|
رد: سعر صرف الدولار والذهب مقابل الليرة السورية ليوم الخميس والجمعة 24و25 - 04-2014
26 Apr 2009 00:00 UTC - 25 Apr 2014 09:25 UTC
USD/IRR close:25536.26149, low:9593.00000, high:25641.02564 الريال الايراني كان 9593 ريال مقابل كل واحد دولار في نيسان عام 2009 ارتفع إلى 12285 في بدايات 2012 واستمر بثبات حتى الثلث الأول من 2013 ثم قفز فجأة إلى 24850 ريال مقابل الدولار أكثر من الضعف قليلا ومازال في تحليقه وأقفل اليوم عند 25536.26 ريال للدولار وقد تخلل الفترة ترفعات بسيطة وصل في اقصاها إلى 25641.02 ريال للدولار . موضوع يستحق التفكير |
رد: سعر صرف الدولار والذهب مقابل الليرة السورية ليوم الخميس والجمعة 24و25 - 04-2014
سيد الفقير (هيك ترجمة اسمك من الانكليزية ويمكن كون غلطانة بس اسم حلو كونوك فقير لله ) سيدي الكريم انا اكيد مو تابعة لحدا ولا بشتغل عند حدا ولاحدا الو سلطة علي (وهذه حقيقة ) ولكن اذا انت افترضت اني اعمل دعاية للمركزي .. فأنت مخطأ واذا فرضنا انو يحق لك التساؤل ايضا كان لابد لك ان تسأل عن البعض الاخر يلي عم يعمل دعاية للسوق السوداء .. وطبعا شتان بين المركزي والسوق السوداء فبكل بساطة المركزي مابيخسر بالمقابل خسارة المتعاملين بالسوق السوداء خلال تجاوزت 80 مليون دولار والنسبة مرجحة للازدياد . انا بحترم الكلام يلي بينعكس عارض الواقع ... سيدي الكريم المركزي لايخسر وعندو نفس عاللعب مع السوق السوداء وطبعا بشروطه يلي بيوحيلون فيا المركزي انو هني حاطينا ولكن بالحقيقة هو حاططها |
رد: سعر صرف الدولار والذهب مقابل الليرة السورية ليوم الخميس والجمعة 24و25 - 04-2014
جار متابعة تأثير قطع خط الغاز الرئيسي عن محطات الطاقة في الجنوب على سعر الصرف .. أصحاب التحليل أفيدونا ------------ عطفا على المشاركة النبيلة لأحد الاعضاء وسؤاله عن الموضوع وتأثيرو على سعر الصرف طبعا بالنسبة ليلي قطعو الخط انقطعو عن التواصل مع الدنيا , وبالنسبة للخط ابل شي ساعتين اتصلح بشكل كامل ,وحطو رغوة صابون على مكان الاصلاح للتأكد من وجود اي تنفيسة للغاز وماطلع في اي تنفيسة والكهربا بلشت تنتظم بأغلب المناطق بالنسبة للتأثير حسب اشهر الخبراء انو تأثيرات انقطاع الخط على سعر الصرف حتى بعد اصلاحو سيكون لها تأثيرات لاتحمد عقباها كونو هو الحادث الاول من نوعو بالبلد والبلد ينعم بالاستقرار ومافي ضربة رصاص واحدة لو ما هالمنغص تبع خط الغاز فالله يستر من هيك تأثير علما كمان في أزمة بالصومال ممكن كمان يتفاعل معها سعر الصرف عنا .... الله يستر |
رد: سعر صرف الدولار والذهب مقابل الليرة السورية ليوم الخميس والجمعة 24و25 - 04-2014
يوم سعيد للجميع
يا جماعة قوة الليرة السورية وقيمتها كانت في ابار النفط التي تسرق وتباع الان وفي مصانع ومعامل حلب التي دمرت شبه كامل .قوتها كانت في معالمنا السياحية والدينية التي دمرت . قوتها كانت من الشعب السوري الذي قتل منه حوالي نصف مليون وهجر ونزح حوالي عشرة ملايين وابدا لم تكن قوة عملتنا في تدخلات المركزي وفي تصريحات الدكتور اديب ميالة الى كل من يحلم ان ينخفض سعر دولار هل يستطيع ارجاع كل هذه الامور التي ذكرناها الى سابق عهدها الى كل من يحلل الاقتصاد السوري ويحدد نقاط دخول وخروج لشراء عملة سورية اقول له ان عملتنا السورية صارت متل المريض مرض موت سريري والغايب عن وعي وعم يحط له جهاز انعاش وتنفس اصطناعي (تدخل المركزي )واذا قطعو عنه الانعاش مات فورا ولكن حتى هذه الاجهزة ( تدخلات المركزي )لن تعيش المريض الى فترة طويلة فقط هي فترة معينة وسوف تنتهي وقت ما |
رد: سعر صرف الدولار والذهب مقابل الليرة السورية ليوم الخميس والجمعة 24و25 - 04-2014
مساء الخير جميعا
|
رد: سعر صرف الدولار والذهب مقابل الليرة السورية ليوم الخميس والجمعة 24و25 - 04-2014
الدهب العالمي1302
|
رد: سعر صرف الدولار والذهب مقابل الليرة السورية ليوم الخميس والجمعة 24و25 - 04-2014
في نقطة بالنسبة للمشتقات النفطية وهي التفريق بين دول منتجة او مستوردة بالسعوديه مثلا سعر الليتر حوالي نص ريال وتأتي كثاني ارخص دوله بالبنزين بعد فنزويلا يعني الليتر تقريبا خمس وعشرين ليره ،، بمصر يبدأ السعر من تسعين قرش الى ستة جنيه تقريبا حسب الاوكتان من تمانين الى خمس وتسعين اوكتان ،،،، بالضفة الغربية ،،دولارين ،،،، الاردن دولار ونصف لبنان تقريبا مئة وتسعين ليره تركيا غالي اكتر ،،،مابحثت عن سعره،
، وبالتالي البنزين مازال مدعوما لدينا طبعا ملاحظه نحنا كمان محتلين ادنى دخل للفرد في المنطقة ليوافق شن طبقة وهالسياره مش عم تمشي ،،، بدو حدا يعبيها ،، ودفشه |
رد: سعر صرف الدولار والذهب مقابل الليرة السورية ليوم الخميس والجمعة 24و25 - 04-2014
سوالف يوم الجمعة
باعتبار الدستور السوري تغير وصار في انتخابات وليس استفتائ لو فرضنا فرض انو المعارضة كلها اتفقو وما قاطعوا الانتخابات واعطوا صوتهم للمرشح الجديد (ماهر ) ونجح هو في الانتخابات كيف بدو يصير الوضع السياسي والاقتصادي في البلد |
رد: سعر صرف الدولار والذهب مقابل الليرة السورية ليوم الخميس والجمعة 24و25 - 04-2014
اقتباس:
عموما الكوسا ارتفاع طفيف 40 ل س زيادة عشر ليرات شايفين قلنالكم انسوا المركزي شوي وروحو اشترو كوسا احسللكون انخفاض سعر السمنة العربية الى 1000 ل س وفي 900 انخفاض اللبن العربي الى 110 للكيلو بعد ماكان 80 صار 100 صار 125 صار 130 رجع هلا لل 110 ارتفاع السكر الى 5250 لكيس ال 50 كيلو ارتفاع الرز الى 3900 بعد ماكان حوالي ال 3500 ارتفاع الشاي كرتونة 5 كيلو الى 5300 كانت 5000 الفاصوليا الخضرا التازة مو برادات ب 200 فول اخضر ب 50 وفي 35 فليفلة خضرا 200 بندورة 100 وفي ب 90 وفي بطاطا نازلة عالسوق شغل مصر ب 80 للكيلو بالجملة وفي بطاطا اردنية كمان بس ما رجعت شفت منها والبطاطا البلدية 100 للكيلو بالجملة واهم شي انخفاض سعر ( الجبن العربي ) الحلو الى 240 للكيلو وجبن المونة المالح ب 350 وبما انو اخر الشهر جميع ما ذكر اعلاه اسعار غالية كتير كتير كتير العالم مفلسة وعم تدبر حالها بالموجود والحواضر والاكلات الخفيفة مجدرة وبرغل على بندورة واهم شي الكوسا واحلى تحية للكوسا وعقبال اللحمة ان شاء الله |
رد: سعر صرف الدولار والذهب مقابل الليرة السورية ليوم الخميس والجمعة 24و25 - 04-2014
بما انو اليوم جمعة حبيت اشاركون بهالموضوع
اللبنة اذا اردت توفير زيت للبنة هناك عدة طرق بامكانك تعبي قطرميز اللبنة وتكبسو منيح وعلى وجهو من فوق بتحط زيت شي يغمر اللبنة بالكامل وبتتحمل بلا براد كم يوم بس مو كتير لذلك يفضل وضعها بالبراد بامكانك تحطها بكياس نايلون كل نص كيلو لحال وتحطها بالفريزة وبتضل قد ما بدك وكل ما بدك بطالع كيس وبتاكل اما اذا ما عندك كهربا وبدك اللبنة مونة السنة كلها اجباري وغصب عنك بدك تجيب زيت وبعينك الله واذا بدكم تاكلو لبنة ممتازة قومو بتنشيفها بالبيت افضل وارخص واحسن وانظف |
| الساعة الآن 04:48 AM. |
Powered by vBulletin® Copyright ©2000 - 2025, Jelsoft Enterprises Ltd.
TranZ By Almuhajir
جميع الحقوق محفوظة syria-stocks