رد: سعر صرف الليرة مقابل الدولار 2013/01/16 في السوق السوداء
 

شارع القوتلي - زاوية مفرق سوق الذهب - اسم المحل ( الفانوس )
او انت ونازل من سوق القزازين بس توصل على شارع القوتلي بيكون على الزاوية على ايدك اليمين

رد: سعر صرف الليرة مقابل الدولار 2013/01/16 في السوق السوداء
 

هو صراف مرخص.؟؟ متلو متل السلطان و حنيفة مهيك؟

رد: سعر صرف الليرة مقابل الدولار 2013/01/16 في السوق السوداء
 

[quote=احمداحمد;250229] الله يعطيك العافية أخ أحمد ومشكور على الجهد اليومي بمشاركتنا اسعار الدولار .. بس اليوم حوالي الساعة 4 سمعت انو ارتفع شوي السعر بالسوق لانو كنت ناوي اشتري بضاعة والتاجر رفع السعر بحجة انو السوق ارتفع كان حاسبلي البضاعة على 93,5 وفجأة صار بدو يحاسبني على 94,25 ... انا بصراحة ما سألت عن السعر المسا لانو اجلت شغلي للصبح افضل ....:)

رد: سعر صرف الليرة مقابل الدولار 2013/01/16 في السوق السوداء
 

[QUOTE=GoldMan$;250233]
يا سيدي الفاضل الدولار ما وصل اكتر من93.25 للشراء و94 للبيع وانا واثق من هذا السعر


بعدين يا اخي Gold man انا تاجر ومستورد ومن مصلحتي متابعة الدولار بشكل مباشر

عذرني على الاطاله ولكن للتوضيح فقط انا بعتبر هل الموقع بمثابة صدقه جاريه من اجل افادة الغير

ولا اريد لا جزاء ولا شكوره من شان هيك كون على ثقه من السعر الي بكتبه لانه حقيقي 100%

رد: سعر صرف الليرة مقابل الدولار 2013/01/16 في السوق السوداء
 

[quote=احمداحمد;250234] برجع وبكرر شكري الك اخ أحمد ...
انا ما عم شكك باسعارك لانو انا كمان بشكل شبه يومي بسأل عن الاسعار من عند الساعي واحيانا من عند الجانودي وبعرف اسعارك مظبوطة 100 % بالنسبة لسوق اللاذقية ...
أنا كنت عم اذكر بس شو صار معي بيجوز التاجر اللي عم اتعامل معو عم يجيب اسعار من عند حدى تاني ... ما مشكلة ...
اللي صاير اغلب تجار الجملة للبضائع المستوردة عم يحاسبونا بالدولار خلص ما بقى يوجعوا راسهم بالليرة طلعت نزلت واذا بتقلوا بحاسبك بالسوري بيشيل التلفون وبيدق للصراف وبيسأل عن السعر وفورا الالة الحاسبة جاهزة بيحسبلك السعر على سعر السوق باللحظة ...

رد: سعر صرف الليرة مقابل الدولار 2013/01/16 في السوق السوداء
 

رد: سعر صرف الليرة مقابل الدولار 2013/01/16 في السوق السوداء
 

$1680.2600
التغيير
0.7800
نسبة التغيير
0.0464 %

سعر الافتتاح
1679.4800
اعلى سعر 1685.1300
ادنى سعر
1673.2100

رد: سعر صرف الليرة مقابل الدولار 2013/01/16 في السوق السوداء
 

[quote=احمداحمد;250229] يعطيك العافة اخوي ، صرفت ٢٠ الف دولار ب ٩٣.٢٥ من عند متياس و اهلي هلئ عم يكتبوا عقد المحل..

رد: سعر صرف الليرة مقابل الدولار 2013/01/16 في السوق السوداء
 

عفكره شباب في احتمال كبير بكره يوصل السعر ل ٩٤ بيع و ٩٦ شراء ...بس انا صرفت لاني مضطر و عاطي كلمه.

رد: سعر صرف الليرة مقابل الدولار 2013/01/16 في السوق السوداء
 

مسل الخير شباب
شو وصل اسعار الدولار بحلب ارجو الافادة مع الشكر لتعاونكم

رد: سعر صرف الليرة مقابل الدولار 2013/01/16 في السوق السوداء
 

[QUOTE=lord1983;250238] انشاء الله الف مبروك وعقبال البيت والسياره والشركه والمية مليون دولار

رد: سعر صرف الليرة مقابل الدولار 2013/01/16 في السوق السوداء
 

مع تقديري أخي الكريم لرأيك, لكن على ماذا اعتمدت في احتمال صعود سعر الدولار بحوالي 2 ل س ليوم الغد؟ هل لديك تقارير مؤكدة أم هو مجرد تخمين؟

رد: سعر صرف الليرة مقابل الدولار 2013/01/16 في السوق السوداء
 

[quote=احمداحمد;250244] جبيب القلب.. و الئايل ان شاء الله.. الله يرزق الجميع و يفرجها عهالشعب.

رد: سعر صرف الليرة مقابل الدولار 2013/01/16 في السوق السوداء
 

[QUOTE=lord1983;250238] اليوم اسوء صراف عنا بحماة اشترى على 93.50 واغلق السوق عنا الساعة 6 المسا على مبيع 95 شراء 94 وبصراحة مستغرب كتير يعني كيف عنا عند العقاد وعند السمان توقف المبيع وعند البقية ارتفع و لسه السوق بالشام هامد كتير برأي السعر الحقيقي بهل الايام يلي مضت كان بحلب وحماة بس ...و اللاذقية وطرطوس مشيت على مسار الشام

رد: سعر صرف الليرة مقابل الدولار 2013/01/16 في السوق السوداء
 

[QUOTE=lord1983;250222] كلامك صحيح اخي لورد وبالفعل يبدو بقية المحافظات رح تلحق بسعر حلب وحماة بالشراء والمبيع وبأييد كلامك انو في قفزة كبيرة جاية بهل اليومين وباعتقادي يوم الاثنيين القادم رح نشهد سعر 96 _ 97 اذا الله راد والعلم عند الله

رد: سعر صرف الليرة مقابل الدولار 2013/01/16 في السوق السوداء
 

كل شخص عما يراهن على وصول الذهب لعتبة 2000 دولار للاونصة فهو واهم وواهم بشكل كبير ... وبحب اعطي معلومة بسيطة للبعض داخل سوريا كنا قبل الاحداث لما نشتغل بالذهب سواء الكسر او الرمل كنا نراقب البورصة واي ارتفاع او انخفاض بسيط بالاونصة عالميا ولو عشرة دولار كنا نستفيد بجني الارباح بس حاليا اذا بترتفع الاونصة او بتنخفض بمقدار 50 او 60 دولار ما بتستفيد شي ومافينك تجني اي ربح لانو قديما كانوا تجار الذهب ياخدوا عشر ليرات + _ على الغرام واحيانا يكتفوا بهامش ربح خمس ليرات + _ بس حاليا الهامش بين البيع والشراء عما يكون 100 ليرة تقريبا يعني بالاونصة عيارة 21 الكسر عما يربحوا فيها التجار 3550 ليرة واذا قسنا اي هبوط عالمي او صعود 40 دولار للاونصة بكون المستفيد الاول والاخير الصائغ بسبب الفارق الكبير بين الشراء والمبيع فنصحية للجميع محد يشتري ذهب بهدف المضاربة اذا استمر الامر هيك لانو رح يجمد ومارح يقدر يقوم بالمضاربة ويحقق ولو هامش ربح بسيط ... حاليا عمل المضاربة بينحصر فقط بالدولاار لانو اكثر رواجا ...اكثر تداولا ... الاف عمليات البيع والشراء بتم يوميا ...هامش ربح اكبر

رد: سعر صرف الليرة مقابل الدولار 2013/01/16 في السوق السوداء
 

يقول احد مغسولي الدماغ

"وكيف بتسمح لنفسك تصدق عيونك
ما لك سمعان عن خائنة الاعين
انت عيونك خائنة"
والله يا اخي ناس كتير شافت يللي شفته حضرتك
وفيع ناس ضمن الحدث وكانت داخل الكلية ومع ذلك عم تردد كلام قناة الدنيا
عودة لموضوع الاسعار اليوم واحد من الشباب قال شغلة خطيرة كتير انو في ورقة نقدية جديدة من فئة 2000 ليرة ارجو ان تكون اشاعة كاذبة
لانه اذا كانت صح معناها فتنا بالحيط اكتر مالنا فايتين

رد: سعر صرف الليرة مقابل الدولار 2013/01/16 في السوق السوداء
 

لا تنسى اخي اليوم الارتفاع يلي حصل بالمركزي وهل الارتفاع وصل الدولار بالمركزي عتبة 80 ليرة واذا تخطى حاجز 80 ولو بعشرة قروش ثق تماما اخي الدولار رح يكون 94 96 وباعتقادي السعر مرشح لوصوله يوم الاثنين 96 97 تقبل تحياتي مشاركتك بسعر الدولار اليوم لفتت انتباهي وبتستحق عليها الشكر مو بس مني من كل الاعضاء لانها اصابت السعر 99 بالمئة مع وجود فوارق قروش من صراف لاخر...شكرا اخي ساجد اخوك انس الحموي

رد: سعر صرف الليرة مقابل الدولار 2013/01/16 في السوق السوداء
 

اطمأن اخي مجرد اشاعة ....ولو حدثت بتكون الدولة واقصد اقتصاديا بتكون حفرت قبرها بايدها

رد: سعر صرف الليرة مقابل الدولار 2013/01/16 في السوق السوداء
 

السلام عليكم اخواتي :
شو قصة هل الدولار حلف يمين مايرتفع لفوق 94 انا اشتريت ب 96 حدا يعطينا شوية توقعات من يلي عندن خبرة بالبورصة انا شايف انو عم يرتفع بالسعر الرسمي من المصرف المركزي ممكن يرتفع بالسوق الحرة .....
شكرا

رد: سعر صرف الليرة مقابل الدولار 2013/01/16 في السوق السوداء
 

سؤال موجه الى استاذ رامي العطار ارجو الاجابة لو سمحت
ما رايك بهذا الكلام الوارد أدناه طباعة ٢٠٠٠ ليرة ورقية هل يعني ان الليرة باي باي
أفادت مصادر حكومية بأن المصرف المركزي ينوي طباعة بعض فئات العملة السورية بشكل جديد، بحيث من الممكن صك عملة جديدة من فئة الـ /50/ ليرة، وطباعة عملة جديدة من فئة الـ /2000/ ليرة سورية، وقد يقوم المركزي أيضاً بإعادة طباعة عملتي الـ /500 و 1000/ ليرة سورية بشكل جديد.

وكان قد صدر المرسوم التشريعي رقم /1/ لعام 2010 القاضي بصك نقود من فئات جديدة تتضمن إضافة فئة الـ /50/ ليرة سورية "معدن".

ويأتي هذا الإجراء الذي كشف عنه موقع" سيريانديز" بعد أن كشف حاكم مصرف سورية المركزي أديب ميالة عن استعداد روسيا لطباعة العملة السورية بأفضل الميزات في مطابعها المتميزة والتي تطبع لأهم دول العالم، وستقوم بتزويدنا بالطباعة، لافتاً إلى أن طباعة العملة أمر صعب وتقني لعدة عوامل خاصة بالورق والأحبار، كما أن مصانع العملة في العالم معدودة.

وجاءت هذه الخطوة في ظل توقف كافة العقود المبرمة لطباعة العملة مع المصارف النمساوية، وعجز المركزي على تلبية احتياجات السوق من كافة فئات العملات المختلفة.

رد: سعر صرف الليرة مقابل الدولار 2013/01/16 في السوق السوداء
 

مشكور أخي أنس الحموي لردك اللطيف وايضاحك, أسأل المولى أن يحفظكم وسائر الأخوة في المنتدى وفي أرجاء بلاد الشام المباركة

أخوكم ساجد من حلب

رد: سعر صرف الليرة مقابل الدولار 2013/01/16 في السوق السوداء
 

يعني قولتك القيادة الاقتصادية للبلد عندها حكمة وذكاء بيجنبها هيك خيار وطبعا عندها موارد مالية كمان ههههههه