الأسهم السورية ( المضارب السوري) - صالة أسعار الدولار والذهب مقابل الليرة السورية ليوم الجمعة 4- 10

الأسهم السورية ( المضارب السوري) (https://syria-stocks.com/forum/index.php)

رد: صالة أسعار الدولار والذهب مقابل الليرة السورية ليوم الجمعة 4- 10 - 2013

مشاركة سابقة لي الخميس 3 -4 -2013 الساعة 2 الا شوي
يسعد اوقات الجميع , انا لما الت مبارح انو الموضوع صار كبير كتير
اليوم : يتم التحقيق مع كبار مسؤولي المصرف المركزي
تبع غسل المصاري , القانوني , المدير المالي وكم واحد كمان
اليوم الامور مفتوحة عاكافة الاحتمالا
المعطيات الدولاراتية واضحة , معطيات المسار الدولارتي غير واضحة
الشكر للادارة والمشرفين على السرعة في نشر المشاركات , وليكن الرب معهم دائما
----------------------------------------------------------------------------------------
اليوم :" المركزي ينفي إحالة ميالة ومسؤولين كبار بالمصرف للتحقيق" .. الوسائل الاعلامية
طبعا بما انو انا حطيت الخبر بموقع سيرياستوك وبعد ان قام السيد حاكم الدولار بالنفي , اعتذز من على منبر موقع سيرياستوكس .الذي يقدم التحلاليل الدولاراتية لوجه الله تعالى فقط بدون اي دور بالمضاربة على حبيبتنا الليرة الغالية . للمصرف المركزي عن نشر هذا الخبر والاعتراف بالغلط فضيلة
"انتهى الاعتذار "
هذا ان دل على شيئ يدل على ان موقع سيرياستوك واعضاؤه يحترمون انفسهم ومصداقيتهم مو متل بقية المواقع تبع الخاص

رد: صالة أسعار الدولار والذهب مقابل الليرة السورية ليوم الجمعة 4- 10 - 2013

اديش دولار في حماه ودمشق بدنا مساعدة

رد: صالة أسعار الدولار والذهب مقابل الليرة السورية ليوم الجمعة 4- 10 - 2013

اقتباس:

المشاركة الأصلية كتبت بواسطة المعلم عمر (المشاركة 303584)

تعريف التوقع:
التفكير في حدوث أمر ما في المستقبل بناء على شواهد وأدلة في الحاضر، فإن لم يكن هناك دليل فهو حدس
أسباب التوقع:

لاتخاذ القرارات المناسبة.
للاستعداد وأخذ الحيطة.

أوجه القصور الشائعة في التوقع:

ترك التوقع.
الإفراط في التوقع.
التوقع بدون أدلة أو بأدلة ضعيفة.

خطوات التوقع العلمي:

وضع خطة للتفكير.
وضع خريطة للتفكير.
عمليات التفكير.

فوائد التوقع:

حسن الاختيار.
الاستعداد للحياة.
اتخاذ القرارات المناسبة.

بهنيك على نظرتك الثاقبة في مداخلات أخرى .

بالنسبة للتوقع بزيدك من الشعر بيت
رأي شخصي بناء على جملة معلومات قد لا تكون جاهزة في ذاكرتنا القريبة وهي مقبولة طالما اقترنت بحسن نيه فيكون توقع
رأي موجه بناء على مصلحة شخصية أو خدمة للغير وهي مقترنة قطعا بسوء نية وهي والحال هذا لاتتعدى كونها ترويج واشاعة مؤذية
يبقى ان تدعيم الاشاعة بالتأكيد عليها يزيدها ضررا ، وقد نفطن أو لا نفطن لذلك أحيانا .
عندما تعيش في دوامة الكذب لا بد لك من التأثر ، أحيانا أجد مخالفة أحدهم لآراء سابقة ، وأفسرها بحسن نية على أنها صحوة ضمير ، لأتبين للأسف أن تلك المرة هي أشد خبثا ومكرا مما سبق .
خلال الكتابة تبادر إلى ذهني عدة أمثال ولم اسردها لعدم الاطالة ولكن يبقى ان أنهي بأن هنالك من يكتب وهنالك من يطيب له :
شهود العروس ، أمها وخالتها ، وعشرة من حارتها .

