به؟؟؟؟؟؟؟
ماذا عن حلب

رد: سعر صرف الليرة مقابل الدولار 22-5-2012 في السوق السوداء

باعت شركات الصرافة العاملة في سورية الدولار اليوم بسعر 68,65 ليرة سورية وهو سعر قريب للسوق السوداء الذي يستقر فيه الدولار عند حدود 69 ليرة سورية، وعلمت سيريانديز من مصادر سوق القطع الاجنبي أن المصرف المركزي باع اليوم شركات الصرافة أكثر من 2,5 مليون دولار بسعر 68,75 في سلسلة عمليات تدخل منذ 13-3-2012 ليبلغ حجم المبالغ المباعة حتى تاريخه حوالي 75 مليون دولار، في ظل استمرار عملية التدخل وتزويد الشركات بحاجتها من الدولار بحسب تأكيد مصادر لـ "سيريانديز" ذكرت أن عرض الدولار حاليا في السوق يغطي الطلب عليه، وان حالة من الاستقرار سائدة في الوقت الحالي نتيجة الرقابة الفاعلة من قبل المركزي وضبط لعمليات المضاربة.

ويأتي ذلك ضمن آلية ومنهجية تعتمد على تحقيق التوازن بين العرض والطلب وضبط السوق في حدود أسعار معقولة ومستقرة للدولار، وتبرز دور المركزي وعزمه الفعلي على إعادة التوازن لليرة السورية وإعادة الثقة بالإجراءات المتبعة من قبله في السوق، في مؤشرات تعكس مساعي المركزي باتخاذ خطوات هادئة ومتزنة في عملية التدخل حتى تاريخه، وعمليات تدخل متواصلة.

بالمقابل نسأل هنا: ما جدوى انخفاض الدولار في السوق في الوقت الحالي ليبلغ حدود 64 ليرة سورية في نهاية الشهر بحسب توقعات لـ "سيريانديز" والأسعاربارتفاع جنوني في الاسواق، تشكل حالة استياء لدى المواطنين في ظل عدم قدر المعنيين على اتخاذ اجراءاتهم الفاعلة لخفضها؟؟.
syriandays

رد: سعر صرف الليرة مقابل الدولار 22-5-2012 في السوق السوداء