|
رد: يوميات لقمان في حمص
ابصر مين عم بيدق الانترفون....
كأني عرفت مين... وبانتظار البقية |
رد: يوميات لقمان في حمص
ابو حكيم ياريت تبطل تحط يتبع وتكمل شو صار .......وبوعدك انا الغيا كمان تضامنا معك وماعود استخدما .....
الله يكون معكم....... |
رد: يوميات لقمان في حمص
معلش خلوه يحطها مقاطع... بركي انقطعت معه الكهرباء ما انحفظت المشاركة... وقتها بيمل يكتبها مرة تانية
|
رد: يوميات لقمان في حمص
وبالمناسبة...
انا كتير ضد فكرة انك تطلع حتى من باب البناية.... بعرف انو الحياة لازم تستمر... ورح تستمر.... بس يعني اذا في كم يوم كان فيهن اجواء مضطربة اكتر من العادة مافي داعي تخاطر... هنن كم يوم... قال الف قولة جبان ولا يقولوا الله يرحمه.... |
رد: يوميات لقمان في حمص
معليش يا اخواتي تحملوني شو بعدين بتابع...... بس بدي رد على المشاعر الانسانية الراقية يلي عميحيطوني فيا الشباب لذلك سأنسخ مداخلاتهم لأحاول شكرهم .................انتم اخوة أعزاء ............ الأخ أبو النور : الحمد لله على سلامتك مبين تعلمت الدرس منيح من غسان ... تشويق ال يتبع الله يسلمك أخي أبو النور الحياة كلياتا دروس .........ان شاء الله كون تعلمت الدرلاس منيح الأخت أم معاذ الحمد الله على السلامة اخ لقمان:) الحقيقة نشغل بالنا عليك وعلى عائلتك الله يحمي حمص ويحمي اهالي حمص كلن سنتابع القصة :eek::eek::eek::eek: الله يسلمك أختي أم معاذ و الله يحمي كل الناس و يباركلك بأبو معاذ وعاذ و دانا أنس -أبو عدنان الله يحميك أنت والعائلة بالإنتظار الله يبارك فيك و بعائلتك أخي أبو عدنان الدكتور وائل نحاس الحمد على السلامة طالما رجعت معنا معناتا الاتصالات رجعت و الحملة على حمص انتهت الله يسلمك أخي الدكتور وائل الاتصالات رجعت بس الحملة لسا ما انتهت بس خفت شوي بالمنطقة يلي أنا عايش فيا هللأ التركيز بالقصور و القرابيص و حتى مفرء سوق الهال الأخ عبد الكريم الحمدلله على السلامه اخي ابوحكيم الدين الله يسلمك أخي عبد الكريم و الحمد لله لرجعتك بالسلامة من اليونان الأخ غسان الحمد لله على سلامتك وسلامة عائلتك وان شاء الله يكون غدا جمعة خيرومحبة وسلام وطمأنينة............ ان لم يكن من اجل المرضى والعجائز فمن اجل الاطفال الذين نستطيع ان نقدر مدى خوفهم ورعبهم وحالتهم النفسية ................. اما نحن الكبار فيبدو ان ذنوبنا جعلت بيننا وبين استجابة الدعاء حجابا سميكا الله يسلمك أخي غسان و الله لو بشوف نظرات الرعب يلي بعيون حكيم و رفآتو لحتى يصيبك الحزن عليون و بتؤول شو بدو ينسيون لهالولاد صوت الرصاص ....أيو مستقبل ينتظرهم ان لم يرحمنا رب العالمين برحمته و كرمه الأخت روان أخي أبو حكيم ألف الحمد لله على سلامتكون إنت وأسرتك والله يفرج عن الجميع بس الله يخليك لا عاد تحطلنا يتبع تانية ccc "طبعاً أنا لازم دائماً اطلب هالطلب :rolleyes2:;) الله يسلمك أختي روان و ألف شكر على لهفتك و عرضك لضيافتنا أنا و العيلة عنكون بالشام ان شاء الله بنجي وبتكون الظروف أحسن من هيك ما بدنا نجي كلاجئين لعنكون ccc الأخ بشار الحمد لله على السلامة اخي لقمان الله يسلمك اخي ابو طارق الأخ رامي يا هلا يا هلا فيك أبو حكيم الدين الغالي الحمد لله على سلامتك طمنتنا عنك وياريت تطمنا عن اهل حمص بشكل عام والخالدية فرحنا بوجودك واهلا بك .... انت أغلى أخي أبو حازم الله يسلمك الوضع بحمص سيء و الخالدية بس طلعت الحملة الأمنية منا ...