الأسهم السورية ( المضارب السوري) - صالون سيرياستوكس للعطلات (1-2-3-4)11-2012

الأسهم السورية ( المضارب السوري) (https://syria-stocks.com/forum/index.php)

- صالون سيرياستوكس بعطلة التداول (https://syria-stocks.com/forum/forumdisplay.php?f=52)

- - صالون سيرياستوكس للعطلات (1-2-3-4)11-2012 (https://syria-stocks.com/forum/showthread.php?t=13243)

رد: صالون سيرياستوكس للعطلات (1-2-3-4)11-2012

اقتباس:

المشاركة الأصلية كتبت بواسطة غالب (المشاركة 237763)

عزيزي بابا نويل …
هالسنة سوريا رح تكون متغيرة عليك كتير!!!

لهيك لازم اعطيك كم نصيحة :
هالسنة وانت جاية لعندي لاتنسى هويتك لانو صار عنا حواجز كتير!
ولا تلبس لون احمر لأنو والله شبعنا من هاللون يللي معبي الشوارع!

وحاول تخفف دقنك لحتى هدول ما يفكروك مع هدوليك , وهدوليك ما يفكروك مع هدول .. مع انو دقنك بيضا ومبين عليك ختيار .. بس في ناس ماعادت فرقت بين الختيار وبين الشب وبين الطفل !

ولاتطلع عالأسطوح و تفوت من المدخنة لحتى ما حدا يفكرك قناص !
ولا تحاول تفتش على كل الولاد يللي شفتون السنة الماضية ... لأنو يا بابا نويل في منن راح لعند ربو وهو ما بيعرف ليش...

تتذكر يا بابا نويل الطفل يللي خلق بعيد الميلاد الماضي وأنت قلتلو إنو السنة الجاية بدي إجي لعندك وشوفك عم تحكي ؟؟... تتذكر ؟!!...
هاد الولد أول كلمة قالها (( بووو انفزااال كبييل )) نعم .. هي أول كلمة قالها
بابا نويل ...

تتذكر السنة الماضية وقت سألتو لهداك الولد شو جبلك السنة الجايه شو قلك ؟!... تتذكر ..!!!؟
قلك العيد الجايه مابدي هدية ,,, العيد الجاية بدي صير كبير قد البابا والماما ....
خليني قلك انك مارح تقدر تحققلو هالأمنية هي لا هلاء ولا بعد عشرين سنة ... لأنو راح ... راح مع كتير ولاد راحت وماعاد ترجع ... بس لا تخاف مو كلون بنفس الطريقة راحو ... في منن هنن وقاعدين ببيتون وعم يحلو وظيفة القراءة صار إنفجار حد بيتون وإنجرحوا وبعدين راحوا ...
وفي منن كان ماسك إيد امو بالشارع متل ما انت وصيتو تمام وإنفجرت سيارة جنبون وراحوا هو وامو ...
وفي منن كانو طالعين من المدرسة وما كانو معذبين المعلمة أبداً وفجأة وقع بالأرض وصار حدو دم كتير ... وبعدين عرفنا انو صابتو رصاصة طايشة ...
وفي كتير أسباب غير هيك كمان يا بابا نويل ...
يعني إذا بدك تجي هالسنة على سوريا لا تسأل الأهل عن ولادون ... لأنو يمكن يطلع حدا من هالأهل رايحلو شي ولد , وبدل ما تزرع الفرحة بقلوبون رح تنكش جرح ما بيطيب ...
.
.
بابا نويل بدي منك هدية وحدة وبس ...
بدي منك تهدي كل السوريين شوية محبة لبعضون البعض ..
بدي منك تخليون يعرفو كيف يحبو بعض ...
بدي ترجّع المحبة لقلوبون ...
بتقدر ....؟؟!!!
أكيد بتقدر , لأنك إنت بابا نويل يللي كلو محبة ...
.
.
وأخيراً ....
وانت راكب عرباية الغزلان وجايه لعنا ... دير بالك من المشلحين عالطريق ,,, لأنو هدول لا مع هدول ولا مع هدوليك ,,, هدول عم يستغلو قلة الأمان وعم يخطفو ناس وعم يسرقوا ناس وأحياناً يللي مامعو يدفعلون عم يقتلوه
.
.
دير بالك على حالك بابا نويل ... لأنو كتير ضروري توصل هديتك ( المحبة ) بأقرب وقت على سوريا ...

