الأسهم السورية ( المضارب السوري) - سعر صرف الدولار والذهب مقابل الليرة السورية اليوم الاربعاء 04 -12- 2013

الأسهم السورية ( المضارب السوري) (https://syria-stocks.com/forum/index.php)

رد: سعر صرف الدولار والذهب مقابل الليرة السورية اليوم الاربعاء 04 -12- 2013

أوضح رئيس "الجمعية الحرفية للصاغة والمجوهرات" بدمشق غسان جزماتي أن مشاريع قرارات سلمتها "وزارة الاقتصاد والتجارة الخارجية" إلى "جمعية الصاغة" أمس الأول، تتضمن تلبية مطالب "الجمعية الحرفية للصاغة والمجوهرات" بدمشق، فيما يتعلق بتصدير الذهب وإدخال الذهب المصنع، كذلك تحديد كمية الذهب التي يسمح للمواطن أن تكون بحوزته أثناء تنقلاته خارج البلاد، إضافة إلى السماح بالمشاركة بالمعارض الخارجية. نقلا عن الاقتصادي اون لاين

رد: سعر صرف الدولار والذهب مقابل الليرة السورية اليوم الاربعاء 04 -12- 2013

صباح الخير
شكراً للساحر على افتتاح المتابعة
و الشكر موصول لجميع الأخوة الذين يقدموا خبرتهم.

رد: سعر صرف الدولار والذهب مقابل الليرة السورية اليوم الاربعاء 04 -12- 2013

حالة الاسواق جامدة كتير
مع انو هلق اول شهر و بالعادة بتصير حركة بيع و نشاط
بالاسبوع الاول من كل شهر ...
كتير ايام عم تمر منسجل مبيعات صفر
مبارح بدي ادفع فواتير هاتف و كهرباء حوالي 60000 ليرة
كسرت من مصروف الاولاد منشان ما استدين
اسعار الدولار بمنطقتنا مبارح

142-144 شراء
148 - 150 مبيع
التدوال مبالغ محدودة جدا اكبرها قد يصل الى 1000

رد: سعر صرف الدولار والذهب مقابل الليرة السورية اليوم الاربعاء 04 -12- 2013

صباح الخير
أول مطرة وأول تلجة الناس بيتضبضبوا بالبيوت وبيأجلو مشاريعهم ، بعدين بترجع العجلة للدوران .
لذلك ممكن تستقر الأسعار اليوم وما تتغير كتير .
عالميا الذهب ما بتسر أحوالو ، الأسترالي والكندي متبهدلين
اليورو نص نص ، البريتيش باوند مروق اسمالله على مقامو .
سلامة الله يوجهلو الخير حاطط اللبناني بحضنو وعم يطبطب عليه ويقللو يسترجي حدا يزعلك .

رد: سعر صرف الدولار والذهب مقابل الليرة السورية اليوم الاربعاء 04 -12- 2013

السلام عليكم ورحمة الله وبركاته

اللهم اجعله يوم فيه الخير والبركة للجميع

” ارض بما قسم الله لك تكن أغنى الناس ”

رد: سعر صرف الدولار والذهب مقابل الليرة السورية اليوم الاربعاء 04 -12- 2013

صباح الخير جميعاً

سؤال للمشرفين
قرايبي مسافر وبدو شوية دولارات منشان الطريق
علماً بأن تكت الطيارة مقطوعة من البلد يلي مسافر عليه وما معو غير صورة التكت والسفر من مطار بيروت
فينو يشتري من البنك وإذا فينو شو الاوراق المطلوبة وأديش المبلغ المسموح فيه؟؟؟؟؟
يرجى الإجابة عالسريع

رد: سعر صرف الدولار والذهب مقابل الليرة السورية اليوم الاربعاء 04 -12- 2013

صباح الخير
يبدو ان الذهب ومن التحليلات الإقتصادية يتابع انخفاضه الى ١٢١٣ ثم ١٢٠٠ ثم ١١٨٠ ثم ...

رد: سعر صرف الدولار والذهب مقابل الليرة السورية اليوم الاربعاء 04 -12- 2013

اقتباس:

المشاركة الأصلية كتبت بواسطة rafek (المشاركة 318443)

انا رح جاوبك للسرعة مع اني مو مشرف

فيما يخص تكت الطيارة ، حتى لو آخدها من هون بتكون صورة ، بطلت هديك الدفاتر القديمة من زمان .
بياخد صورة هوية وسند اقامة وفاتورة موبايل ، لأقرب صراف نظامي يا بيعطيه 200 - 300 دولار ، يا بقلو مافي . شغلة دولار للمسافر خلصت من زمان .
المفروض مسموح بعشرة آلاف دولار .
وممنوع يطالع سوري ، وإلا كان طالما رايح لبيروت ، بشتورة بيصرف السوري وبلا منية حدا .

مشكلتو كتير سهلة : صحيح لا تقسم ، ومقسوم لا تاكل ، وكول لتشبع .

الحل بيني وبينك : ياخد معو السوري يصرفهم بشتورا ، بس يخلي معو ألفين بجيبتو ، وبس يوصل على الحدود ، يسأل بقلق : معي ألفين مسموح مر فيهم ، بيضحكوا على سذاجتو ، وبيقولولو روح وهنن عم يضحكوا على هالغبي ! طبعا ما بيشكو فيه ولا بقا يفتشوه .
شفت ان كتر الشد بيفلت من اليد ؟!

رد: سعر صرف الدولار والذهب مقابل الليرة السورية اليوم الاربعاء 04 -12- 2013

يسعد صباحكم جميعا ...

ويوم خير بالأمطار والعمل ان شاء لله ..