|
رد: عن الاستثمار في المعادن
أخ عمار الشامي ,,,
الذهب بالسوق المحلي مقوم بالدولار يعني مقسوم الى شقين ذهب + دولار يعني بجوز يرتفع او ينزل حسب سعر صرف الدولار وما تكون الاونصة تغيرت عالميا لما بدك تشتري ذهب لازم تشوف هل سعر الصرف بالنسبة للدولار ملائم للشراء وتشوف ايضا هل سعر الاونصة عالميا مناسب للدولار ... انت عم تشتري سلعتين بآن واحد Big Grin اذا بدك تشتري ذهب قشر ( كسر ) خليك على عيار 21 او أكثر 22 أو 24 السعر بيختلف من صائغ الى آخر يعني سعر النشرة اليوم فرضا 3475 ل س الصائغ ببيع كسر حسب سعر السوق + 15-25 ليرة لان سعر السوق بيختلف حسب اختلاف سعر صرف الدولار بالسوق وويمكن يتغير عدة مرات باليوم ولما بدك تشتري اسال عدة صياغ ولما بدك تبيع نفس الشيء |
رد: عن الاستثمار في المعادن
مشكور أخي رامي بدي أعطي مثال لحتى توضح الصورة عندي اذا كان سعر الاونصة 1750 على المؤشر وبنفس اللحظة رحت لعند الصايغ بدي بيع اديش المعقول ياخد الصايغ ربح كم دولار على الاونصة ليس هنالك قاعدة محددة وخصيصا في سوق الصاغة السورية وبكل الاحوال انا اعمل من خلال البورصة ولا اعرف قوانين الصاغة السوريين من حيث العمولات . وهو بيشتري مني سعر اللحظة يلي واقف فيا عندو ولا في تثبيت اسعار مثلا كل يوم كل يوم جمعية الصاغية تعطي السعر في ساعة محدد ويتم العمل عليه خلال اليوم ولو تحرك عالمياً ... أيضا توقع . -والفرق بين البيع والشراء يعني لنفرض انو الاونصة ب1750 ازا بدي بيعا طيب ازا بدي اشتري اديش بيحسبا الصايغ اعزرني اخ رامي انا غشيم بالموضوع اعتقد ان الاخوة ربما يفيدوك اكثر مني ممن تعاملوا مع الذهب من الصاغة ... اعذرني انت :) -مشان الفضة سالت بسوق الصاغة بشام ما لقيت وفي صايغ قلي انو ازا اونصة الفضة عالميا ب33 ماحدا ببيعنياها تحت 45 بس ما قتنعت حسيتو بدو يبيعني ذهب انا سؤالي ازا لقيت بسوق فضة باديش ممكن اشتريا ازا سعر الاونصة 33 دولار عالميا وبالنسبة لسؤالي عن المتاجرة قصدت أنو ست أونصات ذهب هنن كمية كافية ليدورن الواحد ويستفيد منن طبعا بعد متابعة التحليلات يعني ممكن سعر الاونصة يصعد ويرتد مثلا 200 دولار خلال اشهر قليلة عدة مرات عذرا على الاطالة أستاذ رامي وشكرا لاهتمامك بعتقد ان الكمية كافية .... وسطي تحرك الذهب في الشهر حوالي 140 دولار تكرم اخي الكريم انا اجبتك عن كل ما يتعلك بالذهب من حيث التسعير العالمي وتحركه عالميا وربما افيدك في تحليل مساره المستقبلي لكن عذرا للاجوبة عن السوق الداخلي هنالك من هو اعلم مني فيه . - طبعا المشكلة في ان سوريا لا تملك سوق لتداول اونصات الذهب... ولو كانت موجودة لذهب الى البنك او الصراف وليس الصائغ وطلبت منه شراء اونصة ذهب وسوف يبيعك اونصة عيار 24 وبسعرها العالمي الذي على الشاشة ويكون الفارق بين البيع والشراء موضح على الشاشة كما في شاشة اسعار العملات ...... اما سوريا غيـــــر ;) |
رد: عن الاستثمار في المعادن
عذراً أخ رامي معادلة حساب السعر المحلي للذهب عيار 21 : (السعر العالمي للأونصة / 31.105)*(21/24)= سعر الغرام عيار 21 بالدولار أو السعر العالمي للأونصة /27.2168= سعر الغرام عيار 21 بالدولار عيار 18(السعر العالمي للأونصة / 31.105)*(18/24)= سعر الغرام عيار 18 بالدولار أو السعر العالمي للأونصة /23.325= سعر الغرام عيار 18 بالدولار |
رد: عن الاستثمار في المعادن
بس فيه نقطة كتير مهمة أنو السعر العالمي المستخدم في سورية هو سعر يثبت للذهب مرتين يومياً من قبل بورصة لندن للذهب وليس السعر اللحظي للذهب للإطلاع على هذه الأسعار المثبتة تاريخياً إليكم الرابط التالي : http://www.lbma.org.uk/pages/index.cfm |
رد: عن الاستثمار في المعادن
السوق الداخلي صعب جدا
يعني : بدك تحسب عالدولار وعسعر الدهب سوا وغير هيك الصايغ بياخد منك فرق ، لو انو بيشتري على السعر كانت الامور أبسط من هيك ما في بس الصايغ بحط لحالو مجال مناورة حوالي 100 ليرة على الاقل غير الاجرة ، وعلى الاغلب بكون ربحان عليك وبهالايام بالذات الذهب بسوريا متل البورصة : الصياغ ما بيلتزموا بالسعر المعلن لا بالبيع ولا بالشراء ، واذا ما بدون يكشفوا هالشي بيلعبوا بالاجرة مشان ما يبين معك ، يعني قبل ما يبيع بيتصل بيشوف السوق وبدك تحسب الكلفة إذا بدك تقلب بين الدولار والدهب .. من فترة اشتريت دهب كسر بسعر أرخص من السوق ب 75 ليرة ، مشان اشترين بعت دولار .. المهم اليوم زاد السعر حوالي 200 ليرة وكأنك يا زيد ما غزيت ، لانو بين سعر بيع الدولار وسعر الشراء خسرت ثلاث ارباع مربح الدهب يا اكتر ! شغله فيها لفة عويصة بصراحة ، اللي بدو يشتري ذهب بدو يثبت حوالي 3 أو أربع أشهر وفي السنة الحالية الافضل ينتظر الربع الثالث أو الرابع للبيع فالمتوقع أن ترتفع الاسعار فيها بشكل مجزي وبالتوفيق |
| الساعة الآن 11:45 AM. |
Powered by vBulletin® Copyright ©2000 - 2025, Jelsoft Enterprises Ltd.
TranZ By Almuhajir
جميع الحقوق محفوظة syria-stocks