صباح الخير أخي أبو النور
وين كنت مخبي هالابداع باللهجة السورية
علي الحلال ... حلوة ....
كتر خير الله انو ما حاكيتو لبابا نويل باللهجة العراقية متل القصة السابقة ......
اي بيحوز ماكان فهم و جاب بكيس الهدايا تبعوا متفجرات ووزعا على الاطفال محل الألعاب
و مو بعيد الميلاد كمان ...كان فهم عليك غلط ووزعا على الولاد بعيد الأضحى..........

رد: صالون سيرياستوكس للعطلات (1-2-3-4)11-2012

اقتباس:

المشاركة الأصلية كتبت بواسطة broker (المشاركة 237766)

قط ... بس بيشبه الخاروف

اقتباس:

المشاركة الأصلية كتبت بواسطة broker (المشاركة 237766)

ضاع وطلع من البيت :confused2:

غـــــاب يوم كامل وما بيعرف شي برا يا خطيتو ... Frown11

نشرت اعلان بالحارة عن قط مفقود .... فتم العثور عليه وعاد سالماً غانماً ... Big grin

ونام نومته الشهيرة ... ;)

http://im20.gulfup.com/mlfo1.jpg

اقتباس:

المشاركة الأصلية كتبت بواسطة arnouri (المشاركة 237772)

الوحدة صعبة ابو حازم ;)
خرج لبرا من أجل يدور على صديق فضاع

عمحاول افهم عليكون .........
اي الله ستروا لهالقط يلي بيشبه الخاروف يلي طلع يدور على رفيئ و ما لائا و رجع على كنبايتو المشهورة لينام نومتو المشهورة
الله ستروا لهالقط يلي بيشبه الخاروف من انو يندبح بالغلط على عيد الأضحى ...
الله ستروا انو كان في هدمة.. مرتبة على العيد
عفوا هدنة مرتبة ِعلى العيد..........
ال

رد: صالون سيرياستوكس للعطلات (1-2-3-4)11-2012

اقتباس:

المشاركة الأصلية كتبت بواسطة رندة (المشاركة 237697)

البعض يتسائل لماذا التركيز في الصالون على الاقتباسات وصور الابيض والاسود!
لأن من خلال الاقتباسات الهامة اردنا تسليط الضوء شخصيات واسعة الطيف من أقصى اليسار مثل تشي غيفارا الى اقصي اليمين سيد قطب
ولكن تركيزنا كان لشخصيات سورية هامة لم يطلع عليها السوريون بالقدر الكافي
مثل سعد الله ونوس ممدوح عدوان محمد الماغوط نزيه ابو عفش -والعبقري عبد الرحمن الكواكبي -فخري البارودي -عبد الرحمن الشهبندر -فارس خوري -
بالاضافة اننا أردنا استعراض تاريخ المدن والشخصيات السورية من خلال صور بالابيض والاسود ليرى الجيل الشاب كيف كانت مدننا وشخصياتنا البارزة فيما مضى
اذا الاقتباس والحكم والصور ا لم نختارها عبثاً وعشوائيا
بل لهدف ايجابي وثقافي نتمنى أن نكون قد وفقنا ولو قليلاً
مع تركنا فسحة كافية للتسلية والافكاروالصور العادية
مع شكرنا لمساهمات المتابعين المثابرين القيمة التي اضاءت الصالون دائماً
دمتم بخير

هــــام جداً ... شــكراَ مدام

وخصيصا ان النقل في حال حدوثه من قبلك يكون ممنهج وبالتالي يكون هنالك فائدة ثقافية من الصالون بينما العشواء قليل الفائدة .

