الأسهم السورية ( المضارب السوري) - صالة أسعار صرف الدولار وباقي العملات ليوم السبت 13-7-2013

الأسهم السورية ( المضارب السوري) (https://syria-stocks.com/forum/index.php)

القامشلي وتوابعها الساعة السادسة مساء سعر شراء دولار 290 بيع 300 وفوق واللي مو مصدق يتصل هههههههههههههههههههههههه

إذا صدقت الحكومة هالمرة بدعم المواد الغذائية الاساسية واستمرت بعملية التدخل الإيجابي بسعر الصرف فهذا يؤدي إلى أستقرار سعر الصرف على أسوء الإحتمالات ... وإنشاء الله بنشوف بعدها بتحسن بسعر الليرة

اقتباس:

المشاركة الأصلية كتبت بواسطة abo marwan (المشاركة 283583)

اعتقد ان سعر المبيع مبالغ به قليلا حسب قول اصدقائي

على كل حال ششكرا لك

شو طالعلنا باليانصيب
لتكون مفكر حالك بس انت بتتمنى ينزل سعر الصرف....
انا عم احكي الواقع وعم اسأل صرافين واكتب
واذا عم تصير حالات فردية بين الناس هاد بصير دائما وبأسعار متفاوتة

والمستغرب من سعر قامشلي السبب هو صرف فواتر القمح بهل فترة والعالم عم تحولن دولار واتوقع يبقى سوق قامشلي اسعارو عالية قياسية حتى 15\8 بسبب الفواتير وشكرا لكم

فرصة للي قلبو قوي يحملو كام دفتر دولار من المحافظة اللي فيها دولار رخيص ويطلع على قامشلي ويبيع
وينك يا ابو حكيم فرصتك اجت

على فكرة ...
سبب الارتفاع الجنوني قد يكون تضافر عدة عوامل ادت الى فورة في السوق
الرواتب تم امتصاصها مع بداية رمضان
التحويلات الخارجية من المغتربين لاهليهم هنا والتي كان يفترض ان تكون بالدولار وتخفض السعر تم صرفها حسب تعليمات المركزي بالليرة السورية مما رفع المعروض بشكل عالي جدا
اضافة الى استحقاقات المزارعين
وبدل ان يأتي قرار المركزي بالفائدة لسعر الصرف نتيجة منع تسليم الحوالات بالدولار اتى بالعكس ...وهو معروض هائل من الليرة السورية ..
النتيجة كانت طلب ممن تم التحويل إليه على الدولار .. وطير انت
لكن اظن ان المركزي أمن شوية دولارات نتيجة احتفاظه بالتحويلات ويمكن ان تساعده على لكمة صغيرة للسوق

مع ملاحظة أن :
هناك شركات تحول بالدولار ..وتسلم بالدولار .. وليست الوسترن يونيون
ولكن عن طريق مكاتب في الدولة المرسلة وسوريا لنفس الشركة
وهناك أناس لهم اقارب في بلاد اجنبية يقومون بعمل افضل من عمل شركات التحويل نفسها !
ويتم التحويل خلال ٥ دقائق
وبالعملة الاجنبية بعمولة اقل من ١%
وهي متداولة لدى العراقيين في اوربا وكانت موجودة في السيدة زينب حيث كانوا يتجمعون واظنها موجودة في جرمانا

ودمتم بمحبة

اقتباس:

المشاركة الأصلية كتبت بواسطة المضارب الحسكاوي (المشاركة 283594)

فرصة للي قلبو قوي يحملو كام دفتر دولار من المحافظة اللي فيها دولار رخيص ويطلع على قامشلي ويبيع
وينك يا ابو حكيم فرصتك اجت

على فكرة هناك مواصلات من بيروت للحسكة ويمكن للمخاطر ان يحمل من لبنان الى الحسكة ومن ثم القامشلي
بس ما بعرف اذا لبينا يوصل بكون تغير السعر

اقتباس:

المشاركة الأصلية كتبت بواسطة مجرد إنسان (المشاركة 283596)

على فكرة هناك مواصلات من بيروت للحسكة ويمكن للمخاطر ان يحمل من لبنان الى الحسكة ومن ثم القامشلي
بس ما بعرف اذا لبينا يوصل بكون تغير السعر

في شي عند الصرافيين اسمو تثيبيت يعني اتصل مع شي صديق يثيتلك المبلغ عند صراف ويتفق معو على استلام وتسليم بعد كذا ساعة 0 فرصة ذهبية 0 وبتخدمنا نحن ابناء المحافظة مشان سعر يصير متل باقي المحافظات 0

اقتباس:

المشاركة الأصلية كتبت بواسطة مجرد إنسان (المشاركة 283595)

حسب علمي أنو أكتر المغتربين و خصوصاً في دول الخليج بدأت تحول الى أهاليها بالليرة السورية عن طريق مكاتب نظامية.
أما من يريد التحويل بعملة أخرى، فيلجأ الى تجار تمتهن هذه التحويلات و بنفس العملة المراد تحويلها و بسرعة البرق.
هذا أدى الى خسارة مكاتب التحويل النظامية لزبائن كثر، و أدى الى خسارة الدولة مبالغ كبيرة من العملة الصعبة، نتيجة لجوء المغتربين لشراء الليرة من بلد المغترب و تحويلها الى أهلهم بسوريا عوضاً عن العملة الصعبة بسبب القرار الأخير حول التسليم بالليرة السورية حصراً و بسعر جائر.

اقتباس:

المشاركة الأصلية كتبت بواسطة مجرد إنسان (المشاركة 283588)

صحيح : تحية للابواق الجديدة التي انضمت حديثا
شغالين على مبدأ
النق متل السحر
صرنا نلاقي بالصفحة بين ٣-٦ مشاركات لنفس الشخص في تمجيد ما يؤيده من وجهات النظر ...
لست أدري ولكن ذلك يمكن ان يعتبر spam ‎‏ للمنتدى
يالله ..
خلينا نتذكر الابواق حاكم من زمان ما شفنا تلفزيون الدنيا
ههههه

مع تحيات ابراهيم طاهر وشركاه
(شركة مرعبين الدولار المحدودة)