|
رد: مطلوب طبخة سهلة من المضاربات
--- الأكلات المعتمدة تكفي الى الآن :::: 1- كواج ( ينقصه توضيح اكثر بخطوات ) بس ما يكون بطول ما بحب ضيع وقتي بالمطبخ !!!! 2- معكرونة بلبن ( عطينا الطريقة انسة سلام ) . 3- مفركة بكوسا ( بدنا الطريقة ) او بعمل نفس طريقة الانسة روان وببدل البطاطا بكوسا يمكن بيمشي الحال . 4- شوربة المدام ام عدنان .... لازم تسميها شي اسم خاص . حاسس حالي جعت ... |
رد: مطلوب طبخة سهلة من المضاربات
اقتباس:
لا واللـــه مهاراتي الى الآن ( بطاطا مقلية - زنجر مقلي - بيض مقلي - بيض مسلوق - وجديدنا مفركة بطاطا <label for="rb_iconid_34">http://syria-stocks.com/forum/images/icons/icon36.gif</label> ) |
رد: مطلوب طبخة سهلة من المضاربات
جربت اكلة يمنية ..... كانت طيبة كتيييييير اسمها غريب او كل شي كان بالمينيو اسمو بضحك ( سحتة - مصولج - نفتيتة ....الخ الاسماء غير دقيقة ) طبعا اخدني رفيقي عالمطعم فأنا خفت ... قلت اكيد الاكل مو طيب ...... ووقت اجا الطبق وهو عم يغلي .... كمان شكلو ما عجبني ابداً ابداً ...... لكن عند الدوق ..... كانت اكلة رهيبة طيبة كتييييييير ..... لهيك هي دعوة لقضاء يوم في الاردن على طبق ( فحسة ) |
رد: مطلوب طبخة سهلة من المضاربات
بروكرنا هنة كل المفركات متل بعض
البطاطا والكوسا والفول واللوبية إذا بدك كمان فبتقدر تستفيد من الطريقة فيون كلون |
رد: مطلوب طبخة سهلة من المضاربات
اقتباس:
|
رد: مطلوب طبخة سهلة من المضاربات
شو سلام تحطيلو طريقة الرز ؟؟
إذا تعلم شلون بيقدر يساوي كومة طبخات :rolleyes2: |
رد: مطلوب طبخة سهلة من المضاربات
اقتباس:
ههههههههههههه فحسة... شوهالاسم هاد... شو بقلبها ياترى... عملت بحث على غوغل بس كأنك كاتب اسمها غلط فما طلعت معي اانا هلق لارجع على البيت بكتبلك خطوات الاكل المطلوب... بالمناسبة اكلة المعكرونة بلبن اللي اخترعتها بالاندومي بدال المعكرونة بتناسب كبار السن اللي مالهن سنان قوية ههههههههه... وانا مرة اخترعتها لستي كانت موجوعة بس النهفة اني حبيتها اكتر من المعكرونة العادية |
رد: مطلوب طبخة سهلة من المضاربات
قبل ما انسى رح اكتبلك طريقة الاندومي بالفطر...
