الأسهم السورية ( المضارب السوري) - صالون سيريا ستوكس للعطلات ليومي السبت و الأحد 25&26

اقتباس:

المشاركة الأصلية كتبت بواسطة biso (المشاركة 169154)

كل واحد بيفهم المعلومات اللي نقلتها للموقع حسب عقله ... ومستواه الفكري ... :confused2:

أعتقد أنك تتحدث بلغة عنصرية واضحة جداً ...

هاد استفتاء فيه حقلين نعم ... لا ...

بتختار اللي بتقنع فيه وبس ...

سيد بيسو.
أنا ما بعرف وين شفت اللغة العنصرية الواضحة بحكيي. أنا كان كلامي واضح. وضد عنصرية المادة الثالثة محط الجدال. مو أنا العنصري ولا كلامي العنصري. العنصري هو يلي كتب هي المادة بالدستور وحطها. والعنصري هو يلي بيدافع عنها كمان.
بالنسبة تبع استفتاء فيه حقلين نعم. لا. بتحتار اللي بتقتنع فيه وبس. برافو عليك. يعني هادا مبدأ بالصرماية. وبما أنك لا تزال مؤمن بمدأ بالصرماية. فمعناتها ما بتعرف شو يعني دستور. ولا شو يعني عقد اجتماعي.

وبالنسبة للمواد الدستورية يلي ما بعرف من وين جبتها سابقا حضرتك. بحب زيدك معرفة. أنو اليونان جمهورية مانها مملكة. ويمكن لازم تقرا الويكيبيديا بالإنكليزي والعربي والفرنسي منشان تتأكد. وتقرا أنو لا دين للدولة في اليونان. أما بالنسبة لباقي الدول يلي سبق وحضرتك حكيت عنها. فهي الدول ملكية دستورية. والملك فيها ما بيمون على تغيير برادي قصرو. متل ملك السويد أو ملكة الدنمارك. طبعا والملك لا ينتخب إنتخاب هنيك. بيورت ورتة.

بالنهاية أنا ضد المادة التالتة مو منطلق أني مسيحي. حاشا. أنا ضد المادة التالتة لأنو فيها تمييز كبير ضد مواطنين سوريين. وأنا لو كنت مسلم كنت رح أرفض هاد التمييز . متل ما كتير من رفقاتي المسلمين بيرفضوه. وبرجع بقلك. إيماني بالشعب السوري ووعيو وحضارتو. بتأكدلي أنو بيوم من الأيام . إذا مو عأيامك عأيام ولادك، وإذا مو عأيام ولادك عأيام أحفادك. رح يجي الوقت يلي لن يمانع أبدا أن ينتخب المسلمون رئيس مسيحي إذا كان كفؤا. كما حدث في الولايات المتحدة الذين انتخبو باراك حسين أوباما. الأسود. الذي والده مسلم. رئيسا للجمهورية.