رد: صالة أسعار الدولار والذهب مقابل الليرة السورية ليوم الجمعة 4- 10 - 2013

نقلا عن صفحة سيارات للبيع في سوريا :

ارتفاع سعر البنزين الى 100 ل.س .

رد: صالة أسعار الدولار والذهب مقابل الليرة السورية ليوم الجمعة 4- 10 - 2013

السلام عليكم وبعد الشكر والتحية
لفتني رأي استاذي عابر مجيب بخصوص التوقع وقررت المشاركة بالحديث
وتبادر في ذهني أيضا اسلوب التحدي عند غالبية المضاربين السورين الذين التقيت بهم في عدة مناسبات وظروف ولفت انتباهي التمسك بالرأي والصفقة برغم تبدل المسار والاحداث الداعمة للبيع أو الشراء و مخالفة الرأي المعاكس أحيانا يصل الى لدرجة التدخل بقراراتهم متل لا تبيع وأنا بحمل خسارتك ان نزل أو أنا بشتري منك بسعر ما شتريت اذا ما طلع ... وان طلع صحتين على قلبك لوحدك ...
بيصفن التاني وبيفكر حالو غلطان وبيراجع قراره وبالنتيجة واحد بيطلع بسواد الوجه والتاني خسران ههههههه
فتعلمت أنو بالبورصة ما في كلمة ورأي ثابت على طول وشكلين ما بنحكي ومو بس الدولار مالو دين كل الاسواق مالها دين كمان ..

رد: صالة أسعار الدولار والذهب مقابل الليرة السورية ليوم الجمعة 4- 10 - 2013

القامشلي وتوابعها يوم الجمعة شراء دولار 170-175-بيع 175-180
كل صراف صار الو سعر خاص

رد: صالة أسعار الدولار والذهب مقابل الليرة السورية ليوم الجمعة 4- 10 - 2013

اقتباس:

المشاركة الأصلية كتبت بواسطة najm (المشاركة 303594)

السلام عليكم وبعد الشكر والتحية
لفتني رأي استاذي عابر مجيب بخصوص التوقع وقررت المشاركة بالحديث
وتبادر في ذهني أيضا اسلوب التحدي عند غالبية المضاربين السورين الذين التقيت بهم في عدة مناسبات وظروف ولفت انتباهي التمسك بالرأي والصفقة برغم تبدل المسار والاحداث الداعمة للبيع أو الشراء و مخالفة الرأي المعاكس أحيانا يصل الى لدرجة التدخل بقراراتهم متل لا تبيع وأنا بحمل خسارتك ان نزل أو أنا بشتري منك بسعر ما شتريت اذا ما طلع ... وان طلع صحتين على قلبك لوحدك ...
بيصفن التاني وبيفكر حالو غلطان وبيراجع قراره وبالنتيجة واحد بيطلع بسواد الوجه والتاني خسران ههههههه
فتعلمت أنو بالبورصة ما في كلمة ورأي ثابت على طول وشكلين ما بنحكي ومو بس الدولار مالو دين كل الاسواق مالها دين كمان ..

