|
رد: عاجل:الاستثمار بالفضة فرصة لتحقيق ثروة/ Silver VS Gold
اقتباس:
ما دخل الفترة أخي الفكرة انك اذا اخدت السعر بالقاع ممكن تحقق مربح كبير بعد شهر واحد فالفترة ليست عبرة وعلى فكرة حركة الفضة أسرع بكثير من حركة الذهب يعني بينزل بسرعة كبيرة وبيرجع بيطلع بسرعة كبيرة فإذا اكنت التحليلات الي قرأناها أنه الفضة وصل للقاع معناها سنتوقع خلال أشهر عودة للمستويات القديمة. بالنهاية انا بصراحة الي صار معي اني هيك قرأت وقررت اضرب الطينة بالحيط من هون لبين ما يستقل الوضع الاقتصادي بسوريا وارجع للأسهم اشتريت كثير فضة وشوي ذهب Big Grin |
رد: عاجل:الاستثمار بالفضة فرصة لتحقيق ثروة/ Silver VS Gold
اقتباس:
هي ما خطرت ببالي ولكن ... الفضة تدخل في صناعة السيديات والديفيدي والكيبورد .... وأمور كثيرة أساسية أي ليست رفاهيات :confused2: وبالتالي قد لا تتأثر بالركود بينما تخطر لي هنا فكرة أنه هل سيتأثر الذهب بانخفاض الطكلب على الحلي الذهبية بسبب الضعف الاقتصادي العام ؟؟؟ |
رد: عاجل:الاستثمار بالفضة فرصة لتحقيق ثروة/ Silver VS Gold
بارك الله لك في تجارتك وجعلها حلالاً طيباً ، أتمنى متابعة كل جديد في مجال الفضة باعتبارك آخد كتير :)
|
رد: عاجل:الاستثمار بالفضة فرصة لتحقيق ثروة/ Silver VS Gold
اقتباس:
اي حسب التقارير الدهب بدو ينزل كمان...بس بتوقع محا ينزل متل نزول الفضة كون الدهب يلي عم يدعموا ....هي مشاكل ديون اوربا وامريكا... |
رد: عاجل:الاستثمار بالفضة فرصة لتحقيق ثروة/ Silver VS Gold
اقتباس:
بتعرف شغلة ؟؟؟ انت فوتتني بالحيط ... يعني هلأ نحن شو نشتري ؟ يورو مخوطر دولار الاقتصاد الأمريكي عليه مشاكل غير عملات ما حدا بيشتريها منك ذهب سينخفض بسبب قلة الطلب على الحلي !!! الفضة سينخفض بسبب الركود الاقتصادي وبالتالي قلة طلبه بالصناعة !!! أكيد في ثغرة بهذا الحكي أخي لأن مو معقول كل شي ينخفض سوا، مستحيل أكيد في شي رح يطلع لأن الطلب سيتوجه إليه. وبرأيي المعادن هي الأفضل ... فكر وخبرني |
رد: عاجل:الاستثمار بالفضة فرصة لتحقيق ثروة/ Silver VS Gold
اقتباس:
أقرب شي للمنطق هو ما تفضلت به أخي الكريم = الولايات المتحدة تبيع الناس الوهم على شكل دولار مطبوع ... سيرتفع عند الحملة الانتخابية قريباً لكن اليورو سكران يوم فوق يوم تحت... والنفط كذلك بسبب التصريحات السياسية والجو المشحون ... إذاً بمعزل عن كل الضبابية في الرؤية .. البنوك المركزية العالمية ماذا تفعل ؟؟؟؟؟ الجواب : تشتري الذهب والبلاتينيوم والفضة.. إذاً نقطة انتهى وبالأخير تاجر ومنجم بآن واحد مابيمشي الحال :) |
رد: عاجل:الاستثمار بالفضة فرصة لتحقيق ثروة/ Silver VS Gold
اقتباس:
اقتباس:
هههههه اي تسلمولي انتو الجوز شو فايتين بستميت حيط شباب ركزوا امعي شوي هلئ التوقعات تشير انو الاقتصاد العالمي داخل بركود هاد معناه انو المعادن بشكل عام بدها تتراجع لكن القاعدة بتقول كل ركود بأدي الي ارتفاع في الدولار الامريكي يعني خلال شهرين الى ثلاث اشهر القادمة الدولار بدو يحافظ على قوتوا وبنفس الوقت المعادن بدها تصل لذروة الانخفاض هون الشاطر لازم يستغل ذروة الانخفاض ويشتري فيها لان بعد الذروة بدو يصير ارتدادات هاد توقع مو اكتر بجوز يصير ارتداد قبل ثلاث اشهر وبجوز يصير بعد على حسب التطورات الاقتصادية يلي بدها تطرأ على الدول العظمى اقتصاديا وصلت الفكرة ولا هئ |
رد: عاجل:الاستثمار بالفضة فرصة لتحقيق ثروة/ Silver VS Gold
الله يعطيك العافية اخ كنان "نت برو" دائما بتحب تعطينا اللي توصلت له شخصياً بشعورك باعطاء المنفعة - صرلي اربع ايام عم حاول ادخل الموضوع لحتى اقرأ ما فيه لكن كل مرة بصير معي ظرف بيمنعني وبيسرق مني الوقت . النقاشات حلوة وبتسلط الضوء على اسياء يمكن ما تكون خاطرة على بالنا ... - اما اذا بدي اعطي رأي فرأيي هو التحليل الفني فقط لا غير ، وذلك لاننا نعتبر عالميا امام الفضة والذهب والعملات "صغار المضاربين " ولا يقوم بالتحليل وفقاً للتصريف والطلب العالمي الا البنوك التي تريد ان تستثمر مليارات الدولارات في السلع كالفضة والذهب . ومشاركة الاخ علي صحيحة في المقارنة بين السلع ورغم صعودها الرهيب انها لا تكافئ باقي انواع الاستثمار .... لذلك لتكن المعادث الثمينة كما تسمى ( البديل الآمن ) من الكوارث وغيره لانها لا تفقد قيمتها كالورق المطبوع . - في التحليل الفني فان الفضة يعطي اشارات هبوط في الوقت الطويل "سنة " واشارات صعود على المدى المتوسط والقريب . في حالته الآن يدلل التحليل الفني انه الى 30.90 ويعطي ايضا اشارات الارتداد من نقطة 26.50 للأعلى وفي حال أغلق الذهب لا أقول كسر بل حقق إغلاق تحت 25.75 وهنا لا نستيطع التنبؤ بالاغلاق عند هذا المستوى الا بمالراقبة ففي حال حقق الاغلاق تحت هذا الرقم فإن المحطة الاخيرة للفضة هي : 21 دولار . وأخيرا هي عبارة عن نظرة شخصية للمؤشر مع التحية والشكر |
رد: عاجل:الاستثمار بالفضة فرصة لتحقيق ثروة/ Silver VS Gold
والله داخ راسنا ... ومتل ماقال احد الاخوة احسن شي نروح نعطي هالكم ليرة المشرشحين لجمعية خيرية...هههه
بس بعد الاخد والرد والنقاش... يمكن نظرية الاستاذ بشار احسن شي... التنويع ثم التنويع ثم التنويع.... وخلصت القصة...بس طبعا التنويع بيخفف من الارباح.... يعني مارح تجي ضربة العمر من وراه... |
رد: عاجل:الاستثمار بالفضة فرصة لتحقيق ثروة/ Silver VS Gold
اقتباس:
بعتئادي مابختلف اسلوب توقع صغار المضاربين وبين البنوك المركزية من ناحية اتخاذ القرار عند نقاط معينة بالبيع او شراء وبالتحليلات الفنية والاساسية ... لكن الاختلاف يكون بتنويع الاصول وبفترات الزمنية للاستثمار و التحوطات وبدرجة خطورة الاستثمار البنوك المركزية غالبا لا تشتري على اساس ان تبيع على المدى القريب مثلا..... على المدى البعيد التحليل الفني لا يعتمد عليه في الدرجة الاولى بل ياتي بعد التحليل الاساسي بخلاف المستثمر الذي يستثمر على المدى القريب فالامر معكوس الذي يعتمد عليه في الدرجة الاول هو التحليل الفني بعد ذلك يؤخذ بالتحليل الاساسي في المرتبة الثانية فالشباب بدون يستثمر على المدى الطويل نفترض سنة فسؤال كيف نوفق بين التحليل الاساسي و تحليل الفني..؟ حسب تحليل اخ بروكر المفروض ما يشترو بالوقت الراهن كون تحليل الفني يشير انو الفضة بدها تتراجع على مدى سنة بس انا شايف انو لازم ينتظروا حوالي شهرين و انتظار هبوط اكبر ثم يقوموا بالشراء عندها فيكونوا رابحين مع نهاية سنة 2012 اعتمادا على التحليل الاساسي وشكرا |
| الساعة الآن 07:16 PM. |
Powered by vBulletin® Copyright ©2000 - 2025, Jelsoft Enterprises Ltd.
TranZ By Almuhajir
جميع الحقوق محفوظة syria-stocks