|
|
اقتباس:
مساء الخير استاذ رامي و طبعا للجميع من شوي فتت ع النت بعد عناء من البطاقة ( الراوتر عطل وخط isdn )عاطل من زمان نقاشكم حلو انا عم اتمتع بالقراءة و اتذكر هيك لما كنت شب كنت متلك هلق ما بدي اخطب و اتجوز بدي هاجر( حلم عمري ) ع فرنسا و عيش بباريس.. والدي الله يرحمو كانت القاعدة عندو الشب بعد ما يخلص من العسكرية بدو جازة فورا و الغربة ما بتسوى " الرطل بمحلو قنطار " و استخدم اسلوبو الابوي بالاقناع يعني بدك تسافر .. سافر روح الله معك بس بغضب عليك و ما بعطيك حتى قيمة تذكرة الطيارة بتبقى و بتجوز خود الي بدك اياه محل و راس مال و بيت و فرش و ذهب مصروف زواج ..الخ الخلاصة ما نفعت مقاومتي و اتجوزت زواج تقليدي خلال شهر . شفت بنت الحلال شريكة عمري جامعية من االشام ... نزلت نقص ... خلال 3 اسابيع كنت متجوز زواج تقليدي طبعا مبسوط بحياتي معها كتير و بتصور انو هي كمان ما ندمت عالاختيار . هلق ما تغيرت كتير نظرتي للحياة ... بس اقنعت انو الزواج المبكر قبل سن التلاتين ضروري للشب بيكبر هوي و اولاده مع بعض. بس ع فكرة لساتو حلمي اني عيش بباريس و امشي بالشوارع الي مشوا فيها ابطال رويات فكتور هيجو و اميل زولا و الكسندر ديماس ...الذاكرة خوانة نسيت أسماء باقي الكتاب و الشعراء. اذا بدك رأيي الزواج حاجة و ضرورة للرجل و المرأة و بسن الشباب اكيد احسن من بعدين.. إن شاء الله بتنحل قضية الست الوالدة و بتفرح انت و هي.. و بتتوفق بشي بنت حلال تسعدو بعض.. بأقرب وقت عذرا طولت عليكم القصة . |
شكرا على كل المشاركات
لانو زر الشكر اختفى وعم اعمل تحديث وما عم يظهر |
|
|
|
|
|
|
|
| الساعة الآن 07:57 PM. |
Powered by vBulletin® Copyright ©2000 - 2025, Jelsoft Enterprises Ltd.
TranZ By Almuhajir
جميع الحقوق محفوظة syria-stocks