جيب ظرف اندومي بالفطر... طلع المعكرونة منه.. وحطها بمي وحطها على النار وانتظر لتغلي المي والمعكرونة تفرط وتصير طرية... (انا بكسرها شوي قبل ما حطها بالمي) بعد ماتغلي جيب الطنجرة ونقص منها المي... بحيث يبقى بس شوية مي ... بعدين جيب جبنة سائلة كريمة (غودي مثلا) واذا مابتحب هي الجبنة في تجيب جبنة موزريلا او قشقوان او شيدر... اي نوع بتحبه.... بتحط قد مابدك معلقة معلقتين تلاتة....انا بحط بس معلقة وحدة... مشان الحريرات قال يعني... بعدين بجيب فطر مقطع وذرة..... يعني ربع علبة تقريبا... وفيك تحتفظ بالباقي شي يومين بالبراد... بغلسهن من اثر المواد الحافظة وبحطهن مع الجبنة فوق المعكرونة وبحط الظرف المرفق بالاندومي.. فيه النكهة تبع الفطر طبعا... بتقلبهن شوي....انا مابتفرق معي الفطر والذرة اذا مو كتير مستوويين بحبهن كيف ماكان وصارت الاكلة جاهزة صحة وهنا.... وهي الطريقة فيك تطبقها على معظم نكهات الاندومي بس انا حبيتها اكتر شي مع نكهة الفطر |
رد: مطلوب طبخة سهلة من المضاربات
اخي رامي بدي اقترحلك طبخة تاخذ بعين الاعتبار الناحية الصحية والسيكلوجية((النفسية)) لحضرتك بما انك صرلك فترة طويلة عم تاكل وجبات سريعة من المطاعم... مشان هيك استبعد من الناحية المنطقية الطبخات يلي فيها ويدخل فيها الاتي ((قلي - بطاطا- المعجنات-بيض)) والمعكرونة كمان بستبعدها ....بما انك اشتريت كيس معكرونة بس ما طبختوا لانك مابتعرف تطبخ معكرونة بلحقيقة هاد مو سبب وجيه لانك ما تطبخ المعكرونة خصوصا انو انت بتحب المعكرونة و كونك جائع بالتالي الدوافع موجودة انك تتعلم تطبخ معكرونة بس تفسير يلي صار يلي ما خلاك تطبخ معكرونة هو الاتي كونك كنت تاكل وجبات سريعة ومنها البتيزا و برك وفطاير ,,,,الخ مكونات هي الاكلات مشابه لمكونات المعكرونة مم ادى الي انعكاس العناصر الغذائية داخل جسمك على الناحية النفسية تبع حضرتك وبالتالي تولد شعور باطني برفض المعكرونة ...مم ادى الي تقاعسك لتعلم طبخ المعكرونة .... لذلك بقترح عليك اكلات فيها اللياف و خفيفة مافيها شحوم و كولستورل بالاضافة للشوربات آنفة الذكر منها مثلا مممممم ابو شلهوب سهلة تتكون من برغل و كوسا ممكن تاكلها بدون لحمة مفرومة مع انو اطيب معها و كزبرة وسن توم ممكن تاكل بجنبها صحن فتوش كمان سهل التحضير او سلطة عادية وحط مجنبها زبدية لبن رائب او كاسة عيران ووووووووووووو صحتين و عوافي |
رد: مطلوب طبخة سهلة من المضاربات
معكرونة باللبن: المقادير: 1- كيس معكرونة "صدف - حلزون" أو أي نوع أو 2 كيس سباكيتي 2- لحمة مفرومة (يفضل راس العصفور "يعني بتجي كبيرة شوي") 3- شوية سمنة 4- ملح 5- فلفل مقادير اللبن: 1- علبة لبن 2- سنين توم صغار 3- ملح طريقة الإعداد: تسلق المعكونة في طنجرة وتغمر المعكرونة بالماء بالكامل على أن تضاف المعكرونة بعد أن يغلي الماء ( في حال كانت المعكرونة المستخدمة سباكيتي يفضل تكسيرها إلى ثلاث قطع تقريباً قبل وضعها في الماء المغلية) وتغلى المعكرونة لمدة 10 دقائق تقريباً تقلى اللحمة مع الملح والفلفل إلى أن تستوي تصفى المياه الساخنة عن المعكونة وتغسل المعكرونة بالماء البارد جيداً إلى أن تبرد ثم تضاف المعكونة إلى اللحمة والسمنة وتقلب كل 5 دقائق إلى أن تسخن جيداً طريقة صنع اللبن يهرس سنان التوم ويوضعان في اللبن مع شوية ملح تقدم المعكرونة مع اللبن وصحتين وهنا الحقيقة انا أفضل المعكونة العادية عن الإندومي وهي سهلة التحضير متل مو شايف بروكرنا بس سلام عم تعطيك شي سريع مشكورة :) |
| الساعة الآن 07:20 AM. |
Powered by vBulletin® Copyright ©2000 - 2025, Jelsoft Enterprises Ltd.
TranZ By Almuhajir
جميع الحقوق محفوظة syria-stocks