اخي نجم مساء الخير هون بسوريا كل المعادلات بتختلف في شي حصري بسوريا في عدة تجارب من سنتين لهلق مافاتت براسي متل في سيارة اسمها سبيكترا من شركة كيا موديل ال 2007 اغلى او يساوي بالسعر موديل 2011 قال تبع 2007 جاية اقوى (طيب يعني شركة كيا ليش طلعت لكن الموديل الجديد لو كان القديم احسن واقوى ماكانت عملت موديل جديد)ناهيك انو في ميتسوبيشي لانسر موديل 82 عم تنباع لهلق وشي بيقللك منفوضة وشي صاجها احسن من الجديد كرتون وعزماتها قوايا والغريب انو في ناس بتصدق هالسخافة وبتمشي عليها وفي ناس عم تطلب ببيتها 100 متر بالضاحية قدسيا 20 مليون طيب ياجماعة بيت بالمالكي 260 متر مع جنينة نباع ب 55 مليون يعني رجعت المالكي ارخص من ضاحية قدسيا بيجي بيقللك صاحب بيت الضاحية اي الضاحية امنة اكتر من المالكي وبيجي مبارح زبون بالمهاجرين بدو ببيتو 19 مليون وقت وصل الدولار لل 300 طيب اخي بيشتغل معك ب618ونص لاوالله دفعولي 18و900 مابعت
وهداك اليوم واحد شاري دولار ب 210 بالشركة شاري حوالي 50 الف دولار وطلعت الاشاعة هي تبع الحل السياسي وجنيف واعادة الاعمار وهادا جو احلام اليقظة فالعينتين كل شوي يقللي مشان لله شو اعمل ياشيرين خلصت الحرب وكلو لح يرجع متل ماكان قللو انساهم فتح شوي عالتلفزيون فراح باعهم المسكين على 165 فاخي نجم كلشي بسورية غير

رد: صالة أسعار الدولار والذهب مقابل الليرة السورية ليوم الجمعة 4- 10 - 2013

اقتباس:

المشاركة الأصلية كتبت بواسطة المعلم عمر (المشاركة 303544)

أرى سبب الارتفاع تحليلات وهوامير تحركت وقطيع لحقت بها

ألا ترى أن التحليلات يستغلها البعض (الهوامير) لصلحه ويسحب القطيع خلفه

هناك من يتابع المنتديات من بعيد ويوجه السوق مستغلا تلك التحليلات للوصول لمبتغاه

علينا أن نفهم أن التحليلات هي عبارة عن دراسات إحصائية

تعتمد على حقائق سابقة تم احصائها وتجميعها وتحليلها ورسمها واعتبارها قاعدة

للقياس عليها في مرات لاحقة

أقول ربما يكون تحذيرك ليس بمكانه وخاصة أنه الارتفاع سبق العطلة مباشرة
وقد تكون أنت بأسلوبك هذا أحد الذين يسوقون القطيع

وربما تكون من يمسك العصى خلف القطيع لتحقيق أهداف موجة للقطيع

عذراً منك هذا رأي

ما في داعي للعذر حقك تبدي رأيك و لو معلم عمر

بس الي ملاحظات على اجابتك :

- سبب الارتفاع يلي صار مو التحليلات ابداً السبب هو قرار المركزي من عدة ايام السماح للصرافين ببيع الدولار للمواطنين و بكميات مفتوحة هدا القرار سمح لكتير ناس هوامير و شقيعة يرجعو يشتغلو و يتاجرو بعمليات الصرف و هدا بالطبع بيرفع السعر بالعكس معظم التحليلات كانت عمتقول بهبوط السعر

- و بألك كمان موجة القطيع هلا هي للبيع مو للشراء يعني انا ماني مع موجة القطيع بالعكس انا عكسها لانو الامور لسا مو باينة يعني مجرد قرار ببيع شريحة يوم الاثنين بدون تفاصيل هدا هو يلي عمل موجة القطيع و عميدفع موجة القطيع للبيع بسعر متدني بجوز يكون اقل من سعر التدخل انا مع التريث ليوم الاثنين و عدم البيع بسعر اقل من سعر التدخل لانو بصراحة يلي حيبيع هلا بدون ضمانات ممكن يخسر من مدخراتو

- عفكرة انا متلك مع نزول سعر الصرف بس مو عحساب الناس البسطاء المدخرين

و شكراً معلم عمر على اسلوبك الشيق بالكتابة

رد: صالة أسعار الدولار والذهب مقابل الليرة السورية ليوم الجمعة 4- 10 - 2013

سؤال على الهامش :
مين اشترى تحت سعر 170 بالفترة الفائته ان كان حدث بعض المحافظات هل حدث بدمشق ؟؟

رد: صالة أسعار الدولار والذهب مقابل الليرة السورية ليوم الجمعة 4- 10 - 2013

هام
واحد لتر بنزين 100 ل س