رد: صالون سيرياستوكس للعطلات (1-2-3-4)11-2012

اقتباس:

المشاركة الأصلية كتبت بواسطة لقماان (المشاركة 237709)

مساء الخيرللجميع
و كل الشكر للمدام فلة على الاستضافة
ترررمرم تررمرم تن ...
عن اذنكون كأنو الموبايل عميرن مخابرة دولية كمان
اي ايه هاد رقم بروكرنا .....(خير اللهم اجعلوا خير )
أهلين أبو حازم كيف الصحة .......لي معصب
شو الت هاد مو صالون المدام فلة؟؟؟!!.....
لكان هاد صالون مين .........
صالون ضرتها لفلة ........
أبو حازم ايو وحدة منون ضرايرها كتار......
الأجنبية !!!
يعني باربي .........
اي الحق عليك يا أبو حازم انت ألت اسبئك على صالون اللعبة الشهيرة ........
اي ما خطر عبالي بنوب انو يكون صالون باربي ..
لأنو باربي بتحكي انكليزي و أنا انكليزيتي على أدها ..
الت أكيد انك آصد صالون اللعبة الشهيرة فلة لأنو هي بتحكي عربي و بنفهم عليا و بتفهم علينا .....
على كلن هللأ بحاول صلح شو خبصت لأنو أنا كمان هالأيام حاسس حالي أنا مو أنا .....
صحيح أبو حازم فلة و باربي مين منون موالاة و مين معارضة .....
فلة .......(انقطع الصوت )
و باربي.......(كمان انقطع الصوت ).......
ها هللأ رجع الصوت ......
أبو حازم دير بالك على حالك ...مو على حال جارك ....
سلام أخي أبو حازم ........................
آسف يا جماعة اجاني تلفون من عمان و ما بقدر الا رد عليه هاد بروكر مو مين ما كان............
بس صلحلي غلط صغير ...
مساء الخير للجميع و كل الشكر للمدام باربي على الاستضافة

قلتلكون حاسس حالي عم ضيع واعمل شغلات وانساها

هالتلفون نسيان ايمتي كان .. يا ابو حكيم ؟؟؟
مع اني بتذكر جبت سيرة فلّة والاقزام السبعة

رد: صالون سيرياستوكس للعطلات (1-2-3-4)11-2012

اقتباس:

المشاركة الأصلية كتبت بواسطة رندة (المشاركة 237713)

استشهدت تسنيم من دوما وكل عائلتها
مين عندو قلب يقتل هالملاك !!!!

للاسف .. طلع بسوريا فـــي عنا كتيير

الله ينتقم من الظالمين

رد: صالون سيرياستوكس للعطلات (1-2-3-4)11-2012

اقتباس:

المشاركة الأصلية كتبت بواسطة لقماان (المشاركة 237775)

عمحاول افهم عليكون
اي الله ستروا لهالقط يلي بيشبه الخاروف يلي طلع يدور على رفيئ و ما لائا و رجع على كنبايتو المشهورة لينام نومتو المشهورة
الله ستروا لهالقط يلي بيشبه الخاروف من انو يندبح بالغلط على عيد الأضحى ...
الله ستروا انو كان في هدمة.. مرتبة على العيد
عفوا هدنة مرتبة ِعلى العيد..........

هاد القط عم قضي أيامي معوووو ...

عم عملو عادات البشر ... ما شفتو كيف نايم على ضهرو ؟؟

رد: صالون سيرياستوكس للعطلات (1-2-3-4) 11-2012

اقتباس:

المشاركة الأصلية كتبت بواسطة غسان (المشاركة 237714)

ابو حازم حبيبي هي الحالة صارت معي كتير وهاد طبيعي لانو نحنا برات الشام هيك بيصر فينا

شكـــراً عالتشخيص ابو يزن :eek:

الله يشفينا من هالمرض قال بيعدي كمان

رد: صالون سيرياستوكس للعطلات (1-2-3-4)11-2012

صباح الخير
http://www.muslmah.net/upload/upfiles/gsl85551.jpg
الهي ... أذنبت في بعض الأوقات وآمنت بك في كل الأوقات فكيف يغلب بعض عمري مذنبا كل عمري مؤمنا ؟!

http://www.muslmah.net/upload/upfiles/rco86134.jpg

رد: صالون سيرياستوكس للعطلات (1-2-3-4)11-2012

يروى عن لقمان : عليه السلام أنه قال لابنه يابني ، عوِّد لسانك : اللهم اغفرلي ، فإن لله ساعات لا يرد فيها سائلاً

قال قتادة : إن هذا القرآن يدلكم على دائكم ودوائكم ، فأما داؤكم فالذنوب ، وأما دواؤكم فالاستغفارالاستغفار

http://sphotos-b.ak.fbcdn.net/hphoto...55693694_n.jpg