رجعيت حليمة لعادتا الأديمة مع انو الكل كان مفكر غير هيك............بعد الشي يلي صار الأخ أبو محي الدين الحمد لله على السلامة اخي ابو حكيم وعلى سلامتك اخي (انت لست بشئي)انت ملائكة الله على الارض والله يسلملك الاولاد والاهل جميعهم صبرا جميل وبالله المستعان الله يسلمك أخي ابو محي الدين و الله الموت أأرب ما تتصور من البني آدم و الشي يلي عمنشوفوا متل أفلام السينما ....بس رب العالمين كاتبلنا عمر .. الأخت أم محي الدين الف الحمد لله على سلامتكم اخي ابو حكيم صدقني دعائنا يلازمكم دائماً ولكل سوريا الحبيبة اخي هل تذكر كلامك عن الحلقة فأبشر الفرج قريب بإذن الله الله يسلمك و انا واثق انو بدعاء الطيبين أمثالكون لأهالي سوريا رب العالمين عميتطلطف فيون ضاقت و لما مكنت حلقاتها فرجت .............................و كنت أظنها لا تفرج الأخت سلام الله يسلم كل حمص فردا فردا.... الله يسلمك يا أختي سلام في عالم سلموا بالدنيا و في عالم ؟؟؟؟؟الله يسلمون بالآخرة ........ الأخ أبو معاذ تحياتي لكم يا أهل حمص تحياتي لاسرتك الكريمه تحياتي لك أخ لقمان والحمد الله على سلامتك , وان كانت بنا غصه على أخي لقمان صح قولك الموت علينا حق ولكن .....توت توت تــــــــــــــــــــــــــــــــــــــــــــــوت طمئنا دائما عليك أخ لقمان الله يسلمك اخي ابو معاذ الله يبارك فيك و يحميلك عيلتك و أنا بعتلكون سلام مع الأخ سعيد يوم الأحد بس ممكن نسي يوصلوا... و الله سؤالكم عن حمص يخفف عنها الأخ أبو علي الحمد لله على سلامتك اخي لقمان الله يسلمك أخي أبو علي فرحت جدا بسؤالك فكلنا اخوة في الاسانية العريس :مؤيد الحمد لله لعى سلامتك ابو حكيم الدين طمنا عنك دخيلك و بعتلي رقم موبايلك على الخاص اي شو صار بالجزء الثاني للحكاية الله يسلمك يا عريسنا لا تشغل بالك كتير عيش أيامك هللأ و سأرسل الرقم ان شاء الله على الخاص |
رد: يوميات لقمان في حمص
الحمد لله على السلامة ابو حكيم الدين الغالي احلى خبر سمعته اليوم و بالنا كان مشغول عليك كتير و الحمد لله طمنا عنك و عن العائلة الكريمة و الله يهدي الامور و ترجع حمص احلى مما كانت شعور الفرحة لا تستطيع لوحة المفاتيح التعبير عنه الــــــــــــــــــحــــــــــــمـــــــــد لــــــــــــــــلــــــــــه عــــــــلــــــى ألـــــــســــــــــــــلامــــــــــة rrr و الشيء يلي زعجني اني ما انتبهت الى مشاركتك الا اليوم ............ c111r |
رد: يوميات لقمان في حمص
أبو حكيم لو انك نطفت قلبنا بس معلش اكتب يتبع لتشبع الله يحميك واهاليك ويحمي اهل حمص بس طالما رجعت حليمة لعادتها القديمة .. مو يعني انو هالحل مالو ناجح وفشل بكل المناطق ؟؟؟ طيب مافي حل تاني - ويا اخي شو أخدك عالشغل ، يعني ان كنت رحت مشان توفي حق الشغل ، طيب شو مشان وزوجتك وأولادك لحالن بالبيت ؟؟؟ طيب طالما رحت اول يوم وكان الغياب 80% يعني هيك هيك مافي شغل .... ملاحظة للتسهيل : اكتب المشاركة على وورد وحفظها لحتى لو قطعت الكهربا ما تروح ... واذا باللاب توب مافي مشكلة . 2- للرد بسهولة في مشاركة واحدة على جميع الاعضاء .... بتقدر تكبس على ( اقتباس متعدد ) بس تضوي أحمر روح عالمشاركة يلي بعدا وكبيس " اقتباس متعدد" هيـــــــك لحتى بخصلو المشاركات اضغط بعدها " اقتباس" بتلاقي كل المشاركات طلعو معك ووساعتها بترد تحت كل وحدة ... وبيطلع شكلها شكل اقتباس . مثال : اقتباس:
اقتباس:
|
رد: يوميات لقمان في حمص
الله يعينكم يا ابو حكيم و الله حالتكم تدمع له عيون كل السوريين و كل اصحاب ضمير الحي
انشالله بتمرق عليكم بسلام و بترجع احوالكم احسن مما كانت عليه من قبل انا ما صحلي اقرا ما كتبت يا اخي لقمان الا اليوم و صدقني قلبي معك و الله يحميكون انت و ام حكيم و حكيم و اخوات حكيم و كل اهالي حمص |
رد: يوميات لقمان في حمص
أولاً صباح الخير والأمان أخي أبو حكيم الدين
اخي أبو حكيم من قال لاجئ ولجوء وما بعرف شو!!!!!!!!!! نحنا أرض وحدة وجنسية وحدة وشعب واحد وقلب واحد كمان، يعني كل شي اقترحناه عليك يومين إجازة واستجمام إلك ولعيلتنا (زوجتك وأولادك) من هالجنان يلي عندكون، هي أخي أبو حكيم بتنقاس يعني متل لما يكون الواحد طالعة روحو من الشغل، فبياخد إجازة وبيطلعلو على شي مكان هو وعيلته يومين تلاتة ليغيروا جو، وبيرجع بعدين لمدينته وشغله وحياته. إنت أخي أخدت إجازتك هالصيفية؟؟؟؟؟؟؟؟؟ عطيت عيلتك الإجازة يلي بيستونها كل سنة؟؟؟؟؟؟؟؟؟ إذا جوابك لأ "وهو غالباً هيك بسبب الظروف يلي كلنا منعرفها" فبرأيك هيك ما بتكون حرمتون من منفس السنة؟؟؟؟؟؟ معناها خلص قوم تعال. والله يحميكون بملائكة تحفكون من كل جانب وتبعد عنكون أي سوء أو شر، ويارب بقى تفرجها لأنو والله تعبنا ccc ccc ccc ccc ccc |
رد: يوميات لقمان في حمص
اقتباس:
المهم الساعة الخامسة عصرا للعجب اجت الكهرباء ...خمسة و خمس دقائق كان الانترفون عميرن .....فتحولنا الباب تبع البناية و جهزوا الهويات .............. صار ألبنا يضرب بسرعة و العرق يزخ مننا و ركضنا ..................و الله كنا في حالة توتر لأنو الشي يلي عمنسمعوا وأت التفتيش بيخوف . أم حكيم مجهزا تيابا لهيك مواقف لبستون بسرعة و حطيت الموبايل و بقايا الدهب يلي ما بعناهون مشان نشتري فيون أسهم بنك الشام المشؤوم و هنن المحبس و الخاتم ...و شوية مصاري بين الايدين........و أنا ركضت و لبست الجلابية و لميت شو بأدر و حطيتون بالجيبة الموبايل الأوراق المهمة الهويات دفتر العيلة صرت شو شوف بطريقي حطوا بجيبتي حاولت حط البراد و الغسالة بالجيبة بس ما مشي الحال ....... أي شو بدك تخبي لتخبي ........... رحت على الأوضة التانية لئيت حكيم نايم ...... و عطاء جنبوا عميلعب ............ بهاللحظة كنت راح أبكي و أنا عمتفرج على الصغار .............. أمت بستوا لحكيم وهو نايم و حملتوا لعطاء ..... و رحت باتجاه باب الشقة مشان كون بالاستئبال ما حلوة خليون يدؤوا الباب مشان واجبون ....... و أنا ماشي إلت لحالي لا سمح الله اذا توتر الوضع و الجماعة تصرفوا تصرفات ما بينسكت عنا ما إلي غير أؤول يالله و اعمل هالحركتين يلي حافظون بشكل نظري من كتاب تعلم الكونغ فو في خمسة أيام..يلي من تلاتين سنة كان عندي ...... وبعدين شو بددو يصير يصير ........ إلت بسم الله الرحمن الرحيم بسم الذي لايضر مع اسمه شيئ في السموات و الأرض بسم الله الرحمن الرحيم ...يا رب ما إلنا غيرك يا الله يارب استرنا .........و فتحت الباب .............. كان واحد من الجيش عمروا شي أربعين سنة طالع على الدرج و هو باللباس الميداني الكامل ... اجا باتجاهي سبحان الله و هو عم يبتسم قال لي : مرحبا ........ ممكن الهويات اذا بتريد عطيتوا هويتي و صحت لأم حكيم مشان تعطيني الهوية آل مافي داعي بس الشباب ...................... و قال لي : هللأ بستلموا الهويات من تحت التلوا أنزل آل ما في داعي ......... تفرج هيك على الصغير و هو على كتفي و آللي الله يخليلك ياه صبي و لا بنت ألتلوا صبي ...... (هون ما بعرف رب العالمين أنزل السكينة على قلبي و ارتحتلوا كتير لهالشخص ............و شفتوا انسان متلي متلوا و في الو مشاعر و أحاسيس ...................... قال لي و هو يبتسم : بتعرف صرلي شي 15 يوم ما شفت ابني ................. التلوا الله يصرف هالبلا عن البلد ......... و هون ما شفتلكون حالي غير أنا صرت حقق مع الزلمة سألتوا أديش عمر ابنك آل : بعمر ابنك الله يخليلك ياه و أنا مربيلوا شعراتوا يعني يلي بيشوفوا ما بيعرفوا بنت و لا صبي ........... و أضاف : بالحرف يشهد علي ربي (أمانة لا تآخذنا ولاد الحرام ما تركوا لولاد الحلال شي........) التلوا : الله يكون بعونكون ............. آل : ممكن كاسة مي ........ فطلبت من أم حكيم التي تختبئ ورائي و كان صاير لونا أصفر متل الليمونة جيبيلنا كاسة مي .......... جابتلي كاسة المي عطيتوا ياها و ألتلوا بدك ما تآخذنا المي سخنة ما في عنا كهربا من كام نهار آل : هي جبنالكون الكهرباء ........... أي الله يعطيكون العافية ....و الله الكهربا نعمة كبيرة ...... ما بيعرف ايمتا غير يلي بيفئدا .... أخد كاسة المي و آللي تفضل شراب ؟؟؟؟؟؟ التلوا :شكرا شف شفة من المي و ما أدر يكمل ............. سألتو : التلوا من وين انت هون حسيتلكون يا للزلمة انو فزع و صفن هيك.... وآللي يالله ........ فتشت عندك.... و فتل ضهروا باتجاه البواب البائية و دء عليون و ما حدن فتحلوا ............... آللي :شلون وضعون جيرانك التلوا منيحين ............. هاد بيت عروس و عريس و البيت التاني صاحبوا حلاق ........و البيت التالت في عندو محل بسوق الهال ........... سألني ليش ما عميفتحوا ................ التلوا :و كأنو بس النسوان بالبيت........ حمل حالوا و نزل على الدرج ..... آم طلعلنا اتنين تانيين غيروا ......... اجا واحد منون لعندي ما شاء الله عنو طولوا شي مترين ووزنزا شي طنين ........و باللباس العسكري الكامل و التاني عادي لابس عسكري بس مع بوط رياضة اجا العسكري لعندي و على ما يبدو هو ضابط ... شو بدكون ضخامتو بتفزع يعني الت لحالي لاسمح الله اذا بيضربني شي بوكس هللأ علي الحلال بيزتني بقاعة التداول تبع بورصة دمشق و بيخليني أعطي أمر بيع ماركت كمان........... سألني فتشوا عندك ................ ما أنا ما بيكذب الا أليل .........ألتلوا لاء ....تفضل ........... و الله الزلمة دخل على البيت أول ما ضربت عينو على آلة الطنبور و هي آلة وترية شبيهة نوعا ما بالبزق ................ شو مين بيعزف عليا ........... ألتلوا و الله أنا بدمدم عليا شوي ......... آم فات لجوا آم التاني صاحب بوط الرياضة صار يخبط عليا بإيدو كأنوا عميستكشف شو هي آم أللي العسكري هادا بيدق على الربابة مشان هيك انلفت نظروا ..................... المهم فات على أوضة النوم الشهادة لله بكل احترام و فتح بواب الخزاين و الدروج ....... بهالوأت صار عطاء يبكي على كتفي ..... آللي : شو كنو الصغير مستغرب شوفتنا مهيكي.. و آل يالله خلصنا تفتيش باينتك آدمي بيكفي ....... و طلع من البيت هو و التاني دء على الباب المقابل ما فتحلوا حدن ألي :شو قصتون هدول .......... ألتلوا و الله هدول عريس و عروس بيجوز وضعون هللأ ما مناسب يفتحوا الباب ......... آللي شلون يعني ........... التلوا بخجل ... بيجوز عميكتبوا الوظيفة........... ...............(و مع انو الوأت هللأ ما خرج كتابة وظايف بنوب)................................ آم و الله بععد عن الباب وراح بدو يروح على الباب التاني ......... آم يلي بيعزف ربابة و لابس بوط رياضة رفع رجلوا و آللوا ...أخلعوا ............ أللوا الضابط ......لاء يا عمي مشي ....... راحوا على البيت التاني كمان ما فتحوا .......... سألني شو وضعون هدول التلوا بيجوز بس النسوان بالبيت و خايفين يفتحوا الباب ................سألني في عندون شباب ألتلوا : ما في ................و الزلمة بيشتغل حللاق و محلوا أريب من فرع أمن الدولة !!!!!! رد نط يلي بيدء ربابة و رفع رجلوا ببوطوا الرياضة و آل : أخلعوا .................... رد عليه : لك لاء لاء يا عمي مشي ......... كمان البيت التالت نفس الشي ......... و الشهادة لله ما خلعوا و لا باب بيت عنا بالبناية مع انو هاد يلي بيدء ربابة باينتوا روح ألبوا يخلع البواب و آخدة رجلوا يلي فيا بوط رياضة على هالشي ............ المهم رحمة كبيرة من رب العالمين انوا يلي اجوا لعندي كانوا قمة في الاحترام .......... طبعا اذا أخدت بعين الاعتبار انون عساكر و كيف العسكري بيتصرف .......................... المهم دخلوا الهويات على الكمبيوتر و رجعوا بعتولنا ياهون .................. كانت النسوان كلياتا مجتمعة على صفرة الدرج ..... وأأف الضابط و آل : في حدي تعدا عليكون .... سرقنالكون شي... ردت النسوان ..لا و الله خربنالكون شي ..........ردت النسوان ....لا و الله حدن اغتصبكون شي ....هون الكل استحا و سكت رد الضابط :لكن ليش عمتؤولوا أنوا نحنا عمنعمل هيك ...................... ,,,,,,,,,,,,,,,,,و انتهت,,,,,,,,,,,,,, هاد الحكي يوم الثلاثاء المسا بالليل صوت السيارت عمتنسحب و العسكر عميصفقوا و عميؤولوا : أبو حافظ (تصفيق )أبو حافظ ............. و صوت بعيد يصل الينا يقول ....... ليش .... ............الله معنا ........... الأربعاء استكمل انسحاب الجيش باتجاه القرابيص و القصور في الليل أصوات انفجارات عنيفة لا نعرف من أين هي ...................... الخميس لم أستطع الوصول لا أنا و لا أحد الى المعمل .................. الجمعة :كل الناس توقعت جمعة هادئة في الخالدية انتهت صلاة الجمعة و اذا بالناس كالعادة ........و لكن الصوت أعلى بكثير من كل مرة ............... بعد نصف ساعة ...............تقطع الكهرباء ........و نحن نقرأ اسم الخالدية على التلفزيون ... و بعدها اطلاق نار كثيف جدا جدا .......... أيضا لا أعرف من يطلق على من ........... و هكذا ...............دواليك ........ ................الملخص...................... 1-هروب و اختفاء المظاهر المسلحة في حارات الخالدية التي كانت تلاحظ من قبل الجميع عندما أذاع التلفزيون السوري ريبورتاج لقاءات مع أهالي الخالدية تناشد الجيش بالتدخل .... 2- ما حصل معي بالتفتيش هو رحمة من رب العالمين........ مع أن السمة العامة لهذه الحملة كانت الانضباط بالتعليمات التي تؤكد على حسن التعامل مع المواطنين .............كما لاحظ وجودها الجميع 3-لا كهرباء و لا اتصالات ليومين ............. 4-في الأحياء الداخلية........صودرت أسلحة و تم اعتقال الكثيرين كما جاء على التلفزيون السوري 5- كأنك يا أبو زيد ما غزيت لأنو رجعت حليمة لعادتا الأديمة أخيرا : حاولت أن أكتب بشىء من اللطافة و الابتسامة ......................... و شر البلية ما يضحك ...................... |
| الساعة الآن 06:08 AM. |
Powered by vBulletin® Copyright ©2000 - 2025, Jelsoft Enterprises Ltd.
TranZ By Almuhajir
جميع الحقوق محفوظة syria-stocks