صباح الخير
كنت عم اقرأ مقال إقتصادي طويل لأحد الأساتذة ما فهمتو مع انو متكلف الرجل و جايب اقتباسات من أسماء علماء إقتصاد بالشرق و الغرب .
لسى انا ما فهمت اقتصاد السوق الاجتماعي لحتى افهم اقتصاد السوق الانساني .
بالنهاية بعد ما قرأته مرتين وجعني راسي و ما فهمت شي .
يا ريت لو انو اساتذة الجامعة لما يكتبو بالجرايد تكون كتاباتهم بشكل أوضح و أكثر اختصار و وضوح .
المقال بالجريدة المفروض يكون مفهوم من أغلب القراء مو متل المحاضرة الاكاديمية بالجامعة.

المشاركة الأصلية كتبت بواسطة غسان (المشاركة 336103) صباح الخير اهلين ابو عمر مشكله هالنت البطيء مالو دوا ،، بالنسبه لبياع الخردة وباعتبار صار معو ملايين الدولارات ممكن يكون غير شغلتو فصارت السما تشتي عمله عليه ،،،، ........

المشاركة الأصلية كتبت بواسطة عابر مجيب (المشاركة 336110) في موضوع بيحيرني هو الرزق المحتوم يعني شغلة بتدخل بالايمان وأي تناقض فيها أو اعتراض ، ممكن يزيحنا إلى جادة الكفر وعدم التسليم . لاقيتلها تخريجة هلأ الرزق اليوم نحنا بنقيسو بالمصاري ، وبننسى ان الرزق هو خليط من مكاسب إذا أدخلنا الكل بالمعادلة بتصير الفكرة أقل تناقضا بمعنى ان الله رزقنا العقل ، ورزقنا الصحة ، ورزقنا التذوق للطعم والفن ..... فقد يكون رقم المال عند أحدهم أكبر من الآخر ولكن لم يرزقه الله راحة البال وهكذا وبذلك قد يكون بعض الفقراء أكثر رزقا من بعض الأغنياء أنا مرزوق مثلا بالمتعة بطعم الشنجليش الرخيص ، وغيري قد لا يجد نفس المتعة بالحلاوة الغالية. المشكلة أن الناس تحاول التقليد ، وتنافي رزقها ( رغباتها الحقيقية ) وتتحول إلى ما لا متعة فيه وتجاهد في قبول طعم يخالف ذوقها ، للتشبه بمن تتخيل انهم أوفر رزقا . هيك ممكن نفسر معنى الرضى بما رزقنا الله ، واننا لن نحصل على أكثر مهما جاهدنا ، ولربما الطمع بالاستزادة ينقلب وبالا علينا . الفكرة مو مختمرة ، بكرا ( لما استقبل من الزمان ) بعمل فيها بحث وبنافس كتّاب الاقتصاد الديني والدارسين .