الأسهم السورية ( المضارب السوري) - صالة أسعار صرف الدولار وباقي العملات ليوم الخميس 18-7-2013

الأسهم السورية ( المضارب السوري) (https://syria-stocks.com/forum/index.php)

رد: صالة أسعار صرف الدولار وباقي العملات ليوم الخميس 18-7-2013

اقتباس:

المشاركة الأصلية كتبت بواسطة adib (المشاركة 285709)

سامعين بلجوع كافر
هيدا هو السبب الرئيسي لنزول الدولار وليس تدخل البنك المركزي ولا دعم خارجي
بدكن تقولو كيف؟؟؟
الجواب المدخرين للدولار من زمان من لمل كان حقة 48-100 وطلوع وجدو ان بيع الدولار في اي وقت ممتاز لهم لكي يؤمنو معيشتهم اليومية من ماكل ومشرب ومتل وانتو عارفين نحنا بشهر فضيل وجايين ع بواب عيد فا من المفترض انو يكون بيع للدولار لتامين المواد الاساسية للحياة الكريمة والهنية
السول لوين يمكن يوصل الدولار الى اين؟؟؟
الجواب يمكن يوصل لحيطان 130 يلي محددو البنك المركزي ميشان يبع التجار من اجل الاستراد -+5
من بعد العيد بدنا نشهد حركة تصحيحية لمسار الدولار وهو الارتفاع بخطى ثابتة وقوية الى الامام سر
نتيجة الهجوم القوي على الشراء الذي لم يسبق له مثيل ويمكن يصير 500 وطلوع
لانو مافي مبرر غير هيك للنزول لا في صناعة ولا سياحة واصطياف ولازراعة ولا ما يحزنون شو رايكن

أخ اديب

بشكرك على هالمشاركة بس !!!!

اللي شفتو مبارح الصبح بطرطوس مالو علاقة بالفقير

الناس كانت عبتبيع ميات الوف الدولارات رزم رزم عال 210 الساعة بين 11 -12:30 الضهر

و المسا صار ينزل

المعروض اللي انباع الكم يوم الماضيات ئدام عيوني كــــــــــــــان خــــــــــــــرافي

مبروك للمركزي
مبروك للصرافين
مبروك لمروجين الاشاعات

رد: صالة أسعار صرف الدولار وباقي العملات ليوم الخميس 18-7-2013

اقتباس:

المشاركة الأصلية كتبت بواسطة النسر (المشاركة 285723)

السلام عليكم

الاخ لقمان وين مشاركاتك القيمة
لما الصيام ويلي عم يصير بحمص عم يخليك تبعد عنا
استفقاد محب

مساء الخير أخي النسر
و شكرا لك على الاستفئادة ...
ليش اليوم النسور بحمص خلونا نعرف
نفكر أو نكتب ..
ايشي قذيفة هاون بالغلط
ايشي صاروخ طيارة بالغلط
ايشي قذيقة بالغلط .....
اي العالم عمتمشي تحكي حالها بحمص
و كلون عيونون لفوء ...
مو مشان الدعاء ...
كلو خايف تنزل شي هدية من السما على راسو ...

رد: صالة أسعار صرف الدولار وباقي العملات ليوم الخميس 18-7-2013

قرارات جلسة تدخل المركزي اليوم: بيع الدولار بـ185 ليرة والهدف 150 ليرة
18 يوليو 2013 1:20 م

inShare
إرسال لصديق*طباعة

الاقتصادي - خاص:

انهى "مصرف سورية المركزي" اليوم الخميس، اجتماع التدخل الرابع خلال أسبوعين، حيث قام بتوفير الدولار لشركات الصرافة للشراء بسعر 183.15، على أن تبيعه الشركات للمواطنين بسعر 185 ليرة سورية، واعداً بالوصول إلى عتبة الـ150ليرة مع حلول عيد الفطر.

وقال مصدر مصرفي لموقع "الاقتصادي"، إن المركزي وعد بتفعيل عملية العرض والطلب على شراء الدولار لدى شركات الصرافة، بعد أن شهدت هذه الشركات أمس الأربعاء، إقبالاً كبيراً من المواطنين الراغبين ببيع الدولار، إلا أن قلة السيولة لدى شركات الصرافة دفعها للاعتذار عن الشراء.

وأبدى المركزي بحسب المصدر خلال الاجتماع، استعداده لشراء الدولار من الراغبين بالبيع، واستعداده أيضاً إلى تزويد شركات الصرافة بالسيولة اللازمة لشراء الدولار من المواطنين.

وأكد حاكم "مصرف سورية المركزي"، أديب ميالة، خلال الاجتماع إلى سعي المركزي لإيصال سعر الدولار حتى عتبة 150 ليرة سورية خلال فترة العيد.

وبلغ سعر صرف الدولار الأمريكي في السوق السوداء بدمشق يوم أمس الأربعاء، للمبيع 225 ليرة سورية، وللشراء 220، في حين بلغ سعره في شركات الصرافة 230 ليرة، في حالة هي الأولى من نوعها من حيث نخفاض سعر دولار السوق السوداء أكثر من شركات الصرافة.

وكان قد انتهى اجتماع "مصرف سورية المركزي" يوم الثلاثاء الماضي، مع شركات الصرافة بقرار بيع الشركات كميات من الدولار بسعر 227 ليرة، على أن تباع للمواطنين بسعر 230 ليرة.

وأجرى المركزي منذ 12 يوماً عملية تدخل ببيعه الدولار لشركات الصرافة بسعر 247.50 ليرة، على ان تباع للمواطنين بسعر 250 ليرة، ثم باعهم في عملية تدخل ثانية دولار بسعر 237,63 ليرة على ان تباع بسعر 240 ليرة، واليوم باع المركزي الدولار بسعر 227 ليرة على أن تباع بسعر 230 ليرة.

ويواصل المركزي سياسته القائمة على خفض سعر الدولار تدريجياً عبر تدخله في السوق وبيع شركات الصرافة لتبيعه بدورها للمواطنين.

رد: صالة أسعار صرف الدولار وباقي العملات ليوم الخميس 18-7-2013

اقتباس:

المشاركة الأصلية كتبت بواسطة little_man (المشاركة 285766)

لم تباع كميات عا 210 مبارح ابدا البيع كان 190 وهاد اكيد

رد: صالة أسعار صرف الدولار وباقي العملات ليوم الخميس 18-7-2013

السعر قبيل الافطار

173__________ 175

180__________190

195___________210

وكله متوفر بيع وشراء بنفس الوقت وبين الصراف ( المركز) والصراف ( المركز)

اقل من مية متر وحلها اذا بتحلهاا

والعالم ما عبتلحق تشرب شي حبيات ضغط وشي حبيات قلب

وتحكي مع الصراف لك فيه هيك سعر لقلك روح اشتري من عنده

وبتقله لك فيه هيك سعر بقلك روح بيعه

رد: صالة أسعار صرف الدولار وباقي العملات ليوم الخميس 18-7-2013

اقتباس:

المشاركة الأصلية كتبت بواسطة tigereye (المشاركة 285626)

من متابعتي الدائمة لردود الاخوة وما يتردد عن وجود حالات من التزوير للدولار
اتمنى من لديه طرق من خبرته في فحص الدولار ان يضعها لتعم الفائدة
مع العلم اني لم اشاهد حتى الان اي دولار مزور

طبعا الطرق الي بقصدها مو بالالات اكيد

السلام عليكم

اليك ملخص مصور لكشف المزور اتمنى الافادة

ولا تنسونا من الدعاء

رد: صالة أسعار صرف الدولار وباقي العملات ليوم الخميس 18-7-2013

اليوم كشف حاكم المركزي انو السعر المستهدف للدولار هو 150 ل س يعني اليوم وضح الرقم يلي كان عميثير تساؤل العديد من الناس ويلي بيقول انو هاد كتير صعب هو غلطان قبل قالوا مستحيل ينزل تحت ال200 ونزل لل180 وانا برأيي الاحد يمكن يكون سعر التدخل 173

رد: صالة أسعار صرف الدولار وباقي العملات ليوم الخميس 18-7-2013

بعد اذن المشرفين عالمنتدى بدي جواب
اذا مشاركاتي عم تسبب مشكلة لأعرف واذا لأ ليش عم طلول وبدي اعرف شو سبب الرقابة ماعم تنشال انا ماعم اكتب شي خارج نطاق المنتدى

رد: صالة أسعار صرف الدولار وباقي العملات ليوم الخميس 18-7-2013

اقتباس:

المشاركة الأصلية كتبت بواسطة black_ghost87 (المشاركة 285720)

اغلاق بانياس-متوفر
شراء:172
مبيع:180

مع الاسف منك عزيزي

ولكن هذه الاسعار غير دقيقة ابدا علما انه لدي صديق في بانياس مستعد للشراء ب 182

ويمكنك ارسال هاتفك على الخاص لأعطيه لصديقي

السعر المتداول في بانياس 180 - 188

ومن يشتري بسعر 172 يستغل الناس

رد: صالة أسعار صرف الدولار وباقي العملات ليوم الخميس 18-7-2013

اقتباس:

المشاركة الأصلية كتبت بواسطة مجرد إنسان (المشاركة 285659)

السلام عليكم
الله يكسر ايدين المركزي وكل مين وراه مو مشان شي بس لانو ترك السعر يفلت لفوق 300 بالاصل
وهلأ جاي يتشاطر عالسعر بعد ما تسعر كل شي على دولار 300
حتى مؤسسات الدولة مثلا كان كيلو الشاي 1000 لما كان السعر 225 هلأ صار السعر 1495 مع انو عأساس السعر نزل؟؟؟؟
قطع الكمبيوتر مسعرة على دولار 230-240 كيبورد ال 150 ليرة حقو 1000

كل هبوط سيعقبه صعود ولكن ان يلعب المركزي باسعار كل شيء ويدمر كل فئات الشعب نتيجة عدم ايقافه الاسعار الجنونية فهذا لا يغتفر
اعلى قمة وصلها السعر كانت 325 وكل قمة تم الوصول اليها سيتم زيارتها على الاغلب من جديد فالمسار صاعد
على الجميع الهدوءفي حالة الجنون صعود او هبوط ولا يخسر الا من ينجر وراء القطيع
على كل من الاول النا انو الو جولة لانو اجاه تحويلات منيح وهلأ وقتو
المشرفين الاعزاء
شو مشان الناس اللي ما عم تحط اسعار صحيحة ونازلين اشاعات ؟؟؟
برأيي لازم يتوقفو من اي جهة كانت ومنع وضع السعر الا من الثقات
اذا كان هدف المنتدى وضع الاسعار الحقيقية منعا لغش الاعضاء فان تحوله الى منبر اشاعات يؤدي الى عكس هدف المنتدى
"اذا لم تستطع قول الحق فلا تصفق للباطل"

مع احترامي لك
أسعار قطع الكمبيوتر نزلت وتسعرت على دولار 190
وانا جاهز يلي بدو يشتري شي اعطيه أفضل الاسعار
وأصلا في اسعار محسوبة على دولار رخيص